________________
विभाग-१, षड्दर्शनसूत्रसंग्रहः - वैशेषिकदर्शनम्
११. आत्मन्यात्ममनसोः संयोगविशेषादात्मप्रत्यक्षम् । १२. तथा द्रव्यान्तरेषु प्रत्यक्षम् ।
१३. असमाहितान्त:करणा उपसंहृतसमाधयस्तेषां च । १४. तत्समवायात् कर्मगुणेषु ।
१५. आत्मसमवायादात्मगुणेषु ।
॥ इति कणादसूत्रपाठे नवमाध्यायस्य प्रथममाह्निकम् ॥
द्वितीयमाह्निकम्
१. अस्येदं कार्यं कारणं संयोगि विरोधि समवायि चेति लैङ्गिकम् । २. अस्येदं कार्यकारणसम्बन्धश्चावयवाद्भवति ।
३. एतेन शाब्दं व्याख्यातम् ।
४. हेतुरपदेशो लिङ्गं निमित्तं प्रमाणं करणमित्यनर्थान्तरम् ।
५. अस्येदमिति बुद्ध्यपेक्षितत्वात् ।
६. आत्ममनसोः संयोगविशेषात् संस्काराच्च स्मृतिः ।
७. तथा स्वजः ।
८. स्वप्नान्तिकम् । ९. धर्माच्च ।
१०. इन्द्रियदोषात् संस्कारदोषाच्चाविद्या ।
११. तद्दुष्टज्ञानम् ।
१२. अदुष्टं विद्या ।
१३. आर्षं सिद्धदर्शनं च धर्मेभ्यः ।
॥ इति कणादसूत्रपाठे नवमाध्यायस्य द्वितीयमाह्निकम्, नवमोऽध्यायश्च ॥ अथ दशमोध्यायः प्रथममाह्निकम्
१. इष्टानिष्टकारणविशेषाद्विरोधाच्च मिथः सुखदुःखयोरर्थान्तरभावः । २. संशयनिर्णयान्तराभावश्च ज्ञानान्तरत्वे हेतुः ।
३. तयोर्निष्पत्तिः प्रत्यक्षलैङ्गिकाभ्याम् ।
४. अभूदित्यपि ।
५. सति च कार्यादर्शनात् ।
६. एकार्थसमवायिकारणान्तरेषु दृष्टत्वात् ।
७. एकदेश इत्येकस्मिन् शिरः पृष्ठमुदरं मर्माणि तद्विशेषस्तद्विशेषेभ्यः ।
॥ इति कणादसूत्रपाठे दशमाध्यायस्य प्रथममाह्निकम् ॥
For Personal & Private Use Only
Jain Education International
२१९
www.jainelibrary.org
