Page Text
________________
सहेब, केवलनाणं सर्व भाणिया, तत्थ णं जे से आभिणिचोहियनाणे से णं मर्म अत्थि, तत्थ णं जे से सुयणाणे सेऽषिय ममं अत्यि, तत्थ ण जे से ओहिणाणे सेऽविय ममं अस्थि, तत्थ णं जे से मणपजवनाणे सेऽविय ममं अस्थि, तस्थ णं जे से केवलनाणे से णं मम नत्थि, से णं अरिहंताणं भगवंताणं, इच्चेएणं पएसी ! अहं तव चउबिहेणं छउमत्येणं णाणेणं इमेयारूवं अज्झस्थियं जाव समुप्पण्णं जाणामि पासामि ।६४। तए णं से पएसी राया केसि कुमारसमणं एवं व०- अहं णं भंते ! इहं उवविसामि , पएसी ! एसाए उजाणभूमीए तुमंसि चेव जाणए, तए णं से पएसी राया चित्तेणं सारहिणा सदि केसिरस कुमारसमणस्स अदूरसामंते उवविसइ, केसिकुमारसमणं एवं व०. तुम्भ णं भंते ! समणाणं णिर्गयार्ण एसा सण्णा एसा पइण्णा एसा दिट्ठी एसा रुई एस उवएसे एस हेऊ एस संकप्पे एसा तुला एस माणे एस पमाणे एस समोसरणे जहा अण्णो जीवो अण्णं सरीरं णो तंजीयो णो सरीरं, तए ण केसी कुमारसमणे पएसिं रायं एवं व०-पएसी! अम्हं समणाणं णिगंधाणं एसा सण्णा जाव एस समोसरणे जहा अपणो जीवो अपणं सरीरं णो तंजीवो नो सरीरै, तए णं से पएसी राया केसि कुमारसमणं एवं व०-जति णं भंते ! तुभ समणाणं णिग्गंथाणं एसा सपणा जाच समोसरणे जहा अण्णो जीवो अपणं सरीरं णो तंजीवो जो तंसरीरं, एवं खलु मर्म अज्जए होत्था इहेव जंदीवे दीये सेयवियाए णगरीए अधम्मिए जाव सगस्सविय णं जणवयस्स नो सम्मं करभरवित्ति पवत्तेति से णं तुम्भं वत्तधयाए सुबहुं पावं कम्मं कलिकलुसं समजिणित्ता कालमासे कालं किच्चा अण्णयरेसु नरएसु णेरइयत्ताए उववण्णे तस्स णं अजगस्स णं अहं णत्तुए होत्था इढे कंते पिए मणुण्णे थेजे वेसासिए संमए बहुमए अणुमए रयणकरंडगसमाणे जीविउस्सविए हिययणदिजणणे उंबरपुष्फपिव दुइभेसवणय
पणंदिजणणे उंबरपुष्पंपिव दुलभेसवणयाए, किमंग पुण पासणयाए,तंजति णं से अजएममं आगंतु एवं वएजा एवं खल नत्तुया! अहं तव अजए होस्थ डेव सेयचियाए नयरीए अधम्मिए जाव नोसम्म करभरवित्ति पक्त्तेमितएणं अहं सुबहुं पावं कम्म कलिकलसं समजिणिता नरएसुणेरइयत्ताए उवषण्णे त माणं नत्तुया ! तुर्मपि भवाहि अधम्मिए जाब नो सम्मं करभरवितिं पबत्तेहि माणं तुर्मपि एवं चेव सुबहुं पावकम्मं जाव उववजिहिसि, तं जइणं से अजए ममं आगंतुं वएज्जा तो णं अहं सहहेजा पत्तिएजा रोएज्जा जहा अन्नो जीवो अन्नं सरीरं णो तंजीयो णो सरीरं, जम्हा णं से अजए मर्म आगंतुं नो एवं वयासी तम्हा सुपइट्टिया मम पाइन्ना समणाउसो ! जहा तज्जीवो तंसरीरं, तए णं केसी कुमारसमणे पएर्सि रायं एवं व०-अस्थि णं पएसी! तव सरियकता णामं देवी, हंता अस्थि, जइ णं तुमं पएसी ! तं मरियकंतं देविं व्हायं कयबलिकम्मं कयकोउयमंगलपायच्छित्तं सवालंकारविभूसियं केणई पुरिसेणं ण्हाएणं जाव सपालंकारविभूसिएणं सदि इट्टे सहफरिसरसरूवगंधे पंचविहे माणुस्सते कामभोगे पचणुभवमाणिं पासिजसि तस्स णं तुम पएसी ! पुरिसस्स कंडंडं नियत्तेजासि ?, अण्णं भंते! तं पुरिस हत्यच्छिष्णगं वा पायच्छिन्नगं वा सूलाइयगं वा सूलभिन्नगं वा एगाहचं कूडाहचं जीवियाओ ववरोवएजा, अहणं पएसी! से पुरिसे तुम एवं व०-मा वाव मे सामी! मुहत्तगं हत्यच्छिण्णगं वा जाव जीवियाओ ववरोवेहि जावताबाह मित्तणाइणियगसयणसंबंधिपरिजणं एवं पयामि-एवं खलु देवाणुप्पिया! पावाई कम्माई समायरेत्ता इमेयारूवं आवई पाविजामि तं मा णं देवाणप्पिया! तुम्मेहिं कई पाबाई कम्माई समायरउ मा णं सेऽवि एवं चेव आवइं पाविजिहिद जहाणं अहं, तस्स र्ण तुर्म पएसी! पुरिसस्स खणमवि एयम१ पडिसुजासि!, णो तिणट्टे समट्टे, जम्हा णं भंते! अबराही णं से पुरिसे, एवामेव पएसी! तववि अजए होत्था इहेव सेयवियाए णयरीए अधम्मिए जाच णो सम्मं करभरवित्ति पवत्तेइ से णं अम्ह वत्तवयाए सुबहुं जाव उववन्नो तस्स णं अजगस्स तुम णत्तुए होत्था इट्टे कंते जाव पासणयाए, से णं इच्छइ माणुसं लोग हावमागच्छित्तए णो चेव णं संचाएति हवमागच्छित्तए, चउहिं ठाणेहिं पएसी! अहुणोबवण्णए नरएसु नेरइए इच्छेज माणुसं लोगं हवमागच्छित्तए नो चेवणं संचाएइ,अहुणोवबन्ने नरएसु नेरइए से णं तत्थ सुमहम्भूयं वेयर्ण वेदेमाणे माणुस्सं लोगं हवाणो चेवणं संचाएइ, अहुणोववन्नए नरएसु नेरइए नस्यपालेहिं भुजो समहिट्ठिजमाणे इच्छइ माणुसं लोगं हवमागच्छित्तए नो चेव णं संचाएइ, अहुणोववन्नए नरएसु नेरइए निरयवेयणिज्जसि कम्मंसि अक्रवीणसि अवेइयंसि अनिजिसि इच्छइ माणुसं लोगं० नो चेव णं संचाएइ, एवं णेरइए निस्याउयसि कम्मंसि अक्खीणसि अवेइयंसि अणिज्जिनसि इच्छह माणुसं लोग० नो चेव णं संचाएइ हवमागच्छित्तए, इथेएहिं बउहि ठाणेहिं पएसी अहुणोववन्ने नरएसु नेरइए इच्छइ माणुसं लोग० णो चेव णं संचाएइ०,तं सहहाहि णं पएसी ! जहा अन्नो जीचो अन्नं सरीरं नो तंजीवो सरीरं १।६५। तए णं से पएसी राया केसि कुमारसमणं एवं 4०-अस्थि णं भंते ! एसा पण्णा उवमा० इमेण पुण कारणेण नो उवागच्छा-एवं खलु भंते ! मम अजिया होत्या इहेव सेयवियाए नगरीए धम्मिया जाव वित्ति कप्पेमाणी समणोवासिया अभिगयजीवाजीवा सको वण्णओ जाव अप्पाणं भावेमाणी विहरइ साणं तुझं वत्तवयाए सुबहुं पुन्नोवचयं समजिणित्ता कालमासे कालं किच्चा अण्णयरेसु देवलोएसु देवत्ताए उववण्णा तीसे णं अज्जियाए अहं नत्तुए होत्था इढे कंते जाव पासणयाए तं जहणं सा अजिया मम आगंतुं एवं वएजा-एवं खलु नत्तुया! अहं तव अजिया होत्था इहेव सेयवियाए नयरीए धम्मिया जाव वित्ति कप्पेमाणी समणोवासिया जाव विहरामि तए णं अहं सुबहुं पुष्णोवचयं समजिणित्ता जाब देवलोएसु उववण्णा ते तुमंपि णत्तुया ! भवाहि धम्मिए जाव विहराहि तएणं तुमंपि एवं चेव सुबहुं पुण्णोवचयं सम जाव उववजिहिसि तं जइणं अज्जिया मम आगंतु एवं वएजा तो र्ण अहं सद्दहेजा पत्तिएज्जा रोइजा जहा अण्णो जीवो अण्णं सरीरै णो तंजीवो तंसरीरं, जम्हा सा अज्जिया मम आगंतु णो एवं वयति तम्हा सुपइट्ठिया में पइण्णा० जहा तंजीवो तंसरीरं नो अन्नो जीवो अन्नं सरीरं, तए णं केसीकुमारसमणे पएसीराय एवं व०-जति णं तुमं पएसी! व्हायं कयचलिकम्मं कयकोउयमंगलपायच्छित्तं उछपडसाडगं भिंगारकडुच्छयहत्थगयं देवकुलमणुपविसमार्ण केई य पुरिसे बचघरंसि ठिचा एवं बदेजा-इ(ए)ह ताव सामी! इह मुहुत्तगं आसयह वा चिट्ठह वा निसीयह य, तुयह वा, तस्स णं तुम पएसी! पुरिसस्स खणमवि एयमढे पडिसुणिजासि ?, णो ति०, कम्हा णं, भंते ! असुई वा असुइसामंतो वा, एवामेव पएसी ! तववि अजिया होत्था इहेव सेयवियाए णयरीए धम्मिया जाव विहरति साणं अम्हें वत्तश्याए सुबई जाब उववन्ना तीसे णं अजियाए तुम णत्तुए होत्था इट्टे० किमंग पुण पासणयाए ?, सा णं इच्छइ माणुस लोग हवमागच्छित्तए णो चेवणं संचाएइ हवमागच्छित्तए, चउहिं ठाणेहिं पएसी! अहु. ५९५ राजमनीयं, yeferena
मुनि दीपरत्नसागर
| SR No. | 003913 |
| Book Title | Aagam Manjusha 13 Uvangsuttam Mool 02 Rayppaseniy |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 33 |
| Language | Prakrit |
| Classification | Book_Devnagari, Agam, Canon, & agam_rajprashniya |
| File Size | 22 MB |