Page Text
________________
F चित्ता! जीवा केवलिपलसं धम्मं नो लमन्ति सवणयाए, गोयरग्गगयं समणं वा माहणं वा जाव नो पजुवासइ णो विउलेणं असणपाणखाइमसाइमेणं पडिलाभेइ णो अट्ठाई जाय पुच्छा एएणं ठाणेणं चित्ता! केवलिपवतं० नो
लभइ सक्णयाए, जत्यविणं समणेण वा माहणेण वा सबिं अभिसमागच्छह तत्यवि णं हत्येण वा वत्येण वा छत्तेण वा अप्पाणं आवरित्ता चिट्ठइनो अट्ठाई जाव पुच्छइ एएणवि ठाणेणं चित्ता ! जीवे केवलिपनर्स धम्म णो लभाइ सवणयाए, एएहिं च णं चित्ता! चउहिं ठाणेहिं जीवे णो लभइ केवलिपनत्तं धम्मं सवणयाए, चउहि ठाणेहिं चित्ता ! जाव केवलिपचतं धम्मं लभइ सवणयाए, तं० आरामगयं वा उज्जाणगयं वा समण वा माहणं वा वंदा नमंसह जाव पज्जुबासह अट्ठाई जाव पुच्छा एएणवि जाव लभइसवणयाए, एवं उपस्सयगय गोयरम्गगयं समर्ण वा जाव पजुवासइ विउलेणं जाव पडिलाभेड अट्ठाई जाव पुच्छह एएणवि०, जत्थविय समणेण वा माहणेण वा अभिसमागच्छा तत्थविय णं णो हत्येण वा जाव आवरेत्ताणं चिट्ठह, एएणवि ठाणेणं चित्ता! जाव केवलिपनत्तं धम्म लभइ सवणयाए, तुमं च णं चित्ता ! पएसी राया आरामगयं वा तं चेव सवं भाणियचं आइहएणं गमएणं जाव अप्पाणं आवरेत्ता चिट्ठातं कहं गं चित्ता ! ५एसिस्स रमो धम्ममाइक्खिस्सामो?, तए णं से चित्ते सारही केसिकुमारसमण एवं वक-एवं खलु भंते ! अण्णया कयाई कंबोएहिं चत्तारि आसा उवणयं उवणीया ते मए पएसिस्स रण्णो अन्नया चेव उवणीया तं एएणं खलु भंते ! कारणेणं अहं पएसि रायं देवाणुप्पियाणं अंतिए हबमाणेस्सामि तं मा णं देवाणुप्पिया! तुम्भे पएसिस्स रन्नो धम्ममाइक्खमाणा गिलाएजाह अगिलाए ण भंते ! तुम्भे पएसिस्स रण्णो धम्ममाक्खेजाह छंदेणं भंते ! तुम्मे पएसिस्स रण्णो धम्ममाइक्खेजाह, तए णं से केसीकुमारसमणे चित्तं सारहिं एवं व०-अवियाई चित्ता ! जाणिस्सामो, तए णं से चित्ते सारही केसि कुमारसमणं बंदइ नमंसह त्ता जेणेव चाउग्घंटे आसरहे तेणेव उवागच्छदत्ता चाउग्धंट आसरहं दुरुहह जामेव दिसि पाउभूए तामेव दिसि पडिगए।६१। तए णं से चित्ते सारही कालु पाउप्पभायाए रयणीए फुल्छप्पलकमलकोमलुम्मिलियमि अहापंडुरे पभाए कय. नियमावस्सए सहस्सरस्सिमि दिणयरे तेयसा जलंते साओ गिहाओ णिग्गच्छहत्ता जेणेव पएसिस्स रखो गिहे जेणेव पएसी राया तेणेव उवागच्छइ त्ता पएसिं रायं करयल जाब तिकटु जएणं विजएणं वदावेइत्ता एवं व०- एवं खलु देवाणुप्पियाणं कंबोएहिं चत्तारि आसा उवणयं उवणीया ते यमए देवाणुप्पियाणं अण्णया चेव विणइया तं एह णं सामी! ते आसे चिट्ठ पासह, तए णं से पएसी राया चित्तं सारहिं एवं व० गच्छाहिणं तुम चित्ता ! तेहिं चेव चाउहिं आसेहिं चाउम्पंट आसरहं जुत्तामेव उवट्ठवेहि सा जाव पञ्चप्पिणाहि, तए ण से चित्ते सारही पएसिणा रना एवं वुत्ते समाणे हद्वतुट्ठजावहियए उवट्ठवेइ ता एयमाणत्तियं पञ्चप्पिणइ, तए णं से पएसी राया चित्तस्स सारहिस्स अंतिए एयमहूँ सोचा णिसम्म हद्वतुबजावअप्पमहग्याभरणालंकियसरीरे साओ गिहाओ निग्गच्छदत्ता जेणामेव चाउग्घंटे आसरहे तेणेव उवागच्छइ चाउग्चंट आसरह तुम्हइ त्ता सेयवियाए नगरीए मझमझेणं णिग्गच्छा, तए णं से चित्ते सारही ले रहे णेगाई जोयणाई उम्भामेइ, तएणं से पएसी राया उण्हेण यतण्हाए य रहवाएणं परिकिलंते समाणे चित्तं सारहिं एवं व०-चित्ता! परिकिलते मे सरीरे परावत्तेहि रहं, तए णं से चित्ते सारही रह परायसेन जेणेव मियवणे उजाणे तेणेव उवागच्छह पएसिं रायं एवं 4०-एस णं सामी! मियवणे उज्जाणे एत्य णं आसाणं समं किलार्म सम्मं पवीणेमो, तए