________________
३९०
समयसार
सत्थं णाणं ण हवइ जह्या सत्थं ण याणए किंचि। तह्मा अण्णं णाणं अण्णं सत्थं जिणा विंति।।३९०।। सद्दो णाणं ण हवइ जह्मा सद्दो ण याणए किंचि। तह्मा अण्णं णाणं अण्णं सदं जिणा विति।।३९१।। रूवं णाणं ण हवइ जह्या रूवं ण याणए किंचि। तह्या अण्णं णाणं अण्णं रूवं जिणा विंति।।३९२।। वण्णो णाणं ण हवइ जह्या वण्णो ण याणए किंचि। तह्मा अण्णं णाणं अण्णं वण्णं जिणा विंति।।३९३।। गंधो णाणं ण हवइ जह्मा गंधो ण याणए किंचि। तह्मा अण्णं णाणं अण्णं गंधं जिणा विंति।।३९४।। ण रसो दु हवदि णाणं जह्या दु रसो ण याणए किंचि। तह्या अण्णं णाणं रसं दु अण्णं जिणा विंति।।३९५।। फासो ण हवइ णाणं जह्मा फासो ण याणए किंचि। तह्मा अण्णं णाणं अण्णं फासं जिणा विंति।।३९६।। कम्मं णाणं ण हवइ जह्मा कम्मं ण याणए किंचि। तह्मा अण्णं णाणं अण्णं कम्मं जिणा विति।।३९७।। धम्मो णाणं ण हवइ जह्मा धम्मो ण याणए किंचि। तह्मा अण्णं णाणं अण्णं धम्मं जिणा विति।।३९८।। णाणमधम्मो ण हवइ जह्या धम्मो ण याणए किंचि। तह्मा अण्णं णाणं अण्णमधम्मं जिणा विति।।३९९।। कालो णाणं ण हवइ जह्मा कालो ण याणए किंचि। तह्या अण्णं णाणं अण्णं कालं जिणा विंति।।४००।। आयासं पि ण णाणं जह्मायासं ण याणए किंचि। तह्मायास अण्णं अण्णं णाण जिणा विति।।४०१।। णज्झतसाणं णाणं अज्झवसाणं अचेदणं जह्या। तह्या अण्णं णाणं अज्झवसाणं तहा अण्णं।।४०२।।
Jain Education International
For Personal & Private Use Only
www.jainelibrary.org
