Page Text
________________
O
यसोलियाणि य उवक्खडावेति अण्णे य बहवे मच्छरसए य एणेजरसए य तित्तिर० जाब मयूररसाए य अण्णं विउलं हरियसागं उत्रम्खडावेति त्ता मित्तस्स रण्णो भोयणमंडवंसि भोयणवेलाए उवणेइ अप्पणावि य णं से सिरिए महाणसिए तेसिं च बहहिं जाव ज०० ख० मंसेहिं रसएहि य हरियसागेहि य सोहेहि य तलेहि य. भज्जेहि य सुरं च० आसादे० विहरति, तते णं से सिरिए महाणसिए एयकम्मे सुबहुं जाव समजिणित्ता तेत्तीस वाससयाई परमाउं पालयित्ता कालमासे कालं किया छुट्टीए पुढवीए उबवण्णे, तते णं सा समुददत्ता भारिया निंदुया यावि होत्या, जाया २ दारगा विणिघायमावज्जति, जहा गंगदत्ताए चिंता आपुच्छणा उवातियं दोहलो जाव दारणं पयाता जाव जम्ह। णं अम्हं इमे दारए सोरियस्स जक्खस्स उवाइयलदए तम्हा गं होउ अम्हं दारए सोरियदत्ते णामेणं, तते णं से सोरियदत्ते दारए पंचधाई० जाव उम्मुकबालभावे विष्णाय परिणयमेते जोवण० होत्या, तते गं से समुद्रदत्ते अण्णा कयाई कालधम्मणा संजुत्ते, तते णं से सोरियदत्ते दारए बहूहिं मित्त० रोयमाणे समुद्ददत्तस्स णीहरणं करेति त्ता लोइयाई मयकिच्चाई करेति अण्णया कयाई सयमेव मच्छंधमहत्तरगत्तं उवसंपज्जित्ताणं विहरति, तते से सोरिए दारए मच्छंधे जाते अधम्मिए दुप्पडियाणंदे, तते णं तस्स सोरियमच्छंघस्स बहवे पुरिसा दिष्णभति० कलाकहिं एगट्टियाहिं जउणं महाणदिं ओगाहिंति ता बहूहि य दहगलणेहि य दहमलणेहि य दहमदणेहि य दहमहणेहि य दहवहणेहि य दहपवाहणेहि य अयंपुलेहि य पयंपुलेहि य जंभाहि य तिसराहि य भिसराहि य घिसराहि य विसराहि य हिलीरीहिर झिझिरीहि य लखिरीहि य जालेहि य गलेहि य कूडपासेहि य वकबंधेहि य सुत्त बंधेहिय बालबंधेहिय बहने सण्हमच्छे य जाव पडागातिपडागे य गेव्हंति त्ता एमट्टियाउ भरेति त्ता कूलं गार्हति ता मच्छखलए करेंति आयवंसि दलयंति अप्पणाऽविय णं से सोरिये मच्छंधए कहाकलि एगट्टिताए जउणं महाणदि ओगाहेति ता सरिसवच्छिदपमाणमेत्तेणं जाणं बहवे सण्हमच्छे य जाव गेण्हति एगद्वियं भरेति कुलं गाहेति त्ता मच्छखलए करेति आयवंसि दलयति, अण्णे य से बहवे पुरिसा दिष्णभइभत्त आयवतत्तएहिं मच्छेहिं सोलिएहि लिएहिं भज्जितेहिय रायमग्गंसि वित्तिं कप्पेमाणा विहरंति, अप्पणाविय से सोरियदत्ते बहुहिं सण्हमच्छेहिं जाव पडागा० सोलिएहि यत०भ० सुरं च० आसादे० विहरति, तते णं तस्स सोरियदत्तस्स मच्छंधस्स अण्णया कयाई ते मच्छ सोले यतलि० भजि० आहारेमाणस्स मच्छर्कटए गलए लग्गे यावि होत्या, तते गं से सोरिय महईए वेयणाए अभिभूते समाणे कोटुंबियपुरिसे सहावेति त्ता एवं ६० गच्छह णं तुम्भे देवा० ! सोरियपुरे नगरे सिंघाडगजावपहेसु महया सदेणं उग्घोसेमाणा २ एवं वयह एवं खलु देवा० ! सोरियस्स मच्छकंटए गले लग्गे तं जो णं इच्छति वेज्जो वा० सोरियमच्छियस्स मच्छकंटयं गलाओ नीहरित्तए तस्स णं सोरिए विउलं अत्यसंपयाणं दलयति, तते णं ते कोटुंबियपुरिसा जाव उग्घोसंति, तए णं ते बहवे वेज्जा य० इमं एयारूवं उग्घोसणं उग्घोसिजमाणं निसामंति त्ता जेणेव सोरियगिहे जेणेव सोरिए मच्छंधे तेणेव उवा० सा बहूहिं उप्पत्तियाहि य० बुद्धीहिं परिणामेमाणा वमणेहि य छड्डणेहि य ओवीलणेहि य कवलग्गाहेहि य सल्लुदरणेहि य विसाइकरणेहि य इच्छंति सोरियमच्छंधस्स मच्छकंटगं गलाओ नीहरित्तए० नो चेव णं संचाएंति नीहरित्तए वा विसोहित्तए वा तते णं ते बहवे वेज्जा य० जाहे नो संचाएंति सोरियस्स मच्छकंटगं गलाओ नीहरित्तए वा विसोहित्तए वा ताहे संता जाव जामेव दिसं पाउन्भूता तामेव दिसं पडिगता, तते णं से सोरिए मच्छंधे