णं से पएसी राया चित्तं सारहिं एवं व० एवं होउ चित्ता!, तए ण से चित्ते सारही जेणेव मियपणे उज्जाणे जेणेव केसिस्स कुमारसमणस्स अदूरसामंते तेणेव उवागच्छइ त्ता तुरए णिगिण्हेइ त्ता रहं ठवेइ त्ता रहाओ पचोव्हइ त्ता तुरए मोएति त्ता पएसिं रायं एवं व०-एह णं सामी! आसाणं समं किलाम पवीणेमो, तए णं से पएसी राया रहाओ पचोव्हड चित्तेण सारहिणा सदिं आसाणं समं किलामं सम्म पवीणेमाणे पास तत्य केसीकुमारसमणं, महइमहालियाए महवपरिसाइ मजागय महया २ सदेणं धम्ममाइक्खमाणं पासह त्ता इमेयारूचे अज्झथिए जाव समुप्पजिल्या-जड्डा खलु भो! जड्ड पज्जुवासंति मुंडा खलु भो ! मुंडे पज्जुवासंति मूढा खलु भो! मूढं पज्जुवासंति अपंडिया खलु भो ! अर्पडियं पज्जुवासंति निविण्णाणा खलु भो! निविण्णाणं पज्जुवासंति से केस णं एस पुरिसे जड्ढे मुंडे मूडे अपंडिए निविणाणे सिरीए हिरीए ववगए उत्तप्पसरीरे, एस णं पुरिसे किमाहारमाहारेइ किं परिणामेड किं खाइ किं पियइ किं बला किं पयच्छह जणं एमहालियाए मणुस्सपरिसाए मजझगए महया २ सहेणं युयाए?, एवं संपेहेइ त्ता चित्तं सारहिं एवं व०-चित्ता ! जड्डा खलु भो! जड्ड पजुवासंति जाव बुयाइ, साएऽपि य णं उजाणभूमीए नो संचाएमि सम्म पकामं पवियरिसए?, तए णं से चित्ते सारही पएसीरायं एवं क०-एस णं सामी! पासावञ्चिजे केसीनामं कुमारसमणे जाइसंपण्णे जाव चउनाणोवगए आहोहिए अण्णजीवी, तए णं से पएसी राया चित्तं सारहिं एवं 4०-आहोहियं णं वदासि चित्ता ! अण्णजीवियत्तं णं वदासि चित्ता!, हंता सामी! आहोहिअण्णं वयामि०, अभिगमणिजे णं चित्ता! अहं एस पुरिसे ?, हंता सामी! अभिगमणिज्ने, अभिगच्छामो णं चित्ता! अम्हे एवं पुरिस ?, हंता सामी ! अमिगअछामो । ६२। तए णं से पएसी राया चित्तेण सारहिणा सदि जेणेव केसीकुमारसमणे तेणेव उवागच्छइत्ता केसिस्स कुमारसमणस्स अदूरसामंते ठिच्चा एवं व०. तुम्भे णं भंते ! आहोहिया अण्णजीविया?, तएणं केसीकुमारसमणे पएसिं रायं एवं व०-पएसी ! से जहाणामए अंकवाणियाइवा संखवाणियाइ वा दंतवाणियाइ वा सुकं भंसि(म०जि)उकामा णो सम्म पंथं पुच्छंति एवामेव पएसी! तुम्भेवि विणयं मंसेउकामो नो सम्मं पुच्छसि, से गृणं तव पएसी! ममं पासित्ता अयमेयारूवे अज्झस्थिए जाव समुप्पजित्था- जड्डा खलु भो! जड्ड पज्जुवासंति जाव पवियरित्तए, से पूर्ण पएसी! अद्दे समत्थे,हंता अस्थि । ६३। तए णं से पएसी राया केसि कुमारसमणं एवं व०-से केणद्वेणं मंते ! तुझं नाणे वा दसणे वा जेणं तुझे मम एयारूवं अज्झत्थियं जाव संकप्पं समुप्पणं जाणह पासह , तए णं से केसीकुमारसमणे पएसिं रायं एवं व०-एवं खलु पएसी अम्हं समणाणं निग्गंधाणं पंचविहे नाणे पं० त०. आमिणियोहियणाणे सुयनाणे ओहिणाणे मणपज्जवणाणे केवलणाणे, से किं तं आभिणिवोहियनाणे १,२ चउबिहे पं० तं०- उम्महो ईहा अवाए धारणा, से किं तं उम्गहे ?,२ दुविहे पं०, जहा नंदीए जाव से ते धारणा, से तं आमिपिबोहियणाणे, से किं तं सुयनाणे १,२ दुविहे पं० त० अंगपविट्ठ च अंगवाहिरंच, सर्व भाणियवं जाव दिहिवाओ, ओहिणाणं भवपचइयं च खओक्समियं च जहाणंदीए, मणपज्जवनाणे दुविहे पं० सं०- उजुमई य विउलमई य ५९४ राजपनीय महासराय
मुनि दीपरत्नसागर
| SR No. | 003913 |
| Book Title | Aagam Manjusha 13 Uvangsuttam Mool 02 Rayppaseniy |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 33 |
| Language | Prakrit |
| Classification | Book_Devnagari, Agam, Canon, & agam_rajprashniya |
| File Size | 22 MB |