________________
१५) श्रीज्ञानपञ्चमीस्तोत्रम्
लोयालोयपयासय, सासयवरविमलकेवलालोयं । लोइयलोयालोय, पणमित्तु जिणेसरं वीरं ॥१॥ [गाहा] जं अत्थओ पणीयं, तेणं चिय सुत्तओ गणहरेहिं । रइयं तं सुयनाणं, थुणामि भावेण हयमाणं ॥२॥ अंगाऽणंगपविटुं कालियमुक्कालियं जिणुद्दिटुं । पणमामि मइविसिटुं, सुयनाणं गुणगणगरिटुं ॥३॥ निच्चाऽनिच्चमरूवं, पोराणं पुव्वपुरिसविणिवद्धं । परमद्धमागहाए, भासाए अमयमहुराए ॥४॥ जीवाऽजीवाइसमत्थवत्थुवित्थारपयडणपईवं । संसारोयहिमज्जिरे, असंदणासासवरदीवं ।।५।। अच्चंतुत्तम पुन्नाणुबंधिपुन्नाण मुत्तमोहेऊ । पावाऽऽमयसमसत्तममगयं पणमामि सुयनाणं ॥६॥ मिच्छत्ततिमिरपुन्ने, लोगे कुग्गाहगत्तसंकिन्ने । सूरं व विणा सुत्तं, सिवपुरपहपयडणं कत्तो ? ॥७॥ सग्गाऽपवग्गसंसग्गदेसियं लोयणं व सुयनाणं । मुत्तूण सुगइगमणं, जीवाणं कह भवअरन्ने ? ॥८॥ तावच्चिय मय-मोहो तावच्चिय कुग्गहाण संदोहो । सव्वन्नुवयणविन्नाणगोयरं जा नहु विवेओ ॥९॥ नाणं ताणं सरणं, नाणं नावं भवोयहिगयाणं । दलिद्ददसियाणं, नाणं चिंतामणि समाणं ॥१०॥ असुरिंद-सुरिंद-नरिंद-चंदविदेहि वंदियं नाणं । नाणं सुगइपहाणं, नाणसरिच्छं परं नत्थि ॥११।।
Jain Education International
For Personal & Private Use Only
www.jainelibrary.org