वेज्जपडियारनिविष्णे तेणं दुक्खेणं महया अभिभूते सुक्के जाव वि हरति, एवं खलु गोतमा ! सोरियदत्ते पुरा पोराणाणं जाव विहरति, सोरिए णं भंते! मच्छंधे इओ कालमासे कालं किच्चा कहिं गच्छिहिति कहिं उववज्जिहिति ?, गोतमा ! सर्त्तारं वासाई परमाउं पालयित्ता कालमासे कालं किचा इमीसे रयणप्पभाए संसारो तहेव जाव पुढची ततो हरियणाउरे मच्छत्ताए उववजिहिति से णं ततो मच्छिएहिं जीवियाओ ववरोविते तत्येव सिट्टिकुलंसि वोही सोहम्मे महाविदेहे वासे सिज्झिहिति० । निक्वेवो । २८ ॥ इति गौरिकदत्ताध्ययनं ८ ॥ जति णं भंते! उक्खेवो णवमस्स एवं खलु जम्बू ! तेणं कालेणं० रोहीडए नाम नगरे होत्था रिद्व०, पुढवीवडंसए उज्जाणे धरणे जक्खे बेसमणदत्ते राया सिरी देवी पुसणंदी कुमारे जुबराया, तत्थ णं रोहीडए नगरे दत्ते णामं गाहावती परिवसति अड्ढे० कण्हसिरी भारिया तस्स णं दत्तस्स धूया कण्हसिरीए अत्तया देवदत्ता नामं दारिया होत्या अहीण० जाव उकिडसरीरा, तेणं कालेनं० सामी समोसढे जाव परिसा निम्गता, तेणं काले० जेट्टे अंतेवासी छट्ठक्खमण० तहेव जाव रायमग्गं ओगाढे हत्थी आसे पुरिसे पासति तेसिं पुरिसाणं मज्झगयं पासति एगं इत्वियं अवओडगबंधणं रवित्तक० जाव सूले भिज्जमणं पासति इमे अज्झत्थिए तहेब णिग्गते जाब एवं व० एसा णं भंते! इत्थिया पुवभवे का आसी १, एवं खलु गोयमा! तेणं कालेणं० इहेब जंबुद्दीवे दीवे भारहे वाले सुपतिट्टे णामं णगरे होत्या रिद्ध० मडासेणे राया तस्स णं महासेणस्स धारिणीपामुक्खं देवीसहस्सं ओराधे यात्रि होत्या. तस्स णं महासेणस्स पुत्ते धारिणीए देवीए अत्तए सीहसेणे णामं कुमारे होत्या अहीण० जुवराया, तते णं तस्स सीहसेणस्स कुमारस्स अम्मापितरो अण्णया कयाई पंच पासायवडंसगसयाई करेति अब्भुग्गतः तते णं तस्स सीहसेणस्स कुमारस्स अण्णया कयाई तामापामोक्खाणं पंचण्हं रायवरकण्णगसयाणं एगदिवसेणं पाणि गेण्हार्वेसु पंचसयओ दाओ, तते णं से सीहसेणे कुमारे सामापामोक्खेहिं पंचहिं देवीसतेहिं सद्धिं उप्पि० जाव विहरति, तते णं से महासेणे राया अण्णया कयाई कालधम्मुणा संजुत्ते, नीहरणं, राया जाते महया०, तते णं से सीहसेणे राया सामाए देवीए मुच्छिते अवसेसाओ देवीओ णो आढाति णो परिजानाति अणाढायमाणे अपरिजाणमाणे विहरति तते णं तासिं एगुणगाणं पंचन्हं देवीसयाणं एकूणाई पंच माईसयाई इमीसे कहाए लबट्टाई सवणयाए एवं खलु सीहसेणे राया सामाए देवीए मुच्छिते अम्हं धूयाओ नो आढाति नो परिजानाति अणा० विहरति, तं सेयं खलु अम्हं सोमं देवि अग्गपओगेण वा विसप्प० सत्यप्प जीवियाओ ववरोवित्तए, एवं संपेर्हेति सामाए देवीए अंतराणि य छिदाणि य विवराणि य पडिजागरमाणीओ विहति, तते णं सा सामा देवी इमीसे कहाए लट्टा सबणयाए एवं व० एवं खलु ममं पंचण्हं सवत्तीसयाणं पंच माईसयाई इमीसे कहाए लट्टाई समाणाई अण्णमण्णं एवं ब० एवं खलु सीहसेणे जाव पडिजागरमाणीओ विहरंति, तं न नज्जति णं ममं केणति कुमरणेणं मारिस्संतित्तिकट्टु भीया जेणेव कोवघरे तेणेव उवा ओहय० जाव झियाति, तते णं से सीहसेणे राया इमीसे कहाए लबट्टे समाणे जेणेव कोवघरे जेणेव सामा देवी तेणेव उवा० त्ता सामं देवि ओहय० पासति त्ता एवं व० किष्णं देवा ! ओहय० ५५० विपाकश्रुतांगं, अन्झयणं-5 मुनि दीपरत्नसागर
| SR No. | 003911 |
| Book Title | Aagam Manjusha 11 Angsuttam Mool 11 Vivagsuyaam |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 21 |
| Language | Prakrit |
| Classification | Book_Devnagari, Agam, Canon, & agam_vipakshrut |
| File Size | 18 MB |