Page Text
________________
तदेहं च फासूयं च न निसिजका पओयणक्खासु ओवणीयंति न तिमिच्छामंतमूलभेसज्जकजहेडं न लक्खणुप्पायसुमिणजोइसनिमित्तकहप्पउतं नवि डंभणाए नवि रक्खणाते नवि सासणाते नवि दंभणरक्खणसासणाते भिक्खं गवेसियां नवि वंदणाते नवि माणणावे नवि पूयणाए नवि बंदणमाणणपूयणाते भिक्खं गवेसियष्वं नवि हीलणाते नवि निंदणाते नवि गरहणाते नवि हील निंदणगरहणाते भिक्खं गवेसियां नवि भेसणाते नवि तजणाते नवि तालणाते नवि भेसणतज्ञणतालणाते भिक्खं गवेसियां नवि गारवेणं नवि कुह ( प्र० प्प )याते नवि वणीमयाते नवि गारवकुह ( म०प्प) वणीमयाए भिक्खं गवेसियां नवि मित्तयाए नवि पत्थणाए नवि सेवणाए नवि मित्तपत्थणसेवणाते भिक्खं गवेसियां अन्नाए अगढिए अदुट्टे अदीणे अविमणे अकलणे अविसाती अपरितंतजोगी जयणघडणकरणचरियविनयगुणजोगसंपडते भिक्खू भिक्लेसणाते निरते, इमं च णं सङ्घजीवरक्षणदयाते पावयणं भगवया सुकहियं अत्तहियं पेवाभावियं आगमेसिभहं सुद्धं नेयाउयं अकुटिलं अणुत्तरं सङ्घदुकुखपावाण विउवसमणं । २२ । तस्स इमा पंच भावणातो पढमस्स वयस्स हाँति पाणातिवायवेरमणपरिरक्खणट्टयाए पढमं ठाणगमणगुणजोगजुंजण जुगंतरनिवातियाए दिडीए ईरियां की डपयंगतसथावरदयावरेण निबं पुप्फफलतयपवाल कंदमूलदगमट्टियब जहरियपरिव ज्जिएण संमं, एवं खल सङ्घपाणा न हीलियज्ञा न निंदियज्ञा न गरहिया न हिंसिया न छिंदिया न भिदिया न वहेयथा न भयं दुक्खं च किंचि लम्मा पावेउं एवं इंरियासमितिजोगेण भावितो भवति अंतरप्पा असबलमसंकिलिनिङ्गणचरित्तभावणाए अहिंसए संजए सुसाहू, वितीयं च मणेण अपावएणं, पावकं अहम्मियं दारुणं निस्संसं बहबंधपरिकिलेस बहुलं जरा ( भय पा० ) मरणपरिकिलेससंकिलिद्धं न कयावि मणेण पावतेणं पावगं किंविवि झाय एवं मणसमितिजोगेण भावितो भवति अंतरप्पा असवलमसं किलिहनिवणचरितभावणाए अहिंसए संजए साहू, ततियं च वतीने अपावियाते (प्र० अहम्मियं दारुणं नीसंसं बहबंधपरिकिलेससंकिलिडं न कयाइ वईए पावियाए) पावकं न किंचिवि भासियां एवं वतिसमितिजोगेण भावितो भवति अंतरप्पा असबलमसं कि लिट्टनिङ्गणचरितभावणाए अहिंसओ संजओ सुसाहू, चउत्थं आहारएसणाए सुद्धं उच्छं गवेसियां अन्नाए (अगढिते पा०) (प्र० अगिद्धे) अदुट्टे अदीणे (म० अविमणे) अकलुणे अविसादी अपरितंतजोगी जयणघडण करणचरियविणयगुणजोगसंपओगजुत्ते भिक्खु भिक्खेसणाते जुत्ते समुदाणेऊण भिक्खचरियं उ घेतून आगतो गुरुजणस्स पासं गमणागमणातिचारे पडिकमणपडिकंते आलोयणदायणं च दाऊण गुरुजणस्स गुरुसंदिट्टस्स वा जहोबएस निरइयारं च अप्पमत्तो, पुणरवि अणेसणाते यतो पडिकमित्ता पसंते आसीणमुहनिसने मुहुत्तमेत्तं च झाणसुहजोगनाणसज्झायगोवियमणे धम्ममणे अविमणे सुहमणे अविग्गहमणे समाहियमणे सद्धासंवेगनिजरमणे पवतण वच्छभाषियमणे उट्ठेऊण