________________
भगवती सूत्र-श. १ उ. १ बेइन्द्रिय जीवों का वर्णन
बेइन्द्रिय जीवों का वर्णन
३४-बेइंदियाणं ठिई भाणियव्वा उस्सासो वेमायाए । ३५ प्रश्न वेइंदियाणं आहारे पुच्छा ?
३५ उत्तर-अणाभोग णिव्वत्तिए तहेव, तत्थ णं जे से आभोगणिव्वत्तिए से णं असंखेजसमइए, अंतोमुहुत्तिए वेमायाए आहारट्ठे समुप्पजइ, सेसं तहेव जाव अणंतभागं आसायंति ।
३६ प्रश्न-बेइंदिया णं भंते ! जे पोग्गले आहारत्ताए गिण्हंति, ते किं सव्वे आहारंति, णो सव्वे आहारंति ।
३६ उत्तर-गोयमा ! बेइंदियाणं दुविहे आहारे पण्णत्ते तंजहालोमाहारे पक्खेवाहारे । जे पोग्गले लोमाहारत्ताए गिण्हंति ते सव्वे अपरिसेसिए आहारेंति, जे पक्खेवाहारत्ताए गिण्हंति तेसिं णं पोग्गलाणं असंखेजइभागंआहारति, अणेगाइं च णं भागसहस्साइं अणासाइजमाणाइं अफासाइजमाणाइं विद्धंसं आगच्छति ।
३७ प्रश्न-एएसि णं भंते ! पोग्गलाणं अणासाइजमाणाणं अफासाइजमाणाणं कयरे कयरेहितो अप्पा वा बहुंया वा तुल्ला वा विसेसाहिया वा ?
३७ उत्तर-गोयमा ! सव्वत्थोवा पोग्गला अणासाइजमाणा, अफासाइजमाणा अणंतगुणा ।
Jain Education International
For Personal & Private Use Only
www.jainelibrary.org
