________________
२२४ • श्रीनेमिनाथस्तोत्रसङ्ग्रहः ४. श्रीमहावीरगुणस्तवः ॥ स श्रीवीरजिनो [धिनो]तु भविनोऽभीष्टार्थसार्थार्पणान्, नव्यः कोऽपि सुरद्रुमः क्रमनमद्वृन्दारकग्रामणीः । त्रैलोक्यादरसङ्गिनः सममहा एकोप्यनेकाङ्गिनस्
तूर्णं पूर्णमनोरथान् प्रथयति ध्यातः श्रुतो वापि यः ॥ १॥ [शार्दूलविक्रीडितम्] यद्रूपं परमार्थसन्न वचसां तद्गोचर: कर्हिचिद्
यच्च स्यात् तदऽवस्तु सत्सुरततिः शक्या न यस्य प्रभोः । स्तोतुं वीरजिनं व्यवस्यति तमप्येषोऽनुरागेरितः, शक्याशक्यविचारणे चतुरता प्रायो न यद्ागिणाम् ॥२॥ यं वक्तुं प्रखरीभवेद् भगवती नो वैखरी भारती, नै वा सावपि मध्यमा कलयितुं प्रागल्भ्यमभ्यस्यति । पश्यन्त्याविषयः पुराणपुरुषः स ब्रह्मलक्ष्मीमयः, श्रीवीरस्तनुतां जिनस्तनुमतां स्वात्मावबोधं महः ॥३॥ प्रत्यूह प्रलयस्त्रिलोकविजयः सौभाग्यभाग्योदयः, श्री - ह्री- धी- धृति-कीर्त्तयः स्ववशगाश्चाऽष्टौ महासिद्धयः । यद्भक्तेर्भविनां भवन्ति भुवनस्वामी स चामीकरद्योतिर्धोतिवपुः प्रपुष्यतु सतां श्रीवर्धमानः श्रियम् ||४|| स्वर्गिभ्यो नारकाणां स्थलजलख[च]रप्राणिनां वा नृणां वा, सोख्याऽद्वैते प्रवृत्ते त्रिजगति विलसत्सान्द्रहर्षप्रकर्षे । भेदं नो वेद विद्वानपि निपुणमतिर्यस्य जन्मोत्सवेऽसौ, लक्ष्मीः श्रीवर्धमानः प्रथयतु भगवान् भाविनां वर्धमानाः ||५|| [स्रग्धरा ] प्रवेन्द्राणीगणानि स्फुटपटहरवव्याप्तविश्वाङ्गणानि,
क्रीडद्देवाऽसुराणि श्रवणसुखसुरीगीतिभिर्भासुराणि । वीरस्याऽनर्गलानि त्रिजगदधिपतेर्मङ्गलानि क्रियासुर्ज्योतिः स्फीताम्बराणि त्रिदशगिरिवरे मज्जनाडम्बराणि ||६||
Jain Education International
For Personal & Private Use Only
www.jainelibrary.org
