________________
96. सपदेसो सो अप्पा कसायिदो मोहरागदोसेहि।
कम्मरजेहिं सिलिट्ठो बंधो त्ति परूविदो समये।।
97. एसो बंधसमासो जीवाणं णिच्छयेण णिद्दिट्टो।
अरहंतेहिं जदीणं ववहारो अण्णहा भणिदो।।
98. ण चयदि जो दु ममत्तिं अहं ममेदं ति देहदविणेसु।..
सो सामण्णं चत्ता पडिवण्णो होदि उम्मग्ग।।
99. · णाहं होमि परेसिंण मे परे संति णाणमहमेक्को।
इदि जो झायदि झाणे सो अप्पाणं हवदि झादा।।
100. एवं णाणप्पाणं दंसणभूदं अदिदियमहत्थं।
धुवमचलमणालंबं मण्णेऽहं अप्पगं सुद्ध।।
101. देहा वा दविणा वा सुहदुक्खा वाध सत्तुमित्तजणा।
जीवस्स ण संति धुवा धुवोवओगप्पगो अप्पा।
102. जो एवं जाणित्ता झादि परं अप्पगं विसुद्धप्पा।
सागारोऽणागारो खवेदि सो मोहदुग्गंठिं।।
103. जो णिहदमोहगंठी रागपदोसे खवीय सामण्णे।
होज्जं समसुहदुक्खो सो सोक्खं अक्खयं लहदि।।
(136)
प्रवचनसार (खण्ड-2)
Jain Education International
For Personal & Private Use Only
www.jainelibrary.org
