Page Text
________________
दिसिं पाउम्भूया तामेव दिसिं पडिगया, तए णं से ईसाणे देबिंदे देवराया तेर्सि ईसाणकप्पवासीणं बहूणं वैमाणियाणं देवाण य देवीण य अंतिए एयमहं सोचा निसम्म आसुरुते जाव मिसिमिसेमाणे तत्येव सयणिज्जवरगए तिवलियं भिउडिं निडाले साहट्टु बलिचंचारायहाणिं अहे सपक्खि सपडिदिसिं समभिलोएइ, तए णं सा बलिचंचारायहाणी ईसाणेणं देविंदेणं देवरना अहे सपक्खि सपडिदिसिं समभिलोइया समाणी तेणं दिव्वप्यभावेणं इंगालभ्या मुम्मुरभूया छारियभूया तत्तकवेडकभूया तत्तसमजोइभूया जाया यावि होत्या, लए पं ते बलिचंचारायहाणिवत्थब्वया बहवे असुरकुमारा देवा य देवीओ य तं बलिचंचं रायहाणि इंगालभूपं जाव समजोतिन्भूयं पासंति ता भीया तत्था तसिया उच्चग्गा संजायभया सव्वओ समंता आधावेति परिधावति त्ता अन्नमनस्स कार्य समतुरंगेमाणा २ चिट्ठति, तए णं ते बलिचंचारायहाणिवत्थव्वया बहवे असुरकुमारा देवा य देवीओ य ईसाणं देविंद देवरायं परिकुवियं जाणित्ता ईसाणस्स देविंदस्स देवरनो तं दिवं देविढीं दिवं देवज्जुनं दिनं देषाणुभागं दिव्वं तेयलेस्सं असहमाणा सधे सपक्खि सपडिदिसि ठिचा करयलपरिग्गहियं दसनहं सिरसावत्तं मत्थए अंजलिं कट्टु जएणं विजएणं बद्धाविति ता एवं वयासी अहो णं देवाणुप्पिएहिं दिव्वा देविड्ढी जाव अभिसमन्नागता तं दिव्वाणं देवाणुप्पियाणं दिव्या देविड्ढी जाब लदा पत्ता अभिसमन्नागया तं खामेमि णं देवाणुप्पिया ! खमंतु णं देवाणुप्पिया! खमंतुमरिहंतु णं देवाणुप्पिया! णाइ भुज्जो २ एवं करणयाएतिकट्टु एयम सम्म विणएणं भुज्जो २ खार्मेति, तते णं से ईसाणे देविंदे देवराया तेहिं बलिचंचारायहाणीवत्थव्वेहिं बहूहिं असुरकुमारेहिं देवेहिं देवीहि य एयमहं सम्मं विणएणं भुज्जो २ खामिए समाणे तं दिव्वं देविढि जाव तेयलेस्सं पडिसाइरइ, तप्पभितिं च णं गोयमा ! ते बलिचंचारायहाणिवत्थब्वया बहवे असुरकुमारा देवा य देवीओ य ईसाणं देविंद देवराय आढति जाव पज्जुबासंति, ईसाणस्स देविंदस्स देवरन्नो आणाउयवायवयणनिदेसे चिट्ठति, एवं खलु गोयमा ! ईसाणेणं देविदेणं देवरन्ना सा दिव्या देविड्ढी जाव अभिसमन्नागया, ईसाणस्स णं भंते! देविंदस्स देवरन्नो केवतियं कालं ठिती पं० १, गोयमा ! सातिरेगाई दो सागरोक्माई ठिती पं० ईसाणे णं भंते! देविंदे देवराया ताओ देवलोगाओ आउक्खएर्ण जाव कहिं गच्छदिति ? कहिं उववज्जिहिति ?, गों० ! महाविदेहे वासे सिज्झिहिति जाव अंतं काहेति । १३६ । सकस्स णं भंते! देविंदस्स देवरन्नो विमाणेहिंतो ईसाणस्स देविंदस्स देवरन्नो विमाणा ईसिं उच्चयरा चेव ईसि उन्नयतरा चेव ईसाणस्स वा देविंदस्स देवरन्नो विमाणेहिंतो सकस्स देविंदस्स देवरक्षो विमाणा ईसिं णीययरा चेव ईसिं निन्नयरा