Page Text
________________
भरहवासं जियसत्तू पवररायसीहा पुवकडतवप्पभावा निविट्ठसचियसहा अणेगवाससयमायुक्तो भजाहि य जणक्यप्पहाणाहिं लालियंता अतुलसहफरिसरसरूवगंधे य अणुभवेत्ता (न्ता) तेवि उवणमंति मरणधम्म अवितत्ता कामाण । भुजो भुजोबलदेवासुदेवा य पवरपुरिसा महाबलपरकमा महाधणवियट्टका महासत्तसागरा दुदरा घणुद्धरा नरवसमा रामकेसवा भायरो सुपुरिसा वसुदेवसमुहविजयमादियदसाराणं पजुन्नपतिवसंघअनिरुदनिसहउम्मुयसारणगयसुमुहदुम्मुहादीण जायवाणं अपुट्ठाणवि कुमारकोडीणं हिययदयिया देवीए रोहिणीए देवीए देवकीए य आणंदहिययभावनंदणकरा सोलसरायवरसहस्साणुजातमग्गा सोलसदेवीसहस्सवरणयणहिययदइया णाणामणिकणगरयणमोत्तियपालधणधनसंचयरिद्धिसमिद्धको. सा हयगयरहसहस्ससामी गामागरनगरखेडकब्बडमडंबदोणमुहपट्टणासमसंबासहस्सथिमियणिबुयपमुदितजणविविहसासनिष्फजमाणमेइणिसरसरियतलागसेलकाणणारामुजाण - मणाभिरामपरिमंडियस्स दाहिणड्डवेयड्दगिरिविभत्तस्स लवणंजल्यहिपरिगयस्स छबिहकालगुणकामजुत्तस्स अदभरहस्स सामिका धीरकित्तिपुरिसा ओहवला अइबला अनिया अपराजियसत्तुमहणरिपुसहस्समाणमहणा साणुकोसा अमच्छी अचवला अचंडा मितमंजुलपलावा हसियगंभीरमहुरभणिया (महुरपरिपुण्णसबवयणा पा०) अब्भुवगयवच्छला सरण्णा लक्खणवंजणगुणोववेया माणुम्माणपमाणपडिपुत्रसुजायसवंगसुंदरंगा ससिसोमागारकंतपियदंसणा अमरिसमा पयंडडंडप्पयारगंभीरदरिसणिज्जा तालवउविद्धगरुलकेऊ बलवगगर्जतदरितदप्पितमुट्टियचाणूरमूरगा रिहवसभघातिणो केसरिमहविष्फाडगा दरितनागदप्पमहणा जमलजुणभंजगा महासउणिपूतणारिखू कंसमउडमोडगा जरासिंघमाणमहणा तेहि य (अब्भपडलपिंगलाजलेहिं पा०) अविरलसमसहियचंडमंडलसमप्पभेहिं (मंगलसयभत्तिच्छेयचित्तियखिखिणिमणिहेमजालविइयपरिगयपेरंतकणयघंटियपयलियखिणिखिणितसुमहुरसुइसुहसदालसाहिएहिं सपयरगमुत्तदामलम्बन्तभूसणेहिं नरिंदवामप्पमाणरुंदपरिमंडलेहिं सीयायववायवरिसविसदोसणासेहिं तमरयमलबहुलपडलधाडणपहारेहिं मुडसुहसियच्छायसमणुबद्धेहिं वयरामयवस्थिणिउणजोइयअडसहस्सवरकंचणसलागनिम्मिएहिं सुविमलस्ययमुठ्ठच्छइएहिं णिउणोवियमिसिमिसितमणिरयणसरमंडलवितिमिरकरनिग्गयपडिहयपुणरविपच्चोवयंतचंचलमरीइकवयं विणिम्मुयंतेहिं पा०) सूरमिरीयकवयं विणिम्मयंतेहिं सपतिदंडेहिं आयवत्तेहिं धरिजंतेहिं विरायंता ताहि य पवरगिरिकुहरविहरणसमुट्ठियाहिं निकवहयचमरपच्छिमसरीरसंजाताहिं अमइलसियकमलविमुकुलजलितस्यतगिरिसिहरविमलससिकिरणसरिसकलहोयनिम्मलाहिं पवणाहयचवलचलियसललियपणचियवीइपसरियखीरोदगपवरसागरुप्पुरचंचलाहिं माणससरपसरपरिचियावासविसदवेसाहिं कणगगिरिसिहरसंसिताहिं ओवाउप्पातचबलजयिणसिग्यवेगाहिं हंसवधूयाहि चेव कलिया नाणामणिकणगमहरिहतवणिजुजलविचित्तडंढाहिं सललियाहिं