Aagam Manjusha 10 Angsuttam Mool 10 Panhavagaranam

SR No.: 003910
Original Sutra Author: N/A
Author: Anandsagarsuri, Sagaranandsuri
Publisher: Deepratnasagar
Publication Year: 2012
Total Pages: 22
Language: Prakrit
Classification: Book_Devnagari, Agam, Canon, & agam_prashnavyakaran
File Size: 15 MB

Page 11

मोदणअट्टविहअणिट्ठकम्मपिडितगुरुभारकंतदुग्गजलोघदूरपणोलिजमाणउम्मुग्गनिमुम्गदुलभतलं सारीरमणोमयाणि दुक्खाणि उप्पियंता सातस्सायपरित्तावणमयं उन्बुड्डनिबुड्डयं करेंता चाउरंतमहंतमणवयम्गं रुई संसारसागरं अट्ठियं अणालंबणमपतिद्वाणमप्पमेयं चुलसीतिजोणिसयसहस्सगुविलं अणालोकमंधकारं अणंतकालं निचं उत्तत्वसुण्णभयसण्णसंपउत्ता वसंति उधिगावासवसहि जहि २ आउयं निबंधति पावकम्मकारी बंधवजणसयणमित्तपरिवजिया अणिट्ठा भवंति अणादेजदुषिणीया कुठाणासणकुसेजकुभोयणा असुइणो कुसंघयणकुप्पमाणकुसंठिया कुरुवा बहुकोहमाणमायालोमा बहुमोहा धम्मसन्नसम्मत्तपम्भट्ठा दारिदोववाभिभूया निचं परकम्मकारिणो जीवणत्थरहिया किविणा परपिंडतकका दुक्खलद्धाहारा अरसविरसतुच्छकयकुच्छिपूरा परस्स पेच्छता रिद्धिसकारभोयणविसेससमुदयविहिं निंदंता अप्पर्क कयंतं च परिवयंता इह य पुरेकडाई कम्माई पावगाई बिमणसो सोएण डच्झमाणा परिभूया होति सत्तपरिवजिया य सोभासिप्पकलासमयसत्यपरिवजिया जहाजायपसुभूया अवियत्ता णिच्चनीयकम्मोबजीविणो लोयकुच्छणिज्जा मोघमणोरहा निरास. बहुला आसापासपडिबद्धपाणा अत्योपायाणकामसोक्से य लोयसारे होति अफलवंतका य सुविय उज्जमंता तदिवसुजुत्तकम्मकयदुक्खसंठवियसित्यपिंडसंचयपक्खीणदवसारा निश्चं अधुवधणधण्णकोसपरिभोगविवजिया रहियकामभोगपरिभोगसबसोक्खा परसिरिभोगोवभोगनिस्साणमग्गणपरायणा वरागा अकामिकाए विणेति दुक्खं णेव सुहं णेव निबुर्ति उबलभंति अञ्चंतविपुलदुक्खसयसंपलित्ता परस्स दवेहिं जे अविरया, एसो सो अदिण्णादाणस्स फलविवागो इहलोइओ पारलोइओ अप्पसुहो बहुदुक्खो महम्मओ बहुरयप्पगाढो दारुणो ककसो असाओ वाससहस्सेहिं मुचति, न य अवेयइत्ता अस्थि उ मोक्खोत्ति एवमाहंसु, णायकुलनंदणो महप्पा जिणो उ वीरवरनामधेजो कहेसी य अदिण्णादाणस्स फलविवागं एयं, तं ततियंपि अदिन्नादाणं हरदहमरणभयकलुसतासणपरसंतिकभेजलोभमूलं एवं जाव चिरपरिगतमणुगतं दुरंतं, ततियं अहम्मदारं समत्तंतिवेमि । १२॥ द्वारं ३॥ जंचू ! अभं च चउत्थं सदेवमणुयासुरस्स लोयस्स पत्थणिज्ज पंकपणयपासजालभूयं थीपुरिसनपुंसवेदचिंधं तवसंजमवंभचेरविग्धं भेदायतणबहुपमादमूलं कायरकापुरिससेवियं सुयणजणवजणिज उड्ढनरयतिरियतिलोकपइट्ठार्ण जरामरणरोगसोगबहुलं वधबंधविघातदुबिघायं दसणचरित्तमोहस्स हेउभूयं चिरपरिचितमणुगयं दुरंतं, चउत्थं अधम्मदारं । १३ । तस्स य णामाणि गोन्नाणि इमाणि होति तीसं, त०- अबभं मेहुणं चरंतं संसम्गि सेवणाधिकारी संकप्पो वाहणा पदाणं दप्पो मोहो मणसंखेवो १० अणिग्गहो बुग्गहो विधाओ विभंगो विब्भमो अधम्मो असीलया गामधम्मतित्ती रति राग २० कामभोगमारो वेरं रहस्सं गुज्झं बहुमाणो बंभचेरविग्यो वावत्ति विराहणा पसंगो कामगुणो ३० त्तिविय, तस्स एयाणि एवमा| दीणि नामधेज्जाणि होति तीसं । १४॥ तं च पुण निसेवंति सुरगणा सअच्छरा मोहमोहियमती असुरभुयगगालविजुजलणदीवउदहिदिसिपवणथणिया अणवानपणवानयहांसवादित | भूयवादियकंदियमहाकदियकुहंडपयंगदेवा पिसायभूयजक्खरक्खसकिंनरकिंपुरिसमहोरगगंधब्बा तिरियजोइसविमाणवासिमणुयगणा जलयस्थलयरखहयरा य मोहपडिबदचित्ता अP वितण्हा कामभोगतिसिया तण्हाए बलबईए महईए समभिभूया गढिया य अतिमुच्छिया य अवंभे उस्सण्णं तामसेण भावेण अणुम्मका दसणचरितमोहस्स पंजरंपिव करेंति अन्नो.
ऽयं सेवमाणा भुजो असुरसुरतिरियमणुअभोगरतिविहारसंपउत्ता य चक्कवट्टी सुरनरवतिसक्कया सुरवरुप देवलोए भरहणगणगरणियमजणवयपुरवरदोणमुहखेडकब्बडमडंबसंवाहपट्टणसहस्समंडियं थिमियमेयणीयं एगच्छत्तं ससागरं भुंजिऊण वसुहं नरसीहा नरवई नरिंदा नरवसभा मरुयवसभकप्पा अब्भहियं रायतेयलच्छीए दिप्पमाणा सोमा रायवंसतिलगा रविससिसंखवरचक्कसोत्थियपडागजवमच्छकुम्मरहवरभगभवणविमाणतुरयतोरणगोपुरमणिरयणनंदियावत्तमुसलणंगलसुरइयवरकप्परुक्खमिगवतिभदासणसुरुविधूभवरमउडसरियकुंडलकुंजरवरवसभदीवमंदिरगालद्धयइंदकेउदप्पणअट्ठावयचावबाणनक्खत्तमेहमेहलवीणाजुगछत्तदामदामिणिकमंडलुकमलघंटावरपोतसइसागरकुमुदागरमगरहारगागरनेउरणगणगरवइरकिन्नरमयूरवररायहंससारसचकोरचकवागमिहुणचामरखेडगपव्वीसगविपंचिचरतालियंटसिरियाभिसेयमेइणिखरगंकुसविमलकलसभिंगारवदमाणगपसत्थाउत्तमविभत्तवरपुरिसलक्खणधरा बत्तीसंवररायसहस्साणुजायमग्गा चउसट्ठिसहस्सपवरजुवतीणणयणकता रत्तामा पउमपम्हकोरंटगदामचंपकसुतवियवरकणकनिहसवन्ना सुजायसवंगसुंदरंगा महग्यवरपट्टगुग्गयविचित्तरागएणिपेणिणिम्मियदुगुलबरचीणपट्टकोसेजसोणीसुत्तक(जाखोमिय पा०)विभूसियंगा वरसुरभिगंधवरचण्णवासवरकुसुमभरियसिरया कप्पियच्छेयायरियमुकयरइतमालकडगं( कुंडलं पा० )गयतुडियपवरभूसणपिणद्धदेहा एकावलिकंठसुरइयवच्छा पालंबपलंबमाणसुकयपडउत्तरिजमुहियापिंगलंगुलिया उज्जलनेवत्थरइयचे उगविरायमाणा तेएण दिवाकरोच दित्ता सारयनवत्यणियमहुरगंभीरनिदघोसा उप्पलसमत्तरयणचक्करयणप्पहाणा नवनिहिवइणो समिद्धकोसा चाउरता चाउराहिं सेणाहिं समणुजातिजमाणमग्गा तुरगवती गयवती रहवती नरखती विपुलकुलवीसुयजसा सारयससिसकलसोमवयणा सूरा तेलोकनिग्गयपभावलद्धसहा समत्तभरहाहिवा नरिंदा ससेलवणकाणणं च हिमवंतसागरंतं धीरा भुत्तूण ५२५ प्रनव्याकरणांगं, अन्दर -7
मुनि दीपरत्नसागर