Page Text
________________
अकाले थणियसद्दे अभिक्खणं २ आगासे देवताओ नचंति, एगं च णं महं पिसायरूवं पासंति, तालजंघं दिवं गयाहिं बाहाहि मसिमूसगमहिसकालगं भरियमेहवन लंबोट्टं निग्ग| यग्गदतं निल्हालियजमलजुयलजीहं आऊ(प०गू)सियवयणगंडदेसं चीणचिपिटनासियं विगयभुग्गभग्गभुमयं खज्जोयगदित्तचक्सुरागं उत्तासणगं विसालवच्छ विसालकुञ्छि पलं. बकुच्छि पहसियपयलियपयडियगत्तं पणञ्चमाणं अफोडतं अभिवग्गंत अभिगजंतं बहुसो २ अट्टहासे विणिम्मुयंतं नीलुप्पलगवलगुलियअयसिकुसुमप्पगासं खुरधारं असिं गहाय अभिमुहमावयमाणं पासंति, तते णं ते अरहण्णगवज्जा संजुत्ताणावावाणियगा एगं च णं महं तालपिसायं पासंति तालजंघं दिवं गयाहिं बाहाहिं फुटसिरं भमरणिगरवरमासरासिमहिसकालगं भरियमेहवन्नं सुप्पणहं फालसरिसजीहं लंबोट्टं धवलबट्टअसिलिट्ठतिक्खथिरपीणकुडिलदाढोवगूढवयणं विकोसियधारासिजुयलसमसरिसतणुयचंचलगलंतरसलोलचबलफु. रुफुरेंतनिल्लालियग्गजीहं अवयच्छियमहलविगयबीभत्सलालपगलंतरत्ततालुयं हिंगुलयसगम्भकंदरबिलंब अंजणगिरिस्स अ(प० गिज्झरस्स)स्गिजालुग्गिलंतवयणं आऊसियअक्खचम्मउइट्ठ(प० उट्ट)गंडदेसं चीणचिपिडबंकभग्गणासं रोसागयधमधर्मतमारुतनिठुरखरफरुसझुसिरं ओभुग्गणासियपुडं घाडुम्भडरइयभीसणमुहं उद्धमुहकन्नसकुलियमहंतविगयलोमसंखालगलंबतचलियकन्न पिंगलदिपंतलोयणं भिउडितडिय(डि पा०)निडालं नरसिरमालपरिणद्धचिंध विचित्तगोणससुबरपरिकर अवहोलंतपुष्फयायंतसप्पविच्छ्यगोधुंदरनउ. लसरडविरइयविचित्तवेयच्छमालियागं भोगकूरकण्हसप्पधमधर्मतलबतकन्नपुर मजारसियाललइयखंध दित्तघुघुयंतघूयकयकुंतलासरं घंटारवेण भीमं भयंकरं कायरजणहिययफोडणं दित्तमट्टहासं विणिम्मुयंतं वसारुहिरपूयमंसमलमलिणपोचडतणुं उत्तासणयं विसालवच्छं पेच्छंता भिन्नणहमुहनयणकावरवग्धचित्तकत्तीणियंसणं सरसरूहिरगयचम्मविततऊसवियवाहजयलं ताहि य खरफरुसअसिणिद्धअणिदित्तअसुभअप्पियअकंतवम्यूहि य तज्जयंत पासंति तं तालपिसायरुवं एजमाणं ता भीया संजायभया अन्नमन्नस्स कार्य समतुरंगेमाणा २ बहूणं इंदाण य खंदाण य रुद्दसिवबेसमणणागाणं भूयाण य जक्वाण य अजकोट्टकिरियाण य बहूणि उवाइयसयाणि ओवातियमाणा २ चिट्ठति, नए णं से अरहन्नए समणोवासए तं दिवं पिसायरूवं एजमाणं पासति त्ता अभीते अतत्थे अचलिए असंभंते अणाउले अणुधिग्गे अभिन्नमुहरागणयणवन्ने अदीणविमणमाणसे पोयवहणस्स एगदेसंसि वत्यंतेणं भूमि पमजति त्ता ठाणं ठाइ त्ता करयल एवं वयासी-नमोऽत्थु णं अरहंताणं जाव संपत्ताणं, जइ णं अहं एत्तो उवसग्गातो मुंचामि तो मे कप्पति पारित्तए अह णं एत्तो उवसम्माओ ण मुंचामि तो मे तहा पञ्चक्खाएयवेत्तिकटु सागारं भत्तं पच्चक्खाति, तते णं से पिसायरूले जेणेव अरहन्नए समणोबासए तेणेव उवागच्छविना अरहन्नगं एवं वदासी. हं भो! अरहन्नगा अपस्थियपस्थिया जाव परिवज्जिया णो खलु कप्पति तव सीलश्चयगुणवेरमणपश्चक्खाणपोसहोववासातिं चालित्तए वा एवं खोभेत्तए वा खंडिनए वा भंजिनए वा उज्झित्तए वा परिश्चइत्तए वा?.