Page Text
________________
५६२
पउमचरियं दट्टण सुयं पडियं, महू महासोग कोहपज्जलिओ। सहसा समुट्ठिओ सो, अरिगहणे हुयवहो चेव ॥५१॥ दट्टण य एज्जन्तं, महुरापुरिसामियं तु सत्तुग्यो । आवड तस्स समरे, रणरसतण्हालुओ सिग्धं ॥५२॥ बाणेण तत्थ महुणा, केऊ सत्तुग्घसन्तिओ छिन्नो । तेण वि य तस्स तुरया, रहेण समयं चिय विलुत्ता ॥५३॥ तत्तो महू नरिन्दो, आरूढो गयवरं गिरिसरिच्छं। छाएऊण पवत्तो, सत्तुग्धं सरसहस्सेहिं ॥५४॥ सत्तुग्घेण वि सहसा, तं सरनिवहं निवारिउं देहे । भिन्नो सो महुराया, गाढं चिय निययबाणेहिं ॥५५॥ आधुम्मियनयणजुओ, मणेण चिन्तेइ सूलरहिओ हं । पुण्णावसाणसमए, जाओ मरणस्स आसन्ने ॥५६॥ सुयसोगसल्लियङ्गो, तं चिय दट्टण दुज्जयं सत्तुं । मरणं च समासनं, मुणिवरवयणं सरड़ ताहे ॥५७॥ पडिबुद्धो भणइ तओ, असासए इह समत्थसंसारे।इन्दियवसाणुगेणं, धम्मो न कओ विमूढेणं ॥५८॥ मरणं नाऊण धुवं, कुसुमसमं जोव्वणं चला रिद्धी । अवसेण मए तइया, न कओ धम्मो पमाएणं ॥५९॥ पज्जलियम्मि य भवणे, कूवतलायस्स खणणमारम्भो।अहिणा दट्ठस्स जए, को कालो मन्त जवगस्स ? ॥६०॥ जाव न मुञ्चामि लहुं, पाणेहिं एत्थ जीयसंदेहे । ताव इमं जिणवयणं, सरामि सोमं मणं काउं ॥६१॥ तम्हा पुरिसेण जए, अप्पहियं निययमेव कायव्वं । मरणंमि समावडिए, संपइ सुमरामि अरहन्तं ॥६२॥ इणमो अरहन्ताणं, सिद्धाण नमो सिवं उवगयाणं । आयरिय-उवज्झाणं, नमो सया सव्वसाहूणं ॥६३॥ दृष्ट्वा सुतं पतितं मधुर्महाशोकक्रोधप्रज्वलितः । सहसा समुत्थितः सोऽरिगहने हुतवह इव ॥५१॥ दृष्ट्वा चायान्तं मधुरापुरिस्वामिनं तु शत्रुघ्नः । आपतति तस्य समरे रणरसतृष्णालुः शीघ्रम् ॥५२॥ बाणेन तत्र मधुना केतुः शत्रुघ्नसत्कश्च्छिन्नः । तेनापि च तस्य तुरगा रथेन समकमेव विलुप्ताः ॥५३।। ततो मधुनरेन्द्र आरुढो गजवरं गिरिसदृशम् । छादयितुं प्रवृत्तः शत्रुघ्नं शरसहस्रैः ॥५४॥ शत्रुघ्नेनापि सहसा तं शरनिवहं निवार्य देहे । भिन्नः स मधुराजा गाढमेव निजबाणैः ॥५५॥ आधुर्णितनयनयुगो मनसा चिन्तयति शूलरहितोऽहम् । पुण्यावसानसमये जातो मरणस्यासन्ने ॥५६॥ सुतशोकशल्यिताङ्गस्तमेव दृष्ट्वा दुर्जयं शत्रुम् । मरणं च समासन्नं मुनिवरवचनं स्मरति तदा ॥५७॥ प्रतिबुद्धो भणति ततोऽशाश्वत इह समस्तसंसारे । इन्द्रियवशानुगेन धर्मो न कृतो विमूढेन ॥५८॥ मरणं ज्ञात्वा ध्रुवं कुसुमसमं यौवनं चला ऋद्धिः । अवशेन मया तदा न कृतो धर्मो प्रमादेन ॥५९॥ प्रज्वलिते च भवने कूपतडागस्य खननारम्भः । अहिना दष्टस्य जगति कः कालो मन्त्रजपकस्य ? ॥६०॥ यावन्न मुञ्चामि लघु प्राणैरत्र जीवसंदेहे । तावदिदं जिनवचनं स्मरामि सौम्यं मनः कृत्वा ॥६१।। तस्मात्पुरुषेण जगत्यात्महितं नियमैव कर्तव्यम् । मरणे समापतिते संप्रति स्मराम्यर्हन्तम् ॥६२॥ एतेभ्योऽर्हद्भयः सिद्धेभ्यो नमः शिवमुपगतेभ्यः । आचार्योपाध्यायोभ्यो नमो सदा सर्वसाधुभ्यः ॥६३।।
१.गकोवप०-प्रत्य० । २. सरणियरं-प्रत्य० । ३. समावण्णे-प्रत्य० । ४. ०जवणम्मि-मु०। ५. नमो णमो सव्व०-प्रत्य० ।
Jain Education Intematonal
For Personal & Private Use Only
www.jainelibrary.org
| SR No. | 004026 |
| Book Title | Paumchariyam Part 03 |
| Original Sutra Author | N/A |
| Author | Parshvaratnavijay |
| Publisher | Omkarsuri Aradhana Bhavan |
| Publication Year | 2012 |
| Total Pages | 202 |
| Language | Hindi, Sanskrit |
| Classification | Book_Devnagari |
| File Size | 24 MB |