________________
१९८
हैमलघुप्रक्रियाव्याकरणे
एमि इवः इमः १ । इयात् इयाताम् इयुः २ । एतु - इतात् इताम् यन्तु । इहि - इतात् इतम् इत । अयानि अयाव अयाम ३ । त्यस्तैर्वृद्धिः ॥ ८ ॥
इणिकोरस्तेश्चादेः स्वरस्य ह्यस्तन्यां वृद्धिः स्यात् । अमाङाग्रस्वाल्लुगपवादोऽयम् । ऐत् ऐताम् आयन् । ऐः ऐतम् ऐत | आयम् ऐव ऐम ४ । पिबैतिदेति सिज्लोपे ।
1
इणिकोर्गाः ॥ ९ ॥
इणिकोरद्यतन्यां विषये गाः स्यात् । अगात् अगाताम् अगुः ५ । द्वित्वे द्वितीयस्य वृद्धावायादेशे ।
पूर्वस्यास्खे खरे वोरियुक् ॥ १० ॥ द्वित्वे सति यः पूर्वस्तत्सम्बन्धिनोरि वर्णोवर्णयोरस्वे स्वरे इयुवौ स्याताम् । इयाय ।
इणः ॥ ११ ॥
अस्य स्वरादौ प्रत्यये इयू स्यात् । दीर्घे । ईयतुः ईयुः । वेटि द्वितीयस्य गुणेऽयादेशे इयादेशे च इययिथ-इयेथ ईयथु: ईय । इयाय - इयय ईयिव ईमि ६ । दीर्घीति दीर्घे । ईयात् ईयास्ताम् ईषासुः ७ । एता ८ । एष्यति ९ । ऐष्यत् १० ।
Jain Education International
For Personal & Private Use Only
www.jainelibrary.org