________________
श्रीदेवचन्द्रसूरिविरचितम् • ४३ 'भद्द ! किं एरिसं वायं असंबद्धं पयंपह । न रक्खए सीलं का वि नारी मे गोयराऽऽगया ॥४५९।। किं वा वि हु पलत्तेण बहुणा ? एयं पि दीसिही' । एमेव मयणाए वि सोमचंडम्मि जंपियं ॥४६०॥ एवं च ताण उल्लावो जाव जाओ परोप्परं । पेच्छंति सोमचंडं ता अन्नगामम्मि पट्ठियं ॥४६१|| दटुं कामंकुरो तं तु हट्ठतुट्ठो पंयपई । जहा 'भो ! पेक्खगा होह जामि हं तीए मंदिरं' ॥४६२।। तओ एगेण संजुत्तो तीए पासम्मि सो गओ । गंतुं दंसेइ से रूवं सवियारं सविब्भमं ॥४६३।। सिरिदेवी वि तं दटुं उठ्ठित्ता देइ आसणं । पुच्छई 'केण कज्जेण तुम्हाणं इह आगमो ?' ||४६४।। कामंकुरेण सा वुत्ता 'तुह दंसणकंखिओ । समागओ इहं भद्दे ! कामदेवभयदुओ' ॥४६५।। तीए वुत्तं ‘ण एयं ते जुत्तं चित्ते वि चिंतिउं । किमंग भाणिउं भद्द ! ता उठेहि लहुं लहुँ' ॥४६६।। इयरेणाऽवि संलत्तं 'जओ कालाओ भामिणि ! । निग्गच्छंती तुमं दिट्ठा तओ कालाओ मं पिए ! ||४६७।। अणंगो एस पीडेइ ता निव्वावेहि मे तणुं । णियसंगमणीरेणं' तओ तीए पयंपियं ॥४६८।। 'हा ! हा ! भो ! मा कलंकेहि निक्कलंकं नियं कुलं । तहा य माऽवरुंडेहि नरए नारिं अओमई ।।४६९।।
ova
Jain Education International
For Personal & Private Use Only
www.jainelibrary.org
