________________
४) अज्ञातकर्तृकाणि पञ्चजिनस्तोत्राणि ॥ .
१. श्रीआदिजिनस्तोत्रम् ॥ भीमभवसंभमझंतजंतुसंताणा ताणदाणखमं । उसभं जिणवसभमहं, थुणामि भावेण भुवणगुरुं ॥१॥ [गाहा] चविउं सव्वट्ठाउं, कसिणचउत्थीइ तुमसाढस्स।
ओइन्नो उद्धरियं, जयमिव इक्खागभूमीए ॥२॥ चित्तबहुलट्ठमीए धणुम्मि रासिम्मि कणयगोरंगो। जाओ सि तुमं जयगुरु, जयमाणो तिहुयणपमोयं ॥३॥ चउहि सहस्सेहि समं, सामंताणं तणं व चईय सिरिं। चित्तबहुलट्ठमीए, छद्रेण तुमं व णिक्खंतो ॥४॥ फग्गुणबहुलक्कारसीइ, तं देवपुरम्मि तालम्मि। वाससहस्ससंते, संपत्तो केवलालोयं ॥५॥ चुलसीइ पुव्वलक्खे, सव्वाउं धरिय माहकिन्हाए । तं तेरसीय निव्वुइ, जिण ! जय अट्ठावयगिरिम्मि ॥६॥
२. श्रीशान्तिजिनस्तोत्रम् ॥ हरिकरि रहुकडं चक्कलच्छिमुज्झिय पवन्न चरणसिरिं। भुवणत्तयकयसंति, संतिजिणिदं थुणामिऽहं ॥१॥ [गाहा] देव ! तुमं भद्दवए कसिणाए सत्तमी सव्वळे । मुत्तुं गयरइ गयउ[र]नयरे, गब्भम्मि संकेतो ॥२॥ जिट्ठस्स तेरसीए, किन्हाए देव तं कणयवन्नो। भत्तिनमंतसुहम्मेसा मेसरासिम्मि जाओसि ॥३॥ पत्थिवदससयजुत्तो, बहुलाए चउद्दसीइ तं जिठे। कयछट्टो सामन्नं, नीसामन्नं पन्नवोसि ॥४॥
Jain Education International
For Personal & Private Use Only
www.jainelibrary.org
