________________
भगवती सूत्र-श. ३ उ. १ ईशानेन्द्र का भगवद् वंदन
ईशानेन्द्र का भगवद् वंदन १५ प्रश्न-तए णं समणे भगवं महावीरे अण्णया कयाई मोयाओ नयरीओ नंदणाओ चेइयाओ पडिनिक्खमइ, पडिनिक्खमित्ता बहिया जणवयविहारं विहरइ । तेणं कालेणं तेणं समएणं रायगिहे नाम णयरे होत्था । (वण्णओ०) जाव-परिसा पज्जु. वासइ । तेणं कालेणं तेणं समएणं ईसाणे देविंदे देवराया, सूलपाणी, वसहवाहणे, उत्तरड्ढलोगाहिवई, अट्ठावीसविमाणावाससयसहस्साहिवई, अरयंबरवत्थधरे, आलइयमालमउडे, नवहेमचारुचित्तचंचलकुंडलविलिहिजमाणगंडे; जाव दस दिसाओ उज्जोवेमाणे; पभासेमाणे, ईसाणे कप्पे, ईसाणवडिंसए विमाणे, जहेव रायप्पसेणइजे जाव-दिव्वं देविडिंढ जाव-जामेव दिसि पाउब्भूए, तामेव दिसिं पडिगए । 'भंते !' त्ति, भगवं गोयमे समणं भगवं महावीरं वंदइ णमंसइ, वंदित्ता णमंसित्ता एवं वयासीः-अहो ! णं भंते ! ईसाणे देविंदे देवराया महिड्ढीए, ईसाणस्स णं भंते ! सा दिव्वा देविड्ढी कहिं गया, कहिं अणुपविट्ठा ?
१५ उत्तर-गोयमा ! सरीरं गया । सरीरं अणुपविट्ठा ।।
१६ प्रश्न-से केणटेणं भंते ! एवं वुच्चइ-सरीरं गया ? सरीरं अणुपविट्ठा ?
१६ उत्तर-गोयमा ! से जहा णामए कूडागारसाला सिया दुहओ लित्ता, गुत्ता, गुत्तदुवारा णिवाया णिवायगंभीरा, तीसे णं कूडागारसालाए दिटुंतो भाणियव्वो।
कठिन शब्दार्थ-अण्णया कयाई-अन्यदा कभी-बाद में किसी दिन, पडिणिक्खमइ
Jain Education International
For Personal & Private Use Only
www.jainelibrary.org
