________________
द्वितीय उच्छ्वासः अथ द्वितीयोच्छ्वासव्याख्या विधीयते ।
अथ कदाचिदवगलद्बहल परिमलमिलदलिकुलाकुलितकुटजकदम्बकुसुमकर्णपूरशून्यकाननासु,विश्राम्यन्मदमुखरमयूररसनावलीकलक्वणितासु, विरलतरतडिल्लताललितलावण्यासु, विगतहंसद्विजराजिषु, पतत्पयोधरासु, क्षीणशुक्रासु, वृद्धास्विव गतप्रायासु वर्षासु, रतिमकुर्वाणो मदकलकलहंसहासहारिण्यामुत्सुकरैतरुण्यामिवागतायां , शरदि द्विरदमदगन्धसन्धानवासितासु५ कुसुमित सप्तच्छदच्छायासु विस्फूर्जति रोषोघुषितकेसरकरालकण्ठे कण्ठीरवकदम्बके , गृहदीर्घिकामृणालिकाकाण्डखण्डनविरामरमणीयमुन्नदत्सु शरत्समयप्रवेशमङ्गलमृदङ्गेष्विव हंसमण्डलेषु, स्मरशरनिकरनिर्मथितपान्थप्रहार' रुधिरनिष्यन्दबिन्दुसंदोह इव वनस्थलीपून्मिषति बन्धुरबन्धूककुसुमप्रकरे, प्रसरन्तीषु शरल्लक्ष्मीप्रवेशवन्दनमालासु११ निःशङ्कशुककुलावलीषु, श्रूयमाणासु स्मरराजराज्यविजयघोषणासु पक्वकलमगन्धशालिपालिकाबालिकाहर्षगीतिषु, शरच्छ्री१२कटाक्षेषून्मीलत्सु नीलनीरजेषु१३, क्वणति वर्षावधूप्रस्थानपटहे षट्चरणचक्रवाले, प्रभात इव घनतिमिरविरामरमणीये जाते जलनिधिशयनशायिशाङ्गिनिद्राद्रुहि विनिद्रसान्द्रसरससरोजराजिराजितसरसि शरत्समये स महीपतिः समासन्नवनविहारि१४किन्नरमिथुनेन गीयमानमिदमनश्लीलं
Jain Education International
For Personal & Private Use Only
www.jainelibrary.org
