Page Text
________________
| नेऽवि अनेन समणुजाणामि(णे ज्जा,)जाक्जीवाए तिविहंतिविहेणं, मणेणं वायाए काएणं न करेमि न कारवेमि करतंपि अन्नं न समणुजाणामि, तस्स भंते ! पडिकमामि निंदामि गरिहामि
अप्पाणं वोसिरामि । पढमे मंते ! महब्बए उबडिओ मि सब्बाओ पाणाइवायाओ वेरमणं।३। अहावरे दुचे मंते ! महत्वए?. मुसावायाओ वेरमणं, सवं भंते ! मुसाबायं पञ्चक्खामि, से कोहा वा लोहा वा भया वा हासा वा नेव सयं मुसं वहजा नेवऽन्नेहिं मुसं वायाविजा मुसं वयंतेऽवि अन्ने न समणुजाणामि जाक्जीवाए तिविहंतिविहेणं, मणेणं बायाए काएणं न करेभि न कारवेमि करतंपि अन्नं न समणुजाणामि, तस्स भंते ! पडिकमामि निंदामि गरिहामि अप्पाणं वोसिरामि । दुधे भंते ! महबए उवडिओ मि सबाओ मुसाबायाओ वेरमणं । ४ । अहावरे तच्चे भंते ! महबए ?, अदिन्नादाणाओ वेरमणं, सवं मंते ! अदिन्नादाणं पञ्चक्खामि, से गामे वा नगरे वा रपणे वा अप्पं वा बहुं वा अणुं वा थूलं वा चित्तमंतं वा अचित्तमंतं वा नेव सयं अदिन्न गिहिजा नेवऽन्नेहिं अदिन्नं गिहाविजा अदिन्नं गिण्हतेऽवि अन्ने न समणुजाणामि जावजीवाए तिविहंतिविहेणं, मणेणं वायाए काएणं न करेमि न कारवेमि करतंपि अन्नं न समणुजाणामि, तस्स भंते ! पडिकमामि निंदामि गरिहामि अप्पाणं बोसिरामि। तच्चे भंते! महब्बए उवडिओ मि सचाओ अदिनादाणाओ वेरमणं ।५। अहावरे चउत्थे भंते ! महवए?, मेहुणाओ बेरमणं, सवं भंते ! मेहुणं पञ्चक्खामि, से दिछ वा माणुसं वा तिरिक्खजोणियं वा नेव सयं मेहुणं सेविजा नेवऽन्नेहिं मेहुणं सेवाविजा मेहुणं सेवतेऽवि
अन्ने न समणुजाणामि(णेज्जा.)जाक्जीवाए तिचिहंतिविहेणं, मणेणं वायाए काएणं न करेमि न कारवेमि करतपि अन्नं न समणुजाणामि, तस्स भंते! पडिकमामि निंदामि गरिहामि - अप्पाणं बोसिरामि। चउत्थे भंते ! महथए उपट्टिओ मि सबाओ मेहुणाओ वेरमणं।६। अहावरे पंचमे भंते! महबए?, परिग्गहाओ वेरमणं, सवं भंते ! परिग्गहं पञ्चक्खामि, से अप्पं
वा बहुं वा अणुंबा थूलं वा चित्तमंतं वा अचित्तमंतं वा नेव सयं परिग्गहं परिगिहिजा नेवऽन्नेहिं परिग्गहं परिगिल्हाविना परिग्गहं परिगिण्हतेऽवि अन्ने न समणुजाणिज्जा, जावजीबाए तिविहंतिविहेणं, मणेणं वायाए काएणं न करेमि न कारवेमि करतंपि अन्नं न समणुजाणामि, तस्स भंते! पडिकमामि निंदामि गरिहामि अप्पाणं बोसिरामि। पंचमे भंते ! महपए उवडिओ मि सवाओ परिग्गहाओ वेरमणं । ७। अहावरे छट्टे भंते ! वए १, राईभोयणाओ वेरमणं, सवं मंते ! राईभोयर्ण पचक्खामि, से असणं वा पाणं वा खाइम वा साइमं वा नेव सयं राई भुंजेजा नेवऽग्नेहिं राई भुंजाविजा राई मुंजतेऽवि अन्ने न समणुजाणेज्जा, जावजीवाए तिविहंतिविहेणं, मणेणं वायाए काएणं न करेमि न कारवेमि करतंपि अन्नं न समणुजाणामि, तस्स भंते ! पडिकमामि निंदामि गरिहामि अपाणं वोसिरामि। छठे भंते! वए उवडिओ मि सबाओ राईभोयणाओ बेरमणं । ८। इचेयाई पंच महावयाई राइभोय. णवेरमणछट्टाई अत्तहियट्टयाए उवसंपजित्ताणं विहामि ।