________________
श्रीदेवचन्द्रसूरिविरचितम् • १५ कत्थ वा वाइं निज्जति माणुस्साणि ? महब्भुयं । किंच आयासवायाए आसि एवं पयंपियं ॥१५१।। तम्हा करेमि एमेव" चित्ते भावेत्तु जंपई । 'जइ एवं ताय ! कायव्वं तो जं राया पयच्छई ।।१५२।। मंडलेसु तयं मज्झ दायव्वं णिव्वियप्पयं । उज्जेणीए य मग्गम्मि तं सव्वं ठवियव्वयं' ॥१५३।। ‘एवं' ति होउ मंती वि मन्नए हट्ठचित्तओ । पच्चासन्नम्मि लग्गम्मि सव्वा सामग्गिया कया ॥१५४।। हत्थिखंधसमारूढो सव्वालंकारभूसिओ । गंधव्वतूरसद्देण फोडयंतो व्व अंबरं ।।१५५।। संपत्तो रायगेहस्स दुवारम्मि मणोरमे । कएहिं कोउएहिं तु माइगेहम्मि पविसइ ।।१५६।। तं दटुं रायधूया वि रूवाईगुणपगरिसं । हट्टतुट्ठा विचिंतेइ "अहो ! हं पुन्नवंतिया ।।१५७।। जीए मे एस भत्तारो सव्वलक्खणसंजुओ । संपत्तो पुण्णजोएण देवीणं पि वि दुल्लहो' ॥१५८।। जावेवं चिंतए एसा ताव लग्गं समागयं ।। 'पुण्णाह' सद्दघोसम्मि घुढे देवण्णुणा सयं ॥१५९।। मंगलस्सणपुव्वम्मि णंदीतूरे पवज्जिए । विसिट्ठसउणसंपाए जालियम्मि हुयासणे ॥१६०।। हत्थे संगहिया तेण कन्ना तेलोक्कसुंदरी । तत्तो पयक्खिणं देइ जलंतम्मि हुयासणे ॥१६१।।
Dislee
Jain Education International
For Personal & Private Use Only
www.jainelibrary.org