नरबतिसिरिसमुदयप्पगासणकरीहिं वरपट्टणुम्गयाहिं समिद्धरायकुलसेवियाहिं कालागुरुपपरकुंदुरुकतुरुक्कधूववरवासविसदगंधुधुयाभिरामाहिं चिल्लिकाहिं उभयोपासंपि चामराहिं उक्खिप्पमाणाहिं सुहसीतलवातवीतियंगा अजिता अजितरहा हलमुसल( कणग पा०)पाणी संखचकगयसत्तिणंदगधरा पवरुजलमुकंतविमलकोधूभतिरीडधारी कुंडलउज्जोवियाणणा पुंडरीयणयणा एगावलीकंठरतियवच्छा सिरिखच्छमुलंछणा वरजसा सवोउयसुरभिकुसुमसुरइयपलंबसोहंतबियसंतचित्तवणमालरतियवच्छा (प० लक्षणवंजणगुणोक्वेया) अट्ठसयविभत्तलक्खणपसत्थसुंदरविराइयंगमंगा मत्तगयवरिंदललियविकमविलसियगती कडिसुत्तगनीलपीतकोसिज्जवाससा पवरदित्ततेया सारयनवथणियमहुस्गंभीरनिदघोसा नरसीहा सीहविक्रमगई अत्यमियपवररायसीहा सोमा बारवइपुन्नचंदा पुत्रकयतवप्पभावा निचिट्ठसंचियसुहा अणेगवाससयमातुवंतो भजाहि य जणवयप्पहाणाहिं लालियंता अतुलसद्दफरिसरसरूवगंधे अणुभवेत्ता (न्ता) तेवि उवणमंति मरणधम्म अवितत्ता कामाणं । भुजो मंडलियनरवरेंदा सबला सअंतेउरा सपरिसा सपुरोहियामञ्चदंडनायकसेणावतिमंतनीतिकुसला नाणामणिस्यणविपुलधणधनसंचयनिहीसमिद्धकोसा रज्जसिरिं विपुलमणुभवित्ता (न्ता) विक्कोसंता बलेण मत्ता तेवि उवणमंतिमरणधम्म अवितत्ता कामाणं, भुजो उत्तरकुरुदेवकुरुवणविवरपादचारिणो नरगणा भोगुत्तमा भोगलक्षणधरा भोगसस्सिरीया पसत्थसोमपडिपुण्णरुवदरसणिजा मुजातसवंगसुंदरंगा रत्तुप्पलपत्तकंतकरचरणकोमलतला सुपइट्टियकुम्मचारुचलणा अणुपुञ्चमुसंहय(जायपवरं पा०)गुलीया उन्नयतणुतंचनिनिखा संठितमुसिलिट्ठगूढगोंफा एणीकुरुविंदावत्तवट्टाणु विजंघा समग्गनिमग्मगृढजाणू वरवारणमत्ततुल्लविक्रमविलासितगती वस्तुरगसुजायगुज्झदेसा आइन्नयव निरुवलेवा पमुइयवस्तुरगसीहअतिरेगवट्टियकडी गंगावत्तदाहिणावत्ततरंगभंगुरविकिरणबोहियविकोसायंतपम्हगंभीरविगडनाभी साहतसोणंदमुसलदप्पणनिगरियवरकणगच्छरुसरिसवस्वइवलियमज्झा उजुगसमसहियजचतणुकसिणणिवआदेजलडहसूमालमउयरोमराई झसविहगसुजातपीणकुच्छी झसोदरा पम्हविगडनाभा संनतपासा संगयपासा सुंदरपासा सुजातपासा मितमाइयपीणरइयपासा अकरंडुयकणगरुयगनिम्मलसुजायनिरुवहयदेहधारी कणगसिलातलपसत्यसमतलउवइयविच्छिन्नपिहुलवच्छा जुयसंनिभपीणरइयपीवरपउद्दसंठियसुसिलिट्टविसिट्टलहसुनिचितघणथिरसुबद्धसंधी पुरवरवरफलिहवट्टियभुया भुयईसरविपुलभोगआयाण५२६ प्रश्नव्याकरणांगं अन्य
मुनि दीपरत्नसागर
| SR No. | 003910 |
| Book Title | Aagam Manjusha 10 Angsuttam Mool 10 Panhavagaranam |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 22 |
| Language | Prakrit |
| Classification | Book_Devnagari, Agam, Canon, & agam_prashnavyakaran |
| File Size | 15 MB |