________________
२२३४
.
भगवती सूत्र-१. १६ उ. ६ उदायन नरेश का संकल्प
राईसर-तलवर० जाव सत्थवाहप्पभिईओ, जे णं समणं भगवं महावीरं वंदंति णमंसंति, जाव पज्जुवासंति । जइ णं समणे भगवं महावीरे पुवाणुपुब्बिं चरमाणे गामाणुगामं जाव विहरमाणे इहमागच्छेजा, इह समोसरेजा, इहेव वीतीभयस्स णयरस्स बहिया मियवणे उजाणे अहापडिरूवं उग्गहं उग्गिण्डित्ता संजमेणं तवसा जाव विहरेजा, तो णं अहं समणं भगवं महावीरं वंदेजा, णमंसेन्जा, जाव पज्जुवासेज्जा । तएणं समणे भगवं महावीरे उदायणस्स रण्णो अयमेयारूवं अन्झत्थियं जाव समुप्पण्णं वियाणित्ता चंपाओ • णयरीओ पुण्णभदाओ चेइयाओ पडिणिक्वमड़, पडिणिक्खमित्ता पुव्वाणुपुदि चरमाणे गामाणुगामं जाव विहरमाणे जेणेव सिंधूमोवीरे जणवए जेणेव वीतीभये गयरे, जेणेव मियवणे उजाणे तेणेव उवा. गच्छइ, तेणेव उवागच्छित्ता जाव विहरइ । तएणं वीतीभये णयरे सिंघाडग० जाव परिसा पज्जुवासइ । तएणं से उदायणे राया इमीसे कहाए लढे समाणे हट्ट तुट्ट० कोडुंबियपुरिसे सद्दावेइ, कोडुंबियपुरिसे सदावित्ता एवं वयासी-"खिप्पामेव भो देवाणुप्पिया ! वीतीभयं णयरं सम्भितरवाहिरियं जहा कूणिओ उववाइए जाव 'पज्जु. वासई'। पभावईपामोक्खाओ देवीओ तहेव जाव पज्जुवासंति । धम्मकहा । तएणं से उदायणे राया समणस्स भगवओ महावीरस्स अंतियं धम्म सोचा णिसम्म हट-तुट्टे उट्ठाए उट्टेइ, उठाए उद्वित्ता
Jain Education International
For Personal & Private Use Only
www.jainelibrary.org
