________________
विभाग-१, षड्दर्शनसूत्रसंग्रहः - न्यायदर्शनम्
१२. हीनमन्यतमेनाप्यवयवेन न्यूनम् । १३. हेतूदाहरणाधिकमधिकम् ।
१४. शब्दार्थयोः पुनर्वचनं पुनरुक्तमन्यत्रानुवादात् । १५. अनुवादे त्वपुनरुक्तं शब्दाभ्यासादर्थविशेषोपपत्तेः । १६. अर्थादापन्नस्य स्वशब्देन पुनर्वचनम् ।
१७. विज्ञातस्य परिषदा त्रिरभिहितस्याप्यनुच्चारणमननुभाषणम् । १८. अविज्ञातञ्चाज्ञानम् ।
१९. उत्तरस्याप्रतिपत्तिरप्रतिभा ।
२०. कार्यव्यासङ्गात् कथाविच्छेदो विक्षेपः ।
२१. स्वपक्षदोषाभ्युपगमात् परपक्षदोषप्रसङ्गोमतानुज्ञा । २२. निग्रहस्थानप्राप्तस्यानिग्रहः पर्यनुयोज्योपेक्षणम् । २३. अनिग्रहस्थाने निग्रहस्थानाभियोगो निरनुयोज्यानुयोगः । २४. सिद्धान्तमभ्युपेत्यानियमात् कथाप्रसङ्गोऽपसिद्धान्तः । २५. हेत्वाभासाश्च यथोक्ताः ।
॥ इति गौतमीयसूत्रपाठे पञ्चमाध्यायस्य, द्वितीयमाह्निकम् पञ्चमोऽध्यायश्च ॥ ॥ समाप्तं च न्यायदर्शनम् ॥
Jain Education International
For Personal & Private Use Only
२०५
www.jainelibrary.org
