________________
भगवती सूत्र-श. ३ उ. , शक्रेन्द्र की ऋद्धि
विमाणंसि, उववायसभाए देवसयणिजंसि देवदूसंतरिए अंगुलस्स असंखेजइभागमेत्ताए ओगाहणाए सवकस्स देविंदस्स, देवरण्णो सामाणियदेवत्ताए उववण्णे, तएणं से तीसए देवे अहुणोववण्णमेत्ते समाणे पंचविहाए पजत्तीए पजत्तिभावं गच्छइ, तं जहा-आहारपजत्तीए, सरीर-इंदिय-आण-पाणपजत्तीए, भासा-मणपजत्तीए; तएणं तं तीसयं देवं पंचविहाए पजत्तीए पजत्तिभावं गयं समाणं सामाणियपरिसोववंण्णया देवा करयलपरिग्गहियं दसणहं सिरसावत्तं मत्थए अंजलिं कटु जएणं, विजएणं वद्धाविति, वद्धावित्ता एवं वयासीः-अहो ! णं देवाणुप्पिएहिं दिव्वा देविड्ढी, दिव्वा देवज्जुई, दिव्वे देवाणुभावे लधे, पत्ते, अभिसमण्णागए; जारिसिया णं देवाणुप्पिएहिं दिव्या देविड्ढी, दिव्वा देवज्जुई, दिव्वे देवाणुभावे लधे, पत्ते, अभिसमण्णागए तारिसिया णं सक्केण वि देविदेण देवरण्णा दिव्वा देविड्ढी, जाव-अभिसमण्णागया जारिसिया णं सक्केणं देविदेणं, देवरण्णा दिव्या देविड्ढी, जाव-अभिसमण्णागया, तारिसिया णं देवाणुप्पिएहिं वि दिव्वा देविड्ढी, जावअभिसमण्णागया; से णं भंते ! तीसए देवे केमहिढीए, जाव-केवइयं च णं पभू विउवित्तए ?
११ उत्तर-गोयमा ! महिड्ढीए, जाव-महाणुभागे; से णं तत्थ सयस्स विमाणस्स, चउण्हं सामाणियसाहस्सीणं, चउण्हं अग्गम
Jain Education International
For Personal & Private Use Only
www.jainelibrary.org
