Page Text
________________
चयंति नो असओ वैमाणिया चयंति ?, गंगेया ! सयं एते एवं जाणामि नो असयं असोचा एते एवं जाणामि नो सोचा, सतो नेरइया उववज्जंति नो असओ नेरइया उबवजति जाव सतो वेमाणिया चयंति नो असतो पेमाणिया चयंति से केणट्टेणं भंते! एवं बुवइ तं चैव जाव नो असतो वेमाणिया चयंति ?, गंगेया ! केवली णं पुरच्छिमेणं मियंपि जाणइ अमि यपि जाणइ दाहिणेणं० एवं जहा सगडुद्देसए जाव निच्बुडे नाणे केवलिस्स, से तेणट्टेणं गंगेया! एवं बुच्चइ तं चैव जाव नो असतो वेमाणिया चयंति, सयं भंते! नेरइया नेरइएस उबवज्जति असयं नेरइया नेरइएस उववज्जंति ?, गंगेया सयं नेरइया नेरइएस उपवनंति नो असयं नेरइया नेरइएस उववज्जंति से केणणं भंते! एवं बुम्बइ जाव उववजंति ?, गंगेया ! कम्मोदपूर्ण कम्मगुरुयत्ताए कम्मभारियत्ताए कम्मगुरुसंभारियत्ताए असुभाणं कम्माणं उदएणं असुभाणं कम्माणं विवागेणं असुभाणं कम्माणं फलविवागेणं सयं नेरइया नेरइएस उववजंति नो असयं नेरइया नेरइएस उववज्जंति से तेणद्वेणं गंगेया! जाव उववज्जंति, सयं भंते! असुरकुमारा० पुच्छा, गंगेया! सयं असुरकुमारा जाव उववज्जंति नो असयं असुरकुमारा जाव उबवजंति, से केणद्वेणं तं चैव जाव उववज्जति ?, गंगेया ! कम्मोदएणं (कम्मोवसमेणं पा० ) कम्मचिगतीए कम्मविसोहीए कम्मविसुद्धीए सुभाणं कम्माणं उदरणं सुभाणं कम्माणं वियागेणं सुभाणं कम्माणं फलविवागेणं असुरकुमारा असुरकुमारसाए जाव उवबजंति नो असयं असुरकुमारा असुरकुमारत्ताए उववजंति से तेणद्वेणं जाव उववज्जंति एवं जात्र थणियकुमारा, सयं भंते! पुढवीकाइया० पुच्छा, गंगेया! सयं पुढवीकाइया जाव उववज्जंति नो असयं० जाव उबवजंति से केणट्टेणं भंते! एवं बुचइ जाव उववज्जंति ?, गंगेया! कम्मोदएणं कम्मगुरुयत्ताए कम्मभारियत्ताए कम्मगुरुसंभारियत्ताए सुभासुभाणं कम्माणं उदएणं सुभासुभाणं कम्माणं विवागेणं सुभासुभाणं कम्माणं फलविवागेणं सयं पुढवीकाइया जाव उववजंति नो असयं पुढवीकाइया जाव उववज्वंति से तेणट्टेणं जाव उववज्जंति एवं जाव मणुस्सा, वाणमंतरजोइसिया वेमाणिया जहा असुरकुमारा, से तेणद्वेणं गंगेया ! एवं बुचइ सयं बेमाणिया जाय उववज्जति नो असयं जाव उचचति । ३७७। तप्पभिदं च णं से गंगेये अणगारे समणं भगवं महावीरं पञ्चभिजाणइ सव्यन्नुं सव्यदरिसिं, तए णं से गंगेये अणगारे समणं भगवं महावीरं तिक्खुत्तो आग्राहिणपयाहिणं करेइ ता बंदइ नमसइ त्ता एवं वयासी- इच्छामि णं भंते! तुझं अंतियं चाउज्जामाओ धम्माओ पंचमहव्वइयं एवं जहा कालासवेसियपुत्तो तहेव भाणियव्वं जाच सव्वदुक्खप्पहीणे सेवं भंते! सेवं भंते! । ३७८। गंगेयो समत्तो ॥ श० ९उ० ३२ ॥ तेण कालेनं० माहणकुंडग्गामे नयने होत्था वन्नओ, बहुसालए चेतिए बन्नओ, तत्थ णं माहणकुंडग्गामे नयरे उसभदन्ते नाम माहणे परिवसति अड्डे दित्ते वित्ते जाव अपरिभूए रिउवेदजजुवेदसामवेद अथव्वणवेद जहा खंदओ जाव अन्नेसु य बहुसु बंभन्नएस नएस सुपरिनिट्टिए समणोवासए अभिगयजीवाजीवे उवलदपुण्णपावे जाव अप्पाणं भावेमाणे विहरति, तस्स णं उसभदत्तमाहणस्स देवाणंदा नाम माहणी होत्था, सुकुमालपाणिपाया जाव पियदंसणा सुरूवा समणोवासिया अभिगयजीवाजीवा उवलद्धपुन्नपावा जाव विहरइ, तेणं कालेणं० सामी समोसढे, परिसा जाब पज्जुवासति तए णं से उसभदत्ते माहणे इमीसे कहाए लट्ठे समाणे हट्टजावहियए जेणेव देवाणंदा माहणी तेणेव उवागच्छति सा देवानंद माहणिं एवं वयासी एवं खलु देवाणुप्पिए! समणे भगवं महावीरे आदिगरे जाव सब्वन्नू सव्वदरिसी आगासगएणं चक्केणं जाव सुहंसुहेणं विहरमाणे बहुसालए चेइए अहापडिरूवं जाव विहरति, महाफलं खलु देवापिए! तहारुवाणं अरिहंताणं भगवंताणं नामगोयस्सवि सवणयाए किमंग पुण अभिगमणवंदणनमंसणपडिपुच्छणपज्जुवासणयाए ?, एगस्सवि आयरियस्स धम्मियस्स सुवयणस्स सवणयाए किमंग पुण विउलस्स अट्ठस्स गद्दणयाए ?, तं गच्छामो णं देवाणुप्पिए! समणं भगवं महावीरं वंदामो नम॑सामो जाब पज्जुवासामो, एयणं इहभवे य परभवे य दियाए सुहाए खमाए निस्तेयसाए आणुगामियत्ताए भविस्सइ, तए णं सा देवानंदा माहणी उसमदतेणं माहणेणं एवं वृत्ता समाणी हट्टजावहियया करयलजावकट्टु उसभदत्तस्स माहणस्स एयमहं विणएणं पडिसुणेइ, तए णं से उसभदत्ते माहणे कोटुंबियपुरिसे सदावेइ ता एवं बयासी खिप्पामेव भो देवाणुप्पिया! लहुकरणजुत्तजोइयसमखुरवालिहाणसमलिद्दियसिंगेहिं जंचूणयामयकलाबजुत्तपरिविसिहिं रययामयघंटासुत्तरज्जुयपवरकंचणनत्थपग्गहोग्गाहियएहिं नीटुणटकयामेलएहिं पवरगोणजुवाणएहिं नाणामणिरयणघंटियाजालपरिमयं सुजायजगजोत्तरज्जुयजुगपसत्थसुविरचितनिम्मियं पवरलखणोवधेयं धम्मियं जाणप्पवरं जुत्तामेव उबटुवेह त्ता मम एयमाणत्तियं पचप्पियह, तए णं ते कोटुंबियपुरिसा उसमदत्तेणं माहणेणं एवं वृत्ता समाणा हट्टजावहियया करयल० एवं सामी! तत्ति आणाए विणएणं वयणं जान पडिसृणेत्ता खिप्पामेव लहुकरणजुत्त० जाव धम्मियं जाणप्पवरं जुत्तामेव उववेत्ता जाव तमाणत्तियं पञ्चप्पियंति, तए णं से उसभदते माहणे व्हाए जाव अप्पमहग्घाभरणालंकियसरीरे साओ गिहाओ पडिनिक्समति त्ता जेणेव बाहिरिया उबट्टाणसाला जेणेव धम्मिए जाणप्पवरे तेणेव उवागच्छइ तेणेव उवागच्छित्ता धम्मियं जाणप्पवरं दुरूटे, तए णं सा देवाणंदा माहणी (अंतो अंतेउरंसि २५३ श्रीभगवत्यं सतं.45
मुनि दीपरत्नसागर
| SR No. | 003905 |
| Book Title | Aagam Manjusha 05 Angsuttam Mool 05 Bhagavati |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 248 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 169 MB |