Page Text
________________
पडलगं वा पुष्कचंगेरियं वा पुष्फलज्जियं वा गहाय रायंगणं वा जाव सव्वतो समंता कयग्गाहगहियकरयलपम्भट्टविप्यमुकेणं दसद्धवमेणं कुसुमेणं मुकपुष्फपुंजोवयारकलितं करेजा एवामेव ते सूरियाभस्स देवस्स आभिओगिया देवा पुष्फवद्दलए विउयंति त्ता खिप्पामेव पयणुतणायन्ति ता जाव जोयणपरिमण्डलं जलथलयभातुरप्पभूयस्स बिटट्ठाइस्स दसद्धवनकुसुमस्स जाणुस्सेहपमाणमेतं ओहिवास वासंति त्ता कालागुरुपवरकुंदुरुक्कतुरुक्क धूवमघमघंतगंधुदुयाभिरामं सुगंधवरगंधियं गंधवट्टिभूतं दिवं सुरवराभिगमणजोगं करंति कारयति खिप्यामेव उवसामंति त्ता जेणेव समणे भगवं महावीरे तेणेव उवागच्छति त्ता सगणं भगवं महावीरं तिक्खुत्तो जाव वंदित्ता नमसित्ता समणस्स भगवओ महावीरस्स अंतियातो अंबसालवणातो चेइयाओ पडिनिक्खमंति त्ता ताए उक्किद्वाए जाव वीइवयमाणे २ जेणेव सोहम्मे कप्पे जेणेव सूरियाभे विमाणे जेणेव सभा सुहम्मा जेणेव सूरियाभे देवे तेणेव उबागच्छंतिता सूरिया देवं करयलपरिग्गहियं सिरसावत्तं मत्यए अंजलिं कट्टु जएगं विजएणं वदावेति ता तमाणत्तियं पञ्चप्पियंति । १०। तए णं से सुरियाभे देवे तेसि आभियोगियाणं देवानं अंतिए एयम सोच्चा निसम्म हट्टतुष्टजावहियए पायत्ताणियाहिवई देवं सदावेति त्ता एवं व० खिप्पामेव भो देवाणुप्पिया सूरियाभे विमाणे सभाए सुहम्माए मेघोघरसिय गंभीरमहुरसहं जोयणपरिमंडलं सुसरघंटं तिक्खुत्तो उहालेमाणे २ महया २ सद्देणं उग्घोसेमाणे २ एवं व० आणवेति णं भो सरियाभे देवे गच्छति णं भो सूरियाभे देवे जंबुदीचे दीवे भारहे वासे आमलकप्पाए णयरीए अंबसालवणे चेतिते समणं भगवं महावीरं अभिवंदए तुम्भेऽवि णं भो देवाणुप्पिया! सजिद्दीए जाव णातियरवेणं णियगपरिवाल सद्धिं संपरिवुडा सातिं सातिं जाणविमाणाई दुरूढा समाणा अकालपरिहीणं चेव सूरियामस्स देवस्स अंतियं पाउब्भवह। ११ । तए णं से पायन्ताणियाहिवती देवे सूरियाभेणं देवेणं एवं बुसे समाणे तुजाबहियए एवं देवा ! तहत्ति आणाए विणएणं वयणं पडिसुणेति ता जेणेव सूरियाभे विमाणे जेणेव सभा सुहम्मा जेणेव मेघोघरसियगंभीरमहुरसदा जोयणपरिमंडला सुस्सरा घंटा तेणेव उपागच्छति सा तं मेघोघर सितगंभीरमडुरसहं जोयणपरिमंडलं सुसरं घंटं तिक्खुत्तो उडालेति, तए णं तीसे मेघोघरसितगंभीरमहुरसद्दाते जोयणपरिमंडलाते सुसराते घंटाए तिक्त उडालियाए समाणीए से सूरियाने विमाणे पासायविमाणणिक्खुडावडिय सदघंटापडिंसुयासय सहस्ससंकुले जाए यावि होत्था, तए णं तेर्सि सूरियाभविमाणवासिणं बहूणं वैमाणियाणं देवाण य देवीण य एगंतरइपससनिच्चप्पमत्तविसयसुहमुच्छियाणं सुसरघंटारवविउलबोलपडिबोहणे कए समाणे घोसणकोउहलदिनक नए गग्गचित्तउव उत्तमाणसाणं से पायत्ताणीयाहिवई देवे तंसि घंटारवंसि णिसंतपसंतंसि महया २ सहेणं उग्घोसेमाणे २ एवं वदासी हंत सुमंतु भवतो