________________
२४ • श्रीनेमिनाथस्तोत्रसङ्ग्रहः आछिद्य स्वपदाब्जयोः किल तले चिक्षेप यः पाटल- .. ज्योतिर्जालमिषात् स नेमिरवताद् वीराधिवीरः प्रजाः ॥५।। गत्या यद् विजिता मतङ्गजघटा नष्टा दिगन्ताटवीप्रान्तं प्राप तया स्वसन्धिविधये स्वालङ्कृतिः प्राभृतम् । चक्रे यद् पदयोः सुशोणिममिषात् सिन्दूरपूर: किल, श्रेयःसम्पदमातनोतु भगवान् श्रीनेमिनाथः स वः ॥६॥ .. वेल्लच्छोणमरीचिवीचिदहनव्याप्तावधः कज्जलश्यामाङ्गद्युतिधूम्रधूमपटलावूर्ध्वप्रदेशे पुनः । नम्राणां भविनां दुरन्तदुरितश्रेणी: सदा जुह्वतः, .. श्रीमन्नेमिविभोः पदौ विजयदौ स्तां यज्ञवेदीसमौ ॥७॥ चिन्तातीतफलप्रदानकलया यस्य प्रभोर्निर्जिताः, कल्पक्षोणिरुहा दशाऽपि धरणीं त्यक्त्वा सुमेरुं गताः । स्वस्थानं पुनरीप्सवश्चरणयोः स्वान् पल्लवान् प्राभृतं, कुर्वन्ति स्म दशाङ्गुलिच्छलवशान्नेमिः स वः श्रेयसे ।।८।। यस्य प्रोल्लसता प्रतापमहसा जिग्ये सहस्रद्युतिस्तन्नूनं बहुधा स्वभक्त्यतिशयप्रादुष्कृति कृत्यवित् । यत्पादौ दशधा विनिर्मिततनु भेजे नखानां मिषात्, स श्रेयः पदसम्पदः प्रददतां देवः शिवानन्दनः ॥९॥ विष्णोर्वीर्यमदज्वरप्रशमने वैद्याविव स्वर्गिणां, विश्वध्यापकदर्पदर्पकगिरौ दम्भोलिदण्डाविव । कल्पक्षोणिरुहाविव प्रणयने नम्रेप्सितार्थावलेर्दोर्दण्डौ भवतां शिवाय भवतां श्रीनेमिनः स्वामिनः ॥१०॥ भजति सुरमणिश्चेद् बीजतां कामकुम्भैः, सरसनिजपयोभिः सिञ्चते कामधेनुः ।
४. प्रतौ 'महिमा' इति पाठः ।
Jain Education International
For Personal & Private Use Only
www.jainelibrary.org
