Page Text
________________
४४. सीयाहरणे रामविप्पलावपव्वं
सा तत्थ रुवइ भवणे, चन्दणहा विगलियंसुसलिलोहा । विलिहियनहकक्खोरू, विमुक्ककेसी य रयमइला ॥१॥ खरदूसणेण दिट्ठा, मलिया नलिणि व्व गयवरिन्देणं । भणिया य साहसु तुम, केणेयं पाविया दुक्खं ॥२॥ भणइ तओ चन्दणहा, गया य पुत्तं गवसणट्ठाए । नवरं पेच्छामि वणे, छिन्नसिरं तं महिं पडियं ॥३॥ मारेऊण मह सुयं, केणवि पावेण सूरहासं तं । गहियं च सिद्धविज्जं, खेयरपुज्जं महाखग्गं ॥४॥ अहमवि तं पुत्तसिरं, अङ्के ठविऊण सोगतवियङ्गी । बहुला व जह विवच्छा, रुयामि रण्णे विगलियंसू ॥५॥ ताव च्चिय तेण अहं, दुद्वेणं पुत्तवेरिएण पहू ! । अवगूहिया रुयन्ती, धणियं कज्जेण केणं पि ॥६॥ अहयं अणिच्छमाणी, दन्तेसु नहेसु तेण पावेणं । एयारिसं अवत्थं, एगागी पाविया रण्णे ॥७॥ तत्तो वि रक्खिया हं, परभवजणिएण पुण्णजोएणं । अविखण्डियचारित्ता, कह वि इहं आगया सामी ॥८॥ विज्जाहराण राया, भाया मे रावणो तिखण्डवई । दूसण ! तुमं पि भत्ता, तह वि इमं पाविया दुक्खं ॥९॥ सुणिऊण तीए वयणं, सोगाऊरियमणो तहिं गन्तुं । खरदूसणो विवन्नं, पेच्छइ पुत्तं महीपडियं ॥१०॥ पडियागओ खणेणं, निययघरं रोसपूरियामरिसो । चोद्दसहि सहस्सेहिं, सन्नद्धो पवरजोहाणं ॥११॥
[ ४४. सीताहरणे रामविप्रलापपर्वम् )
सा तत्र रोदिति भवने चन्द्रनखा विगलिताश्रुसलिलौघा । विलिखितनखकक्षोरु विमुक्तकेशिनी च रजोमलिना ॥१॥ खरदूषणेन दृष्टा मलिना नलिनीव गजवरेन्द्रेण । भणिता च कथय त्वं केनेदं प्रापिता दुःखम् ॥२॥ भणति ततश्चन्द्रनखा गता च पुत्रं गवेषणार्थे । नवरं पश्यामि वने छिनशिरसं तं महीं पतितम् ॥३॥ मारयित्वा मम सुतं केनापि पापेन सूर्यहासं तम् । गृहीतं च सिद्धविद्यं खेचरपूज्यं महाखड्गम् ॥४॥ अहमपि तत्पुत्रशिरमके स्थापयित्वा शोकतप्ताङ्गिनी । बहुलेव यथा विवस्त्रा रोदिम्यरण्ये विगलिताश्रुः ॥५॥ तावदेव तेनाहं दुष्टेन पुत्रवैरिणा प्रभो ! । अवगुहिता रुदन्ती गाढं कार्येण केनापि ॥६॥ अहमनिच्छन्ती दन्तै नखैस्तेन पापेन । एतादृशमवस्थामेकाकिनी प्राप्ताऽरण्ये ॥७॥ ततोऽपि रक्षिताहं परभवजनितेन पुण्ययोगेन । अविखण्डितचारित्रा कथमपीहमागता स्वामिन् ॥८॥ विद्याधराणां राजा भ्राता मे रावणस्त्रिखण्डाधिपतिः । दूषण ! त्वं भर्ता तथापीदं प्राप्ता दुःखम् ॥९॥ श्रुत्वा तस्या वचनं शोकापूरितमनास्तत्र गत्वा । खरदूषणो विपन्नं पश्यति पुत्रं महीपतितम् ॥१०॥ प्रत्यागतः क्षणेन निजगृहं रोषपूरितामर्शः । चतुर्दशभिस्सहस्रेस्सन्नद्धः प्रवरयोधानाम् ॥११॥
Jain Education Interational
For Personal & Private Use Only
www.jainelibrary.org
| SR No. | 004025 |
| Book Title | Paumchariyam Part 02 |
| Original Sutra Author | N/A |
| Author | Parshvaratnavijay |
| Publisher | Omkarsuri Aradhana Bhavan |
| Publication Year | 2012 |
| Total Pages | 214 |
| Language | Hindi, Sanskrit |
| Classification | Book_Devnagari |
| File Size | 5 MB |