________________
नाविदितमस्ति विदितवेदितव्यानां शेमुषीजुषां सुरसरस्वतीप्रणयिनां पण्डितप्रवराणां, शारदा समुपास कानामन्तेवासिनाश्च यत् "शब्दशास्त्रापारशब्दसन्दोहाऽकूपारमवजिगमिषुभिर्मनोज्ञघिषणाधिष्ठितैर्मनीषिनिवहैः खखान्तसुखाय परोपकाराय च विरचितानि नैकानि शब्दशासनानि, प्रोल्लासयितुं विद्वत्कदम्बनयनकुमुदानि चन्द्रिका इव सन्तीति"
11 10 11 मदीया सम्मतिः ।
तेषु शब्दशास्त्रेषु परिप्रथितयशोराशिधवलिताखण्डमण्डलैरनितरसाधारणपाण्डित्यप्रकर्ष पूर्णैर्व्याकरणका - व्यतर्काद्यनेकशास्त्रपारङ्गतैर्मुनिप्रवरश्री हेमचन्द्राचार्यसूरिभिर्विरचितस्य " हैमशब्दानुशासनंस्य" नास्ति तिरोहितं प्राशस्त्यमध्यापनपरैरन्यैश्व दत्तावधानैर्मनीषिभिः ।
"तस्यैव हैमशब्दानुशासनस्य शब्दसाधनक्रमेण संपूर्ण सूत्रसङ्कलनात्मकं" हैमप्रकाशाख्यं व्याकरणं सारखतं सर्वमनोमोदकमतीव रम्यं महामहोपाध्याय श्री विनयविजयगणिविरचितमावर्जयति चेतश्चकितचेतसाम् ।
तच्च "हैमप्रकाशाख्यं” सारल्यखरूपैरविष्टुतब्रह्मचारिभिः खसिद्धान्तविद्भिः " श्रीक्षमा विजयोपाध्यायैः” सश्रमं सुसम्पाद्यातीवोपकृतं सुरवाग्विभवस्य साधुसार्थस्येति समेषां धन्यवादार्हास्ते मुनिमणयः ।
अस्मिन् ग्रन्थरत्नेऽक्षराणां सौष्ठवं, पत्राणां मसृणता बहिरङ्गभूषासमारम्भोऽन्तरङ्ग संस्काराश्चानुरूपा बेत्येवं सुवर्णे सौरभ इव सर्वगुणसाहित्यतरां चेतश्चमत्करोति ।
एतच्च सम्पादनं सारवत्तया सोत्साहमध्ययनशीलानामाशुव्युत्पत्तिविधायकमिति लाभलो मेनास्मिन्नवश्यं साधुभिरन्यैश्च प्रवर्तितव्यमिति विनिवेदयन्ते—
ग्राम वरैनी पो. कच्छवा - मिर्जापुर मार्गशीर्ष कृष्ण चतुर्थी विक्रम सम्वत् १९९३
Jain Education International
श्रीशिवनाथोपाध्यायाः “व्याकरणशास्त्राचार्याः” हिन्दु विश्वविद्यालयीयाः
For Personal & Private Use Only
www.jainelibrary.org
