Page Text
________________
जंबुद्दीवे दीवे भारहे वासे आमलकप्पाणयरीए बहिया अंबसालवणे चेहए अहापडिरूवं उमगह उम्पिण्हित्ता संजमेणं तवसा अप्पाणं भावमाणे विहरति त महाफलं खल तहारूवाण अरहनाणं भगवनाणं णामगोयस्सवि सवणयाए किमंग पुण अहिगमणवंदणणमंसणपडिपुच्छणपज्जुवासणयाए ?, एगस्सवि आयरियस्स धम्मियस्स सुवयणस्स सवणयाए?. किमंग पुण विउलस्स अट्ठस्स गहणयाए',तं गच्छामि णं समणं भगचं महावीरं वंदामि णमंसामि सकारेमि सम्माणेमि कडाणं मंगलं चेतियं देवयं पजुवासामि, एयं मे पेचा हियाए सुहाए खमाए णिस्सेयसाए आणुगामियत्नाए भविस्सति (प० तं सेयं खलु मे समणं भगवं महावीरं वंदित्तए नमंसित्तए सक्कारित्तए सम्माणित्तए पज्जुवासित्तए) त्तिकटु एवं संपेहेइ त्ता आभिओगिये देव सहावेइ त्ता एवं २०१६। एवं खलु देवाणुप्पिया ! समणे भगवं महावीरे जंबुद्दीवे दीवे भारहे वासे आमलकप्पाए नयरीए बहिया अंबसालवणे चेइए अहापडिरूवं उम्गहं उम्मिणिहत्ता संजमेणं तवसा अप्पाणं भावेमाणे विहरह, तं गच्छह णं तुमे देवाणुप्पिया! जंबुद्दीवे दीवे भारहे वासे आमलकप्पं णयरिं अंबसालवणं चेइयं समणं भगवं महावीरं तिक्खुत्तो आयाहिणपयाहिणं करेह त्ता वंदहणमंसह त्ता साइं साइनामगोयाइं साहेहत्तासमणस्स भगवओ महावीरस्स सबओ समंता जोयणपरिमंडलं जंकिंचि तणं वा पत्तं वा कटुं वा सकरं वा कयवरं वा असुई अचोक्खं वा पूडअं दुविभगंध तं सवं आहुणिय आहुणिय एगते एडेहत्ता णच्चोदगं णाइमहियं पविरलपप्फुसियं स्यरेणुविणासणं दिवं सुरभिगंधोदयवासं
हरयं उवसंतरयं पसंतरयं करेह त्ता जलवलयभासुरप्पभूयस्स विंटट्ठाइस्स इसद्धवष्णस्स कुसुमस्स जाण(प्र०जण्णु)स्सेहपमाणमित्तं ओहिं वासं वासह त्ता कालागुरुपवरकुंदुरुकतुरुकधूवमघमपंतगंधुयाभिरामं सुगंधवरगंधियं गंधवहिभूतं दिवं सुरवराभिगमणजोगं करेह कारचहत्ता य खिप्पामेव एयमाणत्तियं पचप्पिण्णह । ७। तए णं ते आभियोगिया देवा सूरियाभेणं देवेणं एवं वुत्ता समाणा हट्ठतुट्ठजाबहियया करयलपरिम्गहियं सिरसावत्तं मत्थए अंजलिं कटु एवं देवो तहत्ति आणाए विणएणं वयणं पडिसुअंतित्ता उत्तरपुरच्छिमं दिसिभागं अवकमंतित्ता वेउवियसमुग्घाएणं समोहणंति त्ता संखेजाई जोयणाई दंडं निस्सरन्ति, तं०- रयणाणं वयराणं वेरुलियाणं लोहियक्खाणं मसारगडाणं हंसगम्भाणं पुलगाणं (म० पुग्गलाणं) सोगंधियाणं जोइरसाणं अंजणपुलगाणं अंजणाणं रयणाणं जायरूवाणं अंकाणं फलिहाणं रिहाणं अहाबायरे पुग्गले परिसाईति त्ताअहासुहुमे पुग्गले परियायंति त्ता दोच्चंपि वेउशियसमुग्घाएणं समोहणंति त्ता उत्तरवेउवियाई रूवाइं विउति त्ता ताए उक्किट्ठाए तुरियाए चवलाए चंडाए जयणाए सिग्याए उधुयाए दिवाए देवगईए तिरियमसंखेजाणं दीवसमुदाणं मझमझेणं वीईवयमाणे २ जेणेव जंबुद्दीवे दीवे जेणेव भारहे वासे जेणेव आमलकप्पा णयरी जेणेव अंबसालवणे चेतिए जेणेव समणे भगवं महावीरे तेणेव उवागच्छन्ति त्ता समणं भगवं महावीरं तिक्खुत्तो आयाहिणपयाहिणं करेंति त्ता वदति नमसंति त्ता एवं व० अम्हे णं भंते ! सूरियाभस्स देवस्स आयियोगिया देवा देवाणुप्पियं वंदामो णमंसामो सकारेमो सम्माणेमो कलाणं मंगलं देवयं चेइयं पजुवासामो।