________________
३४
।। ग्रन्थ प्रशस्तिः ।।
श्री ज्ञानविमलोपाध्यायानां शिष्यैर्विनिर्ममे । वाचनाचार्यधुर्यश्रीश्रीवल्लभगणीश्वरैः ।। १ ।। विद्वत्प्रबोधनामाऽयं ग्रन्थो विद्वत्प्रबोधकृत् । स्फुर्जच्छ्रीबलभद्रे श्रीबलभद्रपुरे वरे ।। २ ।। युग्मम् ।। विद्वद्गोष्ठ्यां विशिष्टायां सञ्जातायां प्रयोजनम् । एतद्ग्रन्थस्य मेधाव्यभिमानोन्मथनाय वै ।। ३ ।
संयोगिवर्णं निगृणाति विद्वान्, यो यं तमादौ च विधाय विद्वान् । दिव्येषु पादेषु चतुर्ष्वशङ्कः, सद्यः सुपद्यं विदधातु हृद्यम् ।। ४ ।। यस्यायमेति सुमुखे सुखेन लभतां स सत्वरं सभ्यः । विद्वज्जनेषु विद्वान् सौभाग्यौघं कवित्वं च ।। ५ ।। यस्मिन् काव्येऽस्ति यन्नामव्यत्ययात्तस्य सत्वरम् । यथोक्तवर्ण्यसद्व्याख्या तदा जायेत भो बुधाः ! ।।६॥ ।। इति श्रीविद्वत्प्रबोधग्रन्थः समाप्तः ।। ।। श्रीरस्तु सर्वदा कारक-वाचक-लेखकादीनाम् ॥ शम् ॥
Jain Education International
श्री श्रीवल्लभीय- लघुकृति - समुच्चयः
***
For Personal & Private Use Only
www.jainelibrary.org