चेव ?, हंता गोयमा ! सकस्स तं चैव सव्वं नेयव्वं, से केणद्वेणं० १. गोयमा! से जहानामए-करबले सिया देसे उसे देसे उन्नए देसे णीए देसे निचे से तेणट्टेणं गोयमा! सक्कस्स देविंदस्स देवरन्नो जाब ईसि निण्णतरा चेव। १३७। पभू णं भंते! सक्के देविंदे देवराया ईसाणस्स देविंदस्स देवरन्नो अंतियं पाउम्भवित्तए ?, हंता पभू, से णं भंते! किं आढायमाणे पभू अणाढायमाणे पभू?, गोयमा ! आढायमाणे पभू नो अणाढायमाणे पभू, पभू णं भंते! ईसाणे देविदे देवराया सक्कस्स देविंदस्स देवरन्नो अंतियं पाउब्भक्त्तिए ?, हंता पभू, से णं भंते! किं आढायमाणे पभू अणाढायमाणे पभू ?, गोयमा ! आढायमाणेऽवि पभू अणाढायमाणेऽवि पभू, पभू णं भंते! सक्के देविंदे देवराया ईसाणं देविंदं देवरायं सपर्किख सपडिदिसिं समभिलोएत्तए ? जहा पायुब्भवणा तहा दोऽवि आलावगा नेयव्वा, पभू णं भंते! सक्के देविंदे देवराया ईसाणेणं देविंदेणं देवरन्ना सद्धिं आलावं वा संलावं वा करेत्तए ?, हंता पभू जहा पादुब्भवणा, अत्थि णं भंते! तेर्सि सक्कीसाणाणं देविंदाणं देवराईणं किम्बाई करणिजाई समुप्पज्जंति ?, हंता अस्थि से कहमिदाणिं पकरेंति ?, गोयमा! ताहे चेव णं से सके देविंदे देवराया ईसाणस्स देविंदस्स देवरनो अंतियं पाउन्भवति, ईसाणे णं देविंदे देवराया सक्कस्स देविंदस्स देवरायस्स अंतियं पाउन्भवइ, इति भो ! सक्का देबिंदा देवराया दाहिणड्ढलोगाहिवई, इति भो ! ईसाणा देविंदा देवराया उत्तरढलो गाहिवई, इति भो ! इति भो!त्ति ते अन्नमन्नस्स किचाई करणिजाई पचणुब्भवमाणा विहरंति । १३८ । अस्थि णं मंते ! तेसि सक्कीसाणाणं देविंदाणं देवराईणं विवादा समुप्पज्जंति ?, हंता अत्थि, से कहमिदाणिं पकरेंति ?, गोयमा ! ताहे चेव णं ते सक्कीसाणा देविंदा देवरायाणो सणकुमारं देविंदं देवरायं मणसीकरेंति, तए णं से सणकुमारे देविंदे देवराया तेहिं सकीसाणेहिं देविदेहिं देवराईडिं मणसीकए समाणे खिप्पामेव सक्कीसाणाणं देविंदाणं देवराईणं अंतियं पाउन्भवति, जं से वदइ तस्स आणाउववायवयणनिद्देसे चिति । १३९। सर्णकुमारे णं भंते! देविंदे देवराया किं भवसिद्धिए अभवसिद्धिए सम्मदिट्टी मिच्छादिट्टी परित्तसंसारए अनंतसंसारए सुलभबोहिए दुछभवोहिए आराहए विराहए चरिमे अचरिमे ?, गोयमा ! सर्णकुमारे णं देविंदे देवराया भवसिद्धीए नो अभवसिद्धीए, एवं सम्मदिट्टी परित्तसंसारए सुलभबोहिए आराहए चरिमे, पसत्यं नेयब्वं, से केणद्वेणं भंते!०१, गोयमा ! सर्णकुमारे देविंदे देवराया बहूणं समणाणं बहूणं समणीणं बहूणं सावयाणं बहूणं सावियाणं हियकामए सुहकामए पत्थकामए आणुकंपिए निस्सेयसिए हियसुह० निस्सेयसकामए, से तेणद्वेगं गोयमा ! सणकुमारे णं भवसिद्धिए जाव नो अचरिमे, सