________________
104. जो खविदमोहकलुसो विसयविरत्तो मणो णिरुंभित्ता ।
समवट्टिदो सहावे सो अप्पाणं हवदि झादा ।।
105. णिहदघणघादिकम्मो पच्चक्खं सव्वभावतच्चण्हू । णेयंतगदो समणो झादि कमठ्ठे असंदेहो ।।
106. सव्वाबाधविजुत्तो समंतसव्वक्खसोक्खणाणड्ढो । भूदो अक्खातीदो झादि अणक्खो परं सोक्खं ।।
107. एवं जिणा जिणिंदा सिद्धा मग्गं समुट्ठिदा समणा । जादा णमोत्थु तेसिं तस्स य णिव्वाणमग्गस्स ।।
108. तम्हा तह जाणित्ता अप्पाणं जाणगं सभावेण । परिवज्जामि ममत्तिं उवट्ठिदो णिम्ममत्तम्मि ।।
प्रवचनसार ( खण्ड - 2)
Jain Education International
For Personal & Private Use Only
(137)
www.jainelibrary.org