य पहट्टतुट्टे जहारायणियं निमंतइत्ता य साहवे भावओ य विइण्णे य गुरुजणेणं उपविट्टे संपमजिऊण ससीसं कार्य तहा करतलं अमुच्छिते अगिद्धे अगढिए अगरहिते अणज्झोववण्णे अणाइले अकुद्धे अणत्तट्टिते असुरसुरं अचवचवं अदुतमविलंबियं अपरिसाडिं आलोयभायणे जयं पय (प्र० जयमध्यम ) तेण ववगयसंजोगमणिगालं च विगयधूमं अक्खोवंजणाणुलेवणभूयं संजमजायामायानिमित्तं संजमभारवहणट्टयाए भुंजेजा (प्र० भोत्त) पाणधारणट्टयाए संजएण समियं एवं आहारसमितिजोगेणं भाविओ भवति अंतरप्पा असबलमसंकि लिट्ठनिवण चरित्तभावणाए अहिंसए संजए सुसाहू, पंचमं आदाणनिक्खेवणासमिई पीढफलग सिज्जासंथारगवत्थपत्तकं बलदंडगरयहरण चोलपट्टगमुहपोत्तिगपायपुञ्छणादी एयंपि संजमस्स उबवूहणडयाए वातातयद्सम सगसीय परिरक्खणट्टयाए उवगरणं रागदोसरहितं परिहरितयं संजमेणं नित्र्यं पडिलेहणपप्फोडणपमजणार अहो य राओ अ अप्पमत्तेर्ण होइ सययं निक्खिवियां च गिव्हियां च भायणभंडोवहि उवगरणं एवं आयाणभंडनिक्खेवणासमितिजोगेण भाविओ भवति अंतरप्पा असबलमसंकिलिडुनित्रणचरितभावणाए अहिंसए संजते सुसाहू, एवमिणं संवरस्स दारं सम्मं संबरियं होति सुप्पणिहियं इमेहिं पंचहिवि कारणेहिं मणवरणकायपरिरक्खि एहिं णिवं आमरणंतं च एस जोगो
धतिमया मतिमया अणासवो अकलुसो अच्छिदो (प्र० अपरिस्सावी) असंकिलिडो सुद्धो सङ्घजिणमणुन्नातो, एवं पढमं संवरदारं फासियं पालियं सोहियं तीरियं किट्टियं आराहियं आणाते अणुपालियं भवति, एवं नायमुणिणा भगवया पन्नवियं परूवियं पसिद्धं सिद्धं सिद्ध वरसासणमिणं आघवितं सुदेसितं पसत्थं पढमं संवरदारं समत्तंतिषेमि । २३ ॥ संवरद्वारं १(६)॥ जंबू ! बितियं च सचवयणं सुद्धं सुचियं सिवं सुजायं सुभासियं सुखयं सुकहियं सुदिडं सुपतिट्टियं सुपइडियजसं सुसंजभियवयणबुइयं सुरवरनर वस भपवरबलवगसुविहियजणबहुमयं परमसाहुधम्मचरणं तवनियमपरिग्गहियं सुगतिपहदेसकं च लोगुत्तमं वयमिणं विज्जाहरगगणगमण विज्ञाण साहकं सग्गमग्गसिद्धिपहदेसकं अवितहं तं सच्चं उज्जयं अकुडिलं भूयस्थं अत्थतो विसुद्धं उज्जोयकरं पभासकं भवति सङ्घभावाण जीवलोगे अविसंवादि जहत्थमधुरं पञ्चक्खं दयिवयंव जं तं अच्छेरकारकं अवत्थंतरेसु बहुसु माणुसाणं सचेण महासमुज्झेवि चिति न निमजंति मूढाणियावि पोया सच्चेण य उद्गसंभमंमिविन बुज्झन्ति न य मरंति थाहं ते लभंति सच्चेण य अगणिसंभमंमिवि न डज्झति उज्जुगा मणूसा ५३० प्रश्नव्याकरणांगं, अन्यथ-5
मुनि दीपरत्नसागर
44
| SR No. | 003910 |
| Book Title | Aagam Manjusha 10 Angsuttam Mool 10 Panhavagaranam |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 22 |
| Language | Prakrit |
| Classification | Book_Devnagari, Agam, Canon, & agam_prashnavyakaran |
| File Size | 15 MB |