तं जति णं तुम सीलवयं जाव ण परिचयसि तो ते अहं एवं पोतवहणं दोहिं अंगुलियाहिं गेण्हामि त्ता सत्तद्वतलप्पमाणमेत्ताति उर्ल्ड वेहासं उधिहामि ना अंतो जलंसि णिच्चोलेमि जेणं तुमं अट्टहवसट्टे असमाहिपत्ते अकाले चेव जीवियाओ ववरोविजसि, तते णं से अरहन्नते समणोचासए तं देवं मणसा चेव एवं वदासीअहं णं देवाणु० ! अरहन्नए णामं समणोवासए अहिगयजीचाजीचे नो खलु अहं सक्को केणइ देवेण चा जाब निम्गंधाओ पावयणाओ चालित्तए वा खोभेत्तए वा विपरिणामेत्तए वा तुम णं जा सदा तं करेहित्तिकटु अभीए जाव अभिन्नमुहरागणयणवन्ने अदीणविमणमाणसे निचले निष्फंदे तुसिणीए धम्मज्झाणोवगते विहरति, तए णं से दिवे पिसायरूवे अरहन्नगं समणोवासगं दोचपि तचंपि एवं वदासी-हंभो अरहन्नगा ! अदीणविमणमाणसे निचले निष्फंदे तुसिणीए धम्मज्झाणोचगए विहरति, नते णं से दिवे पिसायरुवे अरहन्नगं धम्मज्झाणोवगयं पासति त्ता बलियतरागं० आसुरुत्ते तं पोयवहणं दोहिं अंगुलियाहिं गिण्हति त्ता सत्तट्टतलाई जाव अरहन्नगं एवं वदासी-हं भो अरहन्नगा ! अप्पत्थियपत्थिया णो खल कप्पति तय सीलाय तहेब जाव धम्मज्झाणावगए विहरति, तते णं से पिसायरूवे अरहन्नगं जाहे नो संचाएइ निग्गंधाओ० चालित्तए वाताहे उवसंते जाव निचिन्ने तं पोय. बहणं सणियं २ उवरि जलस्स ठवेति तातं दिवं पिसायरूवं पडिसाहरइ त्ता दिवं देवरूवं विउच्वइत्ता अंतलिक्खपडिवन्ने सखिखिणियाई जाव परिहित अरहन्नगं स० एवं वयासी-हंभो! अरहन्नगा ! धन्नोऽसि णं तुम देवाणुप्पिया ! जाव जीवियफले जस्स णं तब निग्गंथे पावयणे इमेयारूवा पडिवत्ती लदा पत्ता अभिसमन्नागया, एवं खल देवाणुप्पिया! सके देविंदे देवराया सोहम्मे कप्पे सोहम्मबडिसए विमाणे सभाए सुहम्माए चहूणं देवाणं मजमगते महया सहेणं आतिकस्वति ४-एवं खलु जंबुद्दीव २ भारहे वासे चंपाए नयरीए अरहन्नए सम० अहिगयजीवाजीवे नो खलु सको केणति देवेण वा दाणवेण वा णिग्गंथाओ पावयणाओ चालित्तए वा जाब विपरिणामेत्तए वा, तते णं अहं देवाणु० ! मकस्स णो एयमटुं सहहामि तते णं मम इमेयारूवे अम्भस्थिए ५-गच्छामि णं अरहन्मयस्स अंतियं पाउम्भवामि जाणामि ताव अहं अरहन्नगं किं पियधम्मे णो पियधम्मे ? दढधम्मे नो वढधम्मे? सीलजयगुण० किं चालेति जाव परिचयति णो परिचयतित्तिकटु, एवं संपेहेमि त्ता ओहिं पउंजामि ता देवाणु० ओहिणा आभोएमि ता उत्तरपुरच्छिमं० ता उत्तरविउधियं० (११०) ४४० ज्ञानधर्मकांगं, अन्सा -6
मुनि दीपरत्नसागर
| SR No. | 003906 |
| Book Title | Aagam Manjusha 06 Angsuttam Mool 06 Nayadhammkaha |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, & agam_gyatadharmkatha |
| File Size | 55 MB |