________________
३४. श्रीनेमिनाथस्तोत्रसङ्ग्रहः सुविशालशिवालयजातलयं, कृतमोहनरेन्द्रबलप्रलयम् । .. विनमामि जगत्रयबोधकरं', गिरनारविभूषणनेमिवरम् ॥१॥ [तोटकम्] प्रणमामि नरेश्वरवन्द्यपदं, परिवर्जितमारविकारमदम् । ... हर-हासविकाशयशःप्रसरं, गिरनारविभूषणनेमिवरम् ।।२।। . कमलोदरकोमलपादतलं, गणनापरिवर्जितबाहुबलम् । जनताश्रयसंशयदोषहरं, गिरनारविभूषणनेमिवरम् ॥३॥ . . भवभीममहोदधितारतरिं, करणद्विपकुम्भकठोरहरिम् । । वरतारतुषारगुणौघधरं गिरनारविभूषणनेमिवरम् ॥४॥ ६नुतनम्रसुराऽसुरराजगणं तुहिनत्विषिनिर्मलशीलगुणम् । पदपङ्कजलीननिधिभ्रमरं, गिरनारविभूषणनेमिवरम् ॥५॥ पटुवाणिजनौघकृतस्तवनं, विहितान्तरबाह्यरुजाशमनम् । प्रणमाम्यहमस्तसमस्तदरं, गिरनारविभूषणनेमिवरम् ।।६।। भुवनत्रयपद्मविबोदरवि, मदपर्वतश्रृङ्गविभङ्गपविम् । नमताऽमृतसौख्यविधानपरं, गिरनारविभूषणनेमिवरम् ॥७॥ परिवर्जितबन्धुकलत्रधनं, नरकादिकडामरदावघनम् । वितताऽऽमलकेवलबोधकरं१, गिरनारविभूषणनेमिवरम् ॥८॥ इति नेमिजिनेश्वर-सकलसुरेश्वर-नतदेवेन्द्रमुनीन्द्रगणम्१२ । गिरनारविभूषण-विगलितदूषण-भवभयशम्भवभयहरणम् ।।९।।
१. '०बोधिकरं'- पा. । २. 'विन्दिपदं'-को-२ । ३. 'विकाशि०'-को-१, 'विकार०'-पा. । ४. '०कान्तिभरं'-को-२. । ५. 'जननाशय०'-पा. । ६. 'नत०'- पा.। ७. 'भवन०'-को-२. । ८. '०रवं' - को-२ । ९. 'नमताऽमित०' - को-२. । १०. '०डाम्बरदानघनं' - पा. । ११. ०बोधिकरं' - पा. । १२. 'गणि' - पा.।
Jain Education International
For Personal & Private Use Only
www.jainelibrary.org
