Page Text
________________
चित्ता! तुम्भंपि सेयवियाए जयरीए पएसीनामं राया परिवसइ अहम्मिए जाव णो सम्मं करभरवित्तिं पवत्त तं कहं णं अहं चित्ता सेयवियाए नगरीए समोसरिस्सामि ?, तए गं से चित्ते सारही केसिं कुमारसमणं एवं व० किं णं भंते! तुब्भं पएसिणा रना काय ?, अत्थि णं भंते! सेयवियाए नगरीए अने बहवे ईसरतलवरजावसत्यवाहपभिइयो जेणं देवाणुप्पियं वंदिस्संति जाव पज्जुवासिस्संति विउलं असणं पाणं खाइमं साइमं पडिलाभिस्संति पाडिहारिएणं पीढफलगसेजासंथारेणं उबनिमंतिस्संति, तए णं से केसी कुमारसमणे चित्तं सारहिं एवं ब० अवियाइ चित्ता (प्र० आविस्संति चित्ता !) जाणि (समोसरि प्र०) स्सामो । ५६। तए णं से चित्ते सारही केसिकुमारसमर्ण बंदइ नमसइ त्ता केसिस्स कुमारसमणस्स अंतियाओ कोट्टयाओ चेहयाओ पडिणिक्खमइ त्ता जेणेव सावत्यी नगरी जेणेव रायमम्गमोगाडे आवासे तेणेव उवागच्छइ ना कोटुंबियपुरिसे सदावेह त्ता एवं व० खिप्पामेव भो देवागुप्पिया! चाउघंट आसरहं जुत्तामेव उबट्टवेह जहा सेयवियाए नगरीए निमाच्छइ तहेब जाव वसमाणे कुणालाजणवयस्स मज्जांमज्झेणं जेणेव केइयअद्धे जणवए जेणेव सेयविया नगरी जेणेव मियवणे उज्जाणे तेणेव उवागच्छता उज्जाणपालए सदावेइ ता एवं व० जया णं देवाणुप्पिया! पासावचिजे केसीनामं कुमारसमणे पुाणुपुत्रिं चरमाणे गामाणुगामं दूइजमाणे इहमागच्छिना तया णं तुज्झे देवाणुप्पिया! केसिकुमारसमणं बंदिजाह नर्मसिजाह ता अहापडिरूवं उग्गहं अणुजाणेजाह पाडिहारिएणं पीढफलग जाव उवनिमंतिजाह एयमाणत्तियं खिप्पामेव पचप्पिणेजाह, तए णं ते उज्जाणपालगा चित्तेणं सारहिणा एवं वृत्ता समाणा हट्टतुजावहियया करयलपरिम्महियं जाव एवं सामी! तहत्ति आणाए विणएणं वयणं पडिसुणंति । ५७। तए णं चित्ते सारही जेणेव सेयविया जगरी तेणेव उवागच्छइ त्ता सेयवियं नगरिं मज्झमज्झेणं अणुपविसइ ता जेणेव पएसिस्स रण्णो गिहे जेणेव बाहिरिया उवडाणसाला तेणेव उवागच्छइ त्ता तुरए णिगिन्हइ त्ता रहं ठवेइ त्ता रहाओ पचोरुहइ ता तं महत्यं जाव गेव्हइ ता जेणेव पएसी राया तेणेव उवागच्छइ ता पएसि रायं करयल जाव वढावेत्ता तं महत्यं जाव उवणेइ, तणं से पएसी राया चित्तस्स सारहिस्स तं महत्थं जाब पढिच्छइ ता चित्तं सारहिं सकारेह सम्माणेह त्ता पडिविसज्जेइ, तए णं से चित्ते सारही पएसिणा रण्णा विसजिए समाणे हट्टजावहियए पएसिस्स रखो अंतियाओ पडिनिक्खमइ त्ता जेणेव चाउघंटे आसरहे तेणेव उवागच्छ त्ता चाउग्घंटं आसरहं दुरुहइ त्ता सेयवियं नगरिं मज्झमज्झेणं जेणेव सए गिहे तेणेव उवागच्छ ता तुरए णिगिण्हइ ता रहं ठवेइ ता रहाओ पञ्चोरुहइ ता व्हाए जाव उप्पि पासायवरगए कुट्टमाणेहिं मुइंगमत्यएहिं बत्तीसइबद्धएहिं नाडएहिं वरतरुणी संपउत्तेहिं उवणचिज्जमाणे उवगाइजमाणे उवलालिज्जमाणे इट्टे सदफरिसजाव विहरइ । ५८। तए णं केसीकुमारसमणे अण्णया कयाई पाडिहारियं पीढफलगसेजासंघारगं पच्चपिणइ ता सावत्थीओ नगरीओ कोडगाओ चेइयाओ पडिनिक्खमइ त्ता पंचहि अणगारसएहिं जाव विहरमाणे जेणेव केयइअद्धे जणवए जेणेव सेयविया नगरी जेणेव मियवणे उज्जाणे तेणेव उवागच्छ ता अहापडिरूवं उग्गहं उगिव्हित्ता संजमेणं तवसा अप्पाणं भावेमाणे विहरति, तए णं सेयवियाए नगरीए सिंघाडग० महया जणसदेइ वा० परिसा णिम्ाच्छड, तए णं ते उज्जाणपालगा इमीसे कहाए लट्ठा समाणा हट्टतुट्टजावहियया जेणेव केसीकुमारसमणे तेणेव उवागच्छन्ति ता केसिं कुमारसमणं वंदति नमसंति त्ता अहापडिरूवं उग्गहं अणुजाणंति पाडिहारिएणं जाव संथारएणं