Page Text
________________
२६२
मेच्छाण आरियाण य, संगामो दारुणो समावडिओ | अन्नोन्नसत्थघत्तिय-संघट्टुट्टेन्तजालोहो ॥२४॥ अन्तरिओ च्चिय कणओ, मेच्छेहिं बहलतमसरिच्छेहिं । ताहे जणयनरिन्दो, वाहेइ समन्तसेन्नेणं ॥२५॥ तो बब्बरेहि जणओ, भग्गेहि पुणो पुणो समन्तेहिं । परिवेढिओ खणेणं, सूरो इव मेहनिवहेणं ॥२६॥ एयन्तरम्मि रामो, लक्खणसहिओ बलेण परिपुण्णो । संपत्तो च्चिय सहसा, तं मेच्छबलं अइमहन्तं ॥ २७॥ आसासिऊण जयं, रामो तं मेच्छसुहडसंघायं । पुणसरं पिव हत्थी, कुणइ च्चिय विहयविद्धत्थं ॥२८॥ तह लक्खणो वि बाणे, मुञ्चइ उवरिं अणारियभडाणं । नज्जइ य सायरवरे, वरिसइ मेहो सयरकाले ॥२९॥ निद्दयपहरुम्हवियं, भग्ग चिय मेच्छसाहणं समरे ! तह वि य सोमित्तिसुओ, धावड़ मग्गेण बलसहिओ ॥३०॥ दट्ठूण निययसेन्नं, भग्गं चिय लक्खणेण परहुत्तं । सयमेव आयरङ्गो, सुहडेहि समं समुट्ठेइ ॥३१॥ केएत्थ कज्जलाभा, सुयपिच्छ्समप्पभा तर्हि अन्ने । अवरे तम्बयवण्णा, वामणदेहा चिबिडनासा ॥३२॥ वक्कलपत्तनियच्छा, मणिमयकडिसुत्तयाभरणदेहा । धाऊकयङ्गरागा, विरइसिरिमञ्जरीकुसुमा ॥३३॥ एवंविहेहि समयं, जोहेहिं आयरङ्गनरवसहो । अह लक्खणस्स पुरओ, उवडिओ दप्पियामरिसो ॥३४॥ गय-वसह सीहचिन्धा, सर-सत्ति - करालकुन्तगहियकरा । जुज्झन्ति मेच्छसुहडा, खोभेन्ता अज्जवबलोहं ॥ ३५ ॥ अह लक्खणस्स चावं, दुहाकयं आयरङ्गनरवइणा । जाव य गेण्हइ खग्गं, ताव य विरहो कओ सिग्घं ॥ ३६ ॥
पउमचरियं
I
म्लेच्छानामार्याणां च संग्रामो दारुणः समापतितः । अन्योन्यशस्त्रगृहीतसंघर्षोत्थितजालौधः ॥२४॥ अन्तरित एव जनको म्लेच्छै र्बहलतमः सदृशैः । तदा जनकनरेन्द्रो वाह्यति सामन्तसैन्येन ॥२५॥ ततो बर्बरै र्जनको भग्नैः पुनः पुनः सामन्तैः । परिवेष्टितः क्षणेन सूर्य इव मेघनिवहेन ॥२६॥ अत्रान्तरे रामो लक्ष्मणसहितो बलेन परिपूर्णः । संप्राप्त एव सहसा तन्म्लेच्छबलमतिमहत् ॥२७॥ आश्वास्य जनकं रामस्तं म्लेच्छसुभटसंघातम् । पद्मसर इव हस्ती करोत्येव विहत- विध्वस्तम् ॥२८॥ तदा लक्ष्मणोऽपि बाणान्मुञ्चत्युपर्यनार्यभटानाम् । ज्ञायते च सागरवरे वर्षति मेघः शरत्काले ॥२९॥ निर्दयप्रहरोष्मापितं भग्नमेव म्लेच्छसाधनं समरे । तथापि च सौमित्रिसुतो धावति मार्गेणबलसहितः ॥३०॥ दृष्ट्वा निजसैन्यं भग्नमेव लक्ष्मणेन पराभूतम् । स्वयमेवायारङ्गः सुभटैः समं समुत्तिष्ठति ॥३१॥ केचित्कज्जलाभा शुकपक्षसमप्रभा तथान्ये । अपरे ताम्रवर्णावामनदेहा श्चिपिटनासाः ॥३२॥ वल्कलपत्रनेपथ्या मणिमयकटिसूत्राभरणदेहाः । धातुकृताङ्गरागा विरचित श्रीमञ्जरिकुसुमाः ॥२३॥ एवंविधैः समं योधैरायरंगनरवृषभः । अथ लक्ष्मणस्य पुरत उपस्थितो दर्पितामर्षः ||३४| गज-वृषभ-सिंहचिन्हाः शरशक्ति- करालकुन्तगृहीतकराः । युध्यन्ते म्लेच्छसुभटाः क्षोभयन्त आर्यबलौघम् ॥३५॥ अथ लक्ष्मणस्य चापं द्विधा कृतमायरङ्गनरपतिना । यावच्च गृह्णाति खड्गं तावच्च विरथः कृतः शीघ्रम् ॥३६॥ १. वड्ढियामरिसो- प्रत्य० ।
Jain Education International
For Personal & Private Use Only
www.jainelibrary.org
| SR No. | 004025 |
| Book Title | Paumchariyam Part 02 |
| Original Sutra Author | N/A |
| Author | Parshvaratnavijay |
| Publisher | Omkarsuri Aradhana Bhavan |
| Publication Year | 2012 |
| Total Pages | 214 |
| Language | Hindi, Sanskrit |
| Classification | Book_Devnagari |
| File Size | 5 MB |