________________
२३०
प्रज्ञापना सूत्र
*
*
*
*
-
-
-
*
*
*
*
*
वैमानिक देवों के स्थान कहि णं भंते! वेमाणियाणं देवाणं पजत्तापजत्तगाणं ठाणा पण्णत्ता? कहि णं भंते! वेमाणिया देवा परिवसंति?
गोयमा! इमीसे रयणप्पभाए पुढवीए बहुसम रमणिज्जाओ भूमिभागाओ उड्ढे चंदिम सूरिय गह णक्खत्त तारारूवाणं बहूई जोयणसयाई बहूइं जोयणसहस्साई बहूइं जोयणसयसहस्साइं बहुगाओ जोयणकोडीओ बहुगाओ जोयणकोडाकोडीओ उर्दू दूरं उप्पइत्ता एत्थ णं सोहम्मीसाण सणंकुमार-माहिंद बंभलोय लंतग-महासुक्कसहस्सार-आणय-पाणय-आरणच्चुय गेवेजणुत्तरेसु एत्थ णं वेमाणियाणं देवाणं चउरासीइ विमाणा वास सयसहस्सा सत्ताणउइं च सहस्सा तेवीसं च विमाणा भवंतीति मक्खायं।
ते णं विमाणा सव्वरयणामया, अच्छा, सण्हा, लण्हा, घट्ठा, मट्ठा, णीरया, णिम्मला, णिप्पंका, णिक्कंकडच्छाया, सप्पभा, सस्सिरीया, सउज्जोया, पासाईया, दरिसणिजा, अभिरूवा, पडिरूवा।
एत्थ णं वेमाणियाणं देवाणं पजत्तापजत्तगाणं ठाणा पण्णत्ता।तिसु वि लोयस्स असंखिज्जइभागे। तत्थ णं बहवे वेमाणिया देवा परिवसंति। तंजहा - सोहम्मीसाणसणंकु मार-माहिंद-बंभलोग-लंतग-महासुक्क-सहस्सार-आणय-पाणयआरणच्चुयगेवेज्जणुत्तरोववाइया देवा।
ते णं मिग-महिस-वराह-सीह-छगल-दहुर हय-गयवइ-भुयग खग्ग उसभ* विडिम-पागडिय चिंधमउडा, पसिढिल वर मउड किरीडधारिणो, वरकुंडलुज्जोइयाणणा, मउडदित्तसिरया, रत्ताभा, पउमपम्ह गोरा, सेया, सुहवण्ण गंधफासा, उत्तमवेउव्विणो, पवर वत्थ गंध मल्लाणुलेवणधरा, महिड्डिया, महज्जुइया; महायसा, महाबला, महाणुभागा, महासोक्खा, हारविराइयवच्छा, कडय तुडिय थंभियभुया, अंगद कुंडल मट्ठ गंडतल कण्णपीढधारी, विचित्त हत्थाभरणा, विचित्त मालामउलिमउडा, कल्लाणग पवर वत्थपरिहिया, कल्लाणग पवर मल्लाणुलेवणा, भासुरबोंदी, पलंब वणमालधरा,
___ * पाठान्तर - उसभंक
Jain Education International
For Personal & Private Use Only
www.jainelibrary.org
