________________
७०२
भगवती सूत्र-श ३ उ. ६ सम्यग्दृष्टि अनगार की विकुर्वणा
११ प्रश्न-अणगारे णं भंते ! भावियप्पा अमाई सम्मदिट्ठी वीरियलद्धीए, वेउन्वियलद्धीए, ओहिणाणलद्धीए रायगिहं णयर, वाणारसिं णयरी च अंतरा एगं महं जणवयवग्गं समोहए, समोहणित्ता रायगिहं णयरं वाणारसिं णयरी, तं च अंतरा एगं महं जणवय- . वग्गं जाणइ पासइ ?
११ उत्तर-हंता, जाणइ पासइ ।
१२ प्रश्न-से भंते ! किं तहाभावं जाणइ पासइ, अण्णहाभावं जाणइ पासइ ? ___१२ उत्तर-गोयमा ! तहाभावं जाणइ पासइ, णो अण्णहाभावं जाणइ पासइ।
१३ प्रश्न-से केणटेणं?
१३ उत्तर-गोयमा ! तस्स णं एवं भवइ णो खलु एस रायगिहे णयरे, णो खलु एस वाणारसी णयरी, णो खलु एस अंतरा एगे जणवयवग्गे, एस खलु ममं बीरियलद्धी, वेउब्धियलद्धी, ओहि. णाणलद्धी, इड्ढी जुत्ती, जसे, बले, वीरिए, पुरिसकारपरकमे लधे, पत्ते, अभिसमण्णागए, से से दंसणे अविवचासे भवइ, से तेणटेणं गोयमा ! एवं वुच्चइ-तहाभावं जाणइ पासइ; णो अण्णहाभावं जाणइ पासइ ।
१४ प्रश्न-अणगारे णं भंते ! भावियप्पा बाहिरए पोग्गले
Jain Education International
For Personal & Private Use Only
www.jainelibrary.org