८। देवाइ ! समणे भगवं महावीरे ते देवा एवं व०-पोराणामेयं देवा ! जीयमेयं देवा ! किचमेयं देवा ! करणिजमेयं देवा ! आइनमेयं देवा ! अब्भणुण्णायमेयं देवा ! जण्णं भवणवइवाणमंतरजोइसियवेमाणिया देवा अरहंते भगवंते वदंति नमंसति त्ता तओ साई२णामगोयाइं साधिति तं
पोराणमेयं देवा ! जाव अब्भणुण्णायमेयं देवा!।९। तए णं ते आभिओगिया देवा समणेणं भगवया महावीरेणं एवं वुत्ता समाणा हट्ठजावहियया समणं भगवं वंदति णमंसंति त्ता श्रा उत्तरपुरच्छिमं दिसीभागं अवकमंतित्ता वेउवियसमग्याएणं समोहणंति त्ता संखेजाई जोयणाई दंड निस्सरति तं० रयणाणं जाव रिहाणं० अहाबायरे पोग्गले परिसाडति त्ता दोचंपि
वेउधियसमुग्धाएणं समोहणंति त्ता संवद्ववाए विउचंति, से जहानामए भइयदारए सिया तरुणे जुगवं बलवं (जुवाणे प्र०) अप्पायंके थिरसंघयणे थिरग्गहत्थे पडिपुण्णपाणिपायपिढेंतरोरुपरिणए घणनिचियवहवलियखंधे चम्मेदुगदुषणमुट्ठियसमाहयगत्ते उरस्सबलसमन्नागए तलजमलजुयल (फलिहनिभ पा०) बाहू लंघणपवणजइणपमहणसमत्थे छेए दक्खे पट्टे कुसले मेहावी पिउणसिप्पोक्गए एगं महं दंडसंपुच्छणि वा सलागाहत्थगं वा वेणुसलाइयं वा गहाय रायंगणं वा रायतेपुरं वा देवकुलं वा सभं वा पर्व वा आरामं वा उज्जाणं वा अतुरियमचवलमसंभंते निरंतरं सुनिउणं सबतो समंता संपमजेज्जा एवामेव तेऽवि सूरियाभस्स देवस्स आमिओगिया देवा संवट्टवाए विउति त्ता समणस्स भगवओ महावीरस्स सबतो समंता जोयणपरिमण्डलं जं किंचि तणं वा पत्तं वा तहेव सवं आहुणिय २ एगते एडेंति त्ता खिप्पामेव उवसमंतित्ता दोचंपि वेउवियसमुग्घाएणं समोहणन्ति त्ता अम्भवहलए विउच्वन्ति से जहाणामए भइगदारगे सिया तरूणे जाव सिप्पोवगए एगं महं दगवारगं वा दगथालगं वा दगकलसगंवा दगकुंभगं वा आरामं वा जाव पवं वा अतुरियं जाव सम्वतो समंता आवरिसेजा एवामेव तेऽवि सूरियाभस्स देवस्स आभियोगिया देवा अब्भवहलए विउव्यंति त्ता सिप्पामेव पयणुतणायन्ति त्ता खिप्पामेव विजुयायति त्ता समणस्स भगवओ महावीरस्स सब्बओ समंता जोयणपरिमंडलं णचोदगं णातिमहियं तं पविरलपप्फुसियं रयरेणुविणासणं दिव्वं सुरभिगंधोदगं वासं वासंति त्ता णिहयरयं णद्वरयं भवरय उवसंतरयं पसंतश्यं करेंति त्ता खिप्पामेव उवसामंति त्ता तचंपि वेउब्धियसमुग्धाएणं समोहणंति त्ता पुष्फवहलए विउव्वंति, से जहाणामए मालागारदारए सिया तरुणे जाव सिप्पोवगए एगं महं पुष्फ-(१४३) ५७२ राजपनीयं, रिणाम
मुनि दीपरत्नसागर
| SR No. | 003913 |
| Book Title | Aagam Manjusha 13 Uvangsuttam Mool 02 Rayppaseniy |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 33 |
| Language | Prakrit |
| Classification | Book_Devnagari, Agam, Canon, & agam_rajprashniya |
| File Size | 22 MB |