________________
रैवतगिरिपञ्चाशिका • ९७ भयवं दाउ पयाहिणं तित्थं नमिऊण आसणारूढो । सव्वसहारण-जोयणगिराए तो देसए धम्मं ॥२५।। चउविहदेवा-देवी बहुविहनर-नारि-तिरियवग्गावि । जिणपन्नत्तं धम्मं सुगंति तहियं तओ जाया ॥२६।। वरदत्ताईगणहर-अट्ठारऽट्ठारमुणिसहस्सा य जक्खिण । जक्खि णमह मणिमहत्तरा तह समणी सहसाउ चालिसं ॥२७।। नंदपमुहाओ सड्ढा लक्खा एगूणसत्तरिसहस्सा । सुव्वय मुहा सड्डी लक्खतिगं सहसछत्तीसं ॥२८॥ सम्मत्तं गुणबहवे गिण्हंति, तहिं तओ य विहरेइ । सामी सपरीवारो भुवि भवियजणे विबोहितो ।।२९।। तं सिरिरेवयपव्वय-सिहरं सिहरं सहिउं थुणेह तह । नेमि जह आसु देइ केवलमहवपयं सिरिमहिंदाणं ॥३०॥ इय विहरिय महिवलए पुणरवि जउकुलविसेसबोहत्थं । इह रेवयम्मि सामी समोसरइ भद्दगयगामी ॥३१॥ रुप्पद्ध तेरकोडी पिइदाणं दाउं वंदओ चलइ । कण्हो दस वि दसारा बलाइ पंच वि महावीरा ॥३२॥ पज्जुन्ना य अहुट्ठा कोडीओ सट्ठिसहस संबाइ । रुप्पिणि-भामाइ य सहसा बत्तीस देवीणं ॥३३।। अवरुद्धिणेग सहसा निवसहसा सोल उग्गसेणाई । वीराण वीरसेणाइयाण इगवीस सहसा य ॥३४॥ छप्पन्नं च सहस्सा महसेणाईण अइबलनराण । बत्तीसय पोराणाय अणेग कोडीओ सह चलिया ॥३५॥ जिणछत्तत्तयदंसणि मुत्तुं निवकुहपंचगं राया । पंचाभिगम पयाहिणं जिणथुई नमं च धम्मसुई ॥३६।।
Jain Education International
For Personal & Private Use Only
www.jainelibrary.org
