________________
३२०
श्रीदानोपदेशमाला (गा. ६५) तद् भवद्भ्यां स्वजनकादन्योऽयमिति मानसे । अस्मरद्भ्यां मदभ्यर्णे विद्याभ्यासो विधीयताम् ॥२६॥ महाप्रसाद इत्युक्त्वा, शुभे लग्ने भिषक्सुतौ । प्रावर्तेतामुपाध्यायसविधेऽध्ययनाय तौ ॥२७॥ विनयेन विद्या ग्राह्या पुष्कलेन धनेन च । अथवा विद्यया विद्या नान्योपायश्चतुर्थकः ॥२८॥ इति न्यायं निजे चित्ते स्मरन्तौ वैद्यनन्दनौ । पठन्तौ जगृहाते द्राग् विद्यां विद्यागुरोर्गुरोः ॥२९॥ तौ परेद्यविरात्मानं, वैद्यविद्याविशारदम् । ज्ञात्वा कलागुरुं विज्ञपयाञ्चक्रतुरादरात् ॥३०॥ तात! युष्मत्पदद्वन्द्वपर्युपास्तिविघातिनी । स्वधामगमनेच्छा वामुत्सुकीकुरुतेतराम् ॥३१॥ तत्तात! पूज्यपादानामादेशो यदि जायते । तदावां स्वपुरं गत्वा पितुः स्वीकुर्वहे पदम् ॥३२॥ इति श्रुत्वा कलाचार्यस्तयो विवियोगतः । सबाष्पलोचनद्वन्द्वो गद्गदस्वरमब्रवीत् ॥३३॥ हे वत्सकौ! युवां यातमित्यप्रियवचोऽथवा । मा गच्छतमिति व्यक्तं भवत्प्रस्थानविघ्नकृत् ॥३४॥ उत मौनेन तिष्ठामीत्यौदासीन्यमतः किमु । ब्रुवेऽथवा विमर्शेन पूर्ण स्वं धाम गच्छतम् ॥३५॥ युग्मम् ॥ तत्रापि हि न मोक्तव्यः शास्त्राभ्यासः कदाचन । नैकान्ततो विधातव्या तृष्णा परधनादिषु ॥३६॥ यतनीयं हि निर्लोभतया साधुचिकित्सिते । कृपयानाथदीनानां कार्या व्याध्युपशान्तयः ॥३७॥
Jain Education International
For Personal & Private Use Only
www.jainelibrary.org
