________________
नेमिजिनद्वात्रिंशिका ७३ पुन्नमाचंद जिम नयणआणंदणो, संखलंछणवणो जणियजगरंजणो । रुवलावन्नबलि कुणिहिं न विन्नामिउ, रमइ रामेण गोविंद सिउं सामिउ ।।५।। मयण भडभूरिभइवायभयभंजणो, संखसदेण जरासिंधु बलगंजणो । वामभूयदंडहरि हेलिहिं डोलणो, धरियधीरिमधरामेरुगिरितोलणो ॥६।। भोगभंगीभुजंगीपरिवज्जणो, सामतणु विमलमणु सिरिसिवानंदणो । ललियगइ ललियमइ ललियसंवरवरो, तिन्निसय वरिस घरि रहिय नेमीसरो ।।७।। मिलिय यदुवंसनरनारि रंजणकए, गरुय विच्छड्डिवीवाहि वरचल्लए । पसू य पिक्खि करुणापरो वलियउ, सुरभ केणावि केय बंधणे कलियउ ।।८।। समय जाणेवि लोगंतिया आगया, नमवि सिरिनेमि जिणु विन्नवइ देवया । धम्मु वरु तित्थ जगनाह ! तुम्हि पयडउ, सुर जिम मोहअंधकारउ फेडउ ।।९।। तयणु जिण वरिसदिणु दाणु देई करी, माय-पीयराण पहु अणुमयं अणुसरी । परमसंवेगरसरसिय साहसपरो, बारवइ मज्झि मज्झेण जिणेसरो ॥१०॥
Jain Education International
For Personal & Private Use Only
www.jainelibrary.org