सूरियाभविमाणवासिणो बहवे वैमाणिया देवा य देवीओ य! सूरियाभविमाणवरणो वयणं हियसुहत्यं आणावणियं (प्र० आणवेइ णं) भो ! सूरियाभे देवे गच्छइ णं भो सूरियाभे देवे जंबुद्दीवं दीव भारहं वासं आमलकप्पं नयरिं अंबसालवणं चेइयं समणं भगवं महावीरं अभिनंदए तं तुम्भेऽवि णं देवाणुप्पिया! सब्बिड्डीए० अकालपरिहीणा चैव सूरियाभस्स देवस्स अंतियं पाउब्भवह। १२ । तए णं ते सूरियाभविमाणवासिणो बहवे वैमाणिया देवा देवीओ य पायत्ताणियाहिवइस्स देवस्स अंतिए एयमहं सोचा णिसम्म हट्टजावहियया अप्पेगइया वंदणवत्तियाए अप्पेगइया पूयणवत्तियाए अप्पेगइया सकारवत्तियाए एवं संमाणवत्तियाए कोउहलवत्तियाए अप्पे० असुयाई सुणिस्सामो सुयाई अट्ठाई हेऊई पसिणाई कारणाई बागरणाई पुच्छिस्सामो अप्पेः सूरियाभस्स देवस्स वयणमणुयत्तमाणा अप्पे० अन्नमन्नमणुयत्तमाणा अप्पे जिणभत्तिरागेणं अप्पे० धम्मोति अप्पे जीयमेयंतिकट्टु सविट्टीए जाव अकालपरिहीणा चैव सूरियाभस्स देवस्स अंतियं पाउ भवति । १३ । तए णं से सूरियाभे देवे ते सूरियाभविमाणवासिणो बहवे वैमाणिया देवाय देवीओ य अकालपरिहीणं चेव अंतियं पाउच्भवमाणे पासति त्ता हट्ठजावहियए अभिओगियं देवं सहावेति त्ता एवं क्यासी खिप्पामेव भो देवाणुप्पिया ! अणेगखंभसयसंनिविद्धं लीलडियसालभंजियागं ईहामियउसभतुरगनरमगरविहगवालगकिंनररुरुसरभचमरकुंजरवणलयपउमलयभत्तिचित्तं खंभुग्गयवरवइवेइयापरिगयाभिरामं विजाहरजमलजुयलजंतजुत्तंपिव अच्चीसहस्समालिणीयं रूवगसहस्सकलिय भिसमाणं भिन्भिसमाणं चक्खुडोयणले सुहफासं सस्सिरीयरूवं घंटावलिचलियमहुरमणहरसरं मुहं कंतं दरिसणिज्जं णिउणोचियमिसिमिसितमणिरयणघंटिया जालपरिखित्तं जोयणसयसहस्सविच्छिष्णं दिवं गमस सिग्धगमणं णामं दिवं जाणविमाणं विउवाहि त्ता खिप्पामेव एयमाणत्तियं पञ्चप्पिणाहि । १४ । तए णं से आभिओगिए देवे सूरियाभेणं देवेणं एवं बुत्ते समाणे हडजावहियए करयलपरिम्महियं जाव पडिमुणेइ ता उत्तरपुरच्छिम दिसीभागं अवकमति त्ता वेउब्वियसमुग्धाएणं समोहणति त्ता संखेजाई जोयणाई जाब अहाबायरे पोग्गले० त्ता अहासुमे पोग्गले परियाएइ ता दोपि वेउडियसमुग्धाएणं समोहणित्ता अणेगखंभसयसन्निविद्वं जाव दिवं जाणविमाणं विउविउं पवत्ते यावि होत्या, तए णं से आभिओगिए देवे तस्स दिवस जाणविमाणस्स तिदिसिं तओ तिसोवाणपडिरूवए विउष्वति, तं० पुरच्छिमेणं दाहिणेणं उत्तरेणं, तेसिं तिसोवाणपडिरूवगाणं इमे एयारूवे बण्णावासे पं० तं० वइरामया निम्मा रिट्ठा५७३ राजमनीयं सूरियाभदेव
मुनि दीपरत्नसागर
म
| SR No. | 003913 |
| Book Title | Aagam Manjusha 13 Uvangsuttam Mool 02 Rayppaseniy |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 33 |
| Language | Prakrit |
| Classification | Book_Devnagari, Agam, Canon, & agam_rajprashniya |
| File Size | 22 MB |