९। से भिक्खू वा मिक्सुणी वा संजयविरयपडिहयपचक्खायपाचकम्मे दिआ वा राओ वा एगओ वा परिसागओ वा सुत्ते वा जागरमाणे वा से पुढविं वा भित्ति वा सिलं वा लेलं वा ससरक्खं वा कार्य ससरक्खं वा वत्यं हत्येण वा पाएण वा कट्टेण वा किलिंचेण वा अंगुलियाए वा सिलागाए वा सिलागहत्येण वा न आलिहिज्जा न विलिहिजा न घहिजा न भिंदेज्जा अजं न आलिहाविजा न विलिहाविजा न घट्टाविज्जा न भिंदाविज्जा अनं आलिहंतं वा विलिहतं वा घटुंतं वा भिंदत वान समणुजाणेजा(णामि) जावजीचाए तिविहंतिबिहेणं मणेणं वायाए काएणं न करेमि न कारखेमि करतंपि अन्नं न समणुजाणामि, वस्स भंते! पडिकमामि निंदामि गरिहामि अप्पाणं वोसिरामि।१०। से भिक्खू वा भिक्खुणी वा संजयविरयपडिहयपञ्चक्खायपावकम्मे दिआ वा राओ वा एगओ वा परिसागओ वा सुत्ने वा जागरमाणे वा से उदगं वा ओसं वा हिमं वा महियं वा करगं वा हस्तणुगं या सुद्धोदगं वा उदउाई वा कार्य उदउई वा पत्थं ससिणिई वा कार्य ससिणिदं वा वत्थं न आमुसिज्जा न संफुसिजा न आवीलिजा न पवीलिजा न अक्खोडिजा न पक्खोडिजा न आयाविजा न पयाविज्जा अन्नं न आमुसाविना न संफुसाविज्जा न आवीलाविज्जा न पचीलाविजा न अक्खोडाविज्जा न पक्खोडाविज्जा
जा अनं आमुसतं वा संफुसतं वा आवीलंतं वा पवीतं वा अक्खोडतं वा पक्खोर्डतं वा आयावतं वा पयावंर्त वा न समणजाणेजा जावज्जीवाए तिविहंति-16 विहेणं मणेणं वायाए काएणं न करेमि न कारवेमि करतंपि अन्नं न समणुजाणा मि, तस्स भंते ! पडिकमामि निंदामि गरिहामि अप्पाणं वोसिरामि ।११। से भिक्खू वा भिक्खुणी वा संजयविरयपडिहयपञ्चक्खायपावकम्मे दिआ था राओ वा एगओ वा परिसागओ वा सुत्ते वा जागरमाणे वा से अगणिं वा इंगालं वा मुम्मुरं वा अचिं वा जालं वा अलार्य वा सुद्धागणि वा उकं वा न उजेजान घटेज्जा न उज्जालेज्जान निवावेज्जा अन्नन उंजावेज्जा न घडावेज्जा न उजालावेज्जा न निब्यावेज्जा अन्नं उजंतं वा घट्टतं वा उज्जालंतं वा निव्वावंत वा न समणुजाणेज्जा जावज्जीवाए तिविहंतिबिहेणं मणेणं वायाए काएणं न करेमि न काखेमि करतंपिअन्नं न समणजाणामि तस्स भंते! पडिकमामि निंदामि गरिहामि अ
वोसिरामि ।१२। से भिक्खू वा भिक्खुणी वा संजयविस्यपडिहयपचक्खायपावकम्मे विआ वा राओवा एगओ वा परिसागओवा सुत्ते जागरमाणे वा से सिएण वा विहुयणेण (३११) A १२४४ दशवकालिकंसूत्र ।
मुनि दीपरत्नसागर
| SR No. | 003944 |
| Book Title | Aagam Manjusha 42 Mulsuttam Mool 03 Dasveyaliyam |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 15 |
| Language | Prakrit |
| Classification | Book_Devnagari, Agam, Canon, & agam_dashvaikalik |
| File Size | 10 MB |