उवनिमंतंति णामगोयं पुच्छति त्ता ओधारेंति ता एतं अवकमंति अन्नमन्नं एवं व० जस्स णं देवाणुप्पिया चित्ते सारही दंसणं कखइ दंसणं पत्ये दंसणं पीहेड़ दंसणं अभिलसइ जस्स णं णामगोयस्सवि सवणयाए हट्टजावहियए भवति से णं एस केसीकुमारसमणे पुत्राणुपुष्ि चरमाणे गामाणुगामं टूइनमाणे इहमागए इह संपत्ते इह समोसढे इहेव सेयवियाए णगरीए बहिया मियवणे उज्जाणे अहापडिरूवं जाव विहरड़, तं गच्छामो णं देवाणुप्पिया ! चित्तस्स सारहिस्स एयमहं पियं निवेएमो पिय से भवउ, अण्णमण्णस्स अंतिए एयमहं पडिसुर्णेति त्ता जेणेव सेयविया णगरी जेणेव चित्तस्स सारहिस्स गिहे जेणेव चित्ते सारही तेणेव उवागच्छंति ता चित्तं सारहिं करयल जाव वद्धावेति ता एवं व० जस्स णं देवाणुप्पिया दंसणं कंस्वंति जाब अभिलसंति जस्स णं णामगोयस्सवि सवणयाए हट्टजाव भवह से णं अयं पासावचिजे केसी नाम कुमारसमणे पुाणुपुद्धिं चरमाणे समोसढे जाव विहरइ, तए णं से चित्ते सारही तेसिं उज्जाणपालगाणं अंतिए एयमहं सोचा णिसम्म हट्टतुट्ट जाब (प्र० नरवरे) आसणाओ अब्भुति पायपीढाओ पचोरुहद्द त्ता पाउआओ ओमुयइ त्ता एगसाडियं उत्तरासंगं करेइ अंजलिमउलियग्गहत्थे के सिकुमारसमणाभिमुहे सत्तट्ट पयाई अणुगच्छ ता करयलपरिग्गहियं॰ सिरसावत्तं मत्यए अंजलि कट्टु एवं व० नमोऽत्यु णं अरहंताणं जाव संपत्ताणं, नमोऽत्यु णं केसिस्स कुमारसमणस्स मम धम्मायरियस्स धम्मोबदेसगस्स, वंदामि णं भगवंतं तत्थगयं इहगए पासउ मे भगवं तत्थगए इहगयंतिकट्टु बंदइ नमसइ ते उज्जाणपालए विउलेणं वत्थगंधमहालंकारेणं सकारेइ सम्माणेइ चिउलं जीवियारिहं पीइदाणं दलयइ ता पडिविसज्जइ त्ता कोटुंबियपुरिसे सहावे त्ता एवं व० खिप्पामेव भो! देवाणुपिया चाउरघंट आसरहं जुत्तामेव उवडवेह जाव पचप्पिणह, तए णं ते कोटुंबियपुरिसा जाव खिप्पामेव सच्छत्तं सज्झयं जाव उबट्टवित्ता तमाणत्तियं पञ्चपिर्णति, तए णं से चित्ते सारही कोचियपुरिसाणं अंतिए एयम सोच्चा निसम्म जावहियए हाए कयवलिकम्मे जाव सरीरे जेणेव चाउघंटे जाव दुरुहित्ता सकोरंट० महया भडचडगरेण तं चैव जाव पज्जुवासइ धम्मकहाइ जाव । ५९ । तए णं से चित्ते सारही के सिस्स कुमारसमणस्स अंतिए धम्मं सोच्चा निसम्म हट्टतुट्टे उट्टाए तहेव एवं व० एवं खलु भंते! अम्हं पएसी राया अधम्मिए जाब सयस्सविय णं जणवयस्स नो सम्मं करमरवित्तिं पवत्तेइ तं जइ णं देवाणुप्पिया ! पएसिस्स रण्णो धम्ममाइक्वेज्जा बहुगुणतरं खलु होज्जा पएसिस्स रण्णो तेसिं च बहूणं दुपयचउप्पयमियपसुपक्खीसरीसवाणं तेसि च बहूणं समणमाहणभिक्खुयाणं तं जइ णं देवाणुष्पिया! पएसिस्स बहुगुणतरं होजा सयस्सविय णं जणवयस्स । ६० । तए णं केसी - कुमारसमणे चित्तं सारहिं एवं १० एवं खलु चउहिं ठाणेहिं चित्ता ! जीवा केवलिपन्नत्तं धम्मं नो लभेजा सवणयाए, तं० आरामगयं वा उज्जाणगयं वा समणं वा माहणं वा णो अभिगच्छइ णो वंदह णो णमंसइ णी सकारे णो सम्माणेइ णो कल्लाणं मंगलं देवयं चेइयं पज्जुवासेइ नो अट्ठाई हेऊई पसिणाई कारणाई वागरणाई पुच्छइ, एएणं ठाणेणं चित्ता ! जीवा केवलिपनत्तं धम्मं नो लभंति सवणयाए, उवस्सयगयं समणं वा तं चैव जाव एव ५९३ राजमनीयं पसराय
मुनि दीपरत्नसागर
+
| SR No. | 003913 |
| Book Title | Aagam Manjusha 13 Uvangsuttam Mool 02 Rayppaseniy |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 33 |
| Language | Prakrit |
| Classification | Book_Devnagari, Agam, Canon, & agam_rajprashniya |
| File Size | 22 MB |