Paumchariyam Part 03

SR No.: 004026
Original Sutra Author: N/A
Author: Parshvaratnavijay
Publisher: Omkarsuri Aradhana Bhavan
Publication Year: 2012
Total Pages: 202
Language: Hindi, Sanskrit
Classification: Book_Devnagari
File Size: 24 MB

Page 59

४३०
पउमचरियं
अन्नं पि उवक्खाणं, कोसम्बीए महाधणो नाम । वणिओ कुरुविन्दा से, महिला पुत्ता य दो तस्स ॥३८॥ अहिदेवमहीदेवा, परलोयं पत्थिए तओ पियरे । सधणा य गया दोन्नि वि, परकूलं जाणवत्तेणं ॥३९॥ भण्डे तेण रयणं, एवं घेत्तूण पडिनियत्ता ते । इच्छन्ति एक्कमेक्कं हन्तूणं तिव्वलोहिल्ला ॥४०॥ आगन्तूणय सहिं, जणणीए समप्पियं तु तं रयणं । सा वि य विसेण इच्छा, घाएउं अत्तणो पुत्ते ॥४१॥ रुट्ठेहि तेहि रयणं, छूढं जउणानईए सलिलम्मि । तं धीवरेण लद्धं, पुणरवि ताणं घरे दिन्नं ॥४२॥ अह ते जणणीए समं, सामत्थेऊण जायसंवेगा । संचुण्णिय तं रयणं, सव्वे वि लयन्ति पव्वज्जं ॥४३॥ तम्हा लोहेण फुडं, हवइ विरोहो सहोयराणं पि । जह गिरि-गोभूईणं, तह अन्नाणं पि बहुयाणं ॥ ४४ ॥ सुणिऊण वक्खाणं, एयं मन्तीण साहियं रामो । पडिहारं भणइ तओ, आणेहि बिभीसणं तुरियं ॥ ४५ ॥ पडिहारेण य सिट्टो, बिभीसणो आगओ पउमनाहं । पणमड़ पहट्टमणसो, तेण वि अवगूहिओ धणियं ॥४६॥ मिलिए बिहीसणभडे, जाओ च्चिय वाणराण आणन्दो । ताव य समत्तविज्जो, पत्तो भामण्डलो सिग्घं ॥४७॥ रामेण लक्खणेण य, अहियं संभासिओ जयणपुत्तो । सुग्गीवमाइएहिं, अन्नेहिं विवाणरभडेहिं ॥४८॥ तत्थेव हंसदीवे, दियहा गमिऊण अट्ठ बलसहिया । लङ्काहिमुहा चलिया, सन्नद्धा राम - सोमित्ती ॥४९॥ अह जोयणाणि वीसं, रुद्धं तं तीए समरभूमीए । न य नज्जइ परिमाणं, आयामस्सातिदीहस्स ॥५०॥
1
अन्यदप्युपाख्यानं कौशाम्ब्यां महाधनो नाम । वणिक् कुरुविन्दा तस्य महिला पुत्रौ च द्वौ तस्य ॥३८॥ अहिदेवमहिदेवौ परलोकं प्रस्थिते ततः पितरि । सधनौ गतौ द्वावपि परकुलं यानपात्रेण ॥३९॥ भाण्डेन तेन रत्नमेकं गृहीत्वा प्रतिनिवृत्तौ तौ । इच्छत एकमेकं हन्तुं तीव्रलोभौ ॥४०॥ आगत्य च स्वगृहं जनन्यै समर्पितं तु तद्रत्नम् । साऽपि च विषेणेच्छति घातितुमात्मनः पुत्रौ ॥४१॥ रुष्टाभ्यां ताभ्यां रत्नं क्षिप्तं यमुनानद्याः सलिले । तद्धीवरेण लब्धं पुनरपि तयो गृहे दत्तम् ॥४२॥ अथ तौ जनन्या समं सामर्थ्यजातसंवेगौ । संचूर्ण्य तद्रत्नं सर्वेऽपि लान्ति प्रव्रज्याम् ||४३|| तस्माल्लोभेन स्फुटं भवति विरोधः सहोदराणामपि । यथा गिरि-र्गोभूतयो स्तथाऽन्येषामपि बहूनाम् ॥४४॥ श्रुत्वोपाख्यानमेतन्मन्त्रिणा सहितं रामः । प्रतिहारं भणति तत आनय बिभीषणं त्वरितम् ॥४५॥ प्रतिहारेण च शिष्टये बिभीषण आगतः पद्नाभम् । प्रणमति पहृष्टमनास्तेनाप्याअवगूहितःऽत्यन्तम् ॥४६॥ मिलिते बिभीषणभटे जात एव वानराणामानन्दः । तावच्च समाप्तविद्यः प्राप्तो भामण्डलः शीघ्रम् ॥४७॥ रामेण लक्ष्मणेन चाधिकं संभाषितो जनकपुत्रः । सुग्रीवादिभिरन्यैरपिवानरभटैः ॥४८॥ तत्रैव हंसद्वीपे दिवसाङ्गमयित्वाऽष्यै बलसहितौ । लड्ङ्काभिमुखौचलितौ सन्नद्धौ रामसौमित्री ॥४९॥ अथ योजनानि विंशती रुद्धं तं तस्याः समरभूमेः । न च ज्ञायते परिमाणमायामस्यातिदीर्घस्य ॥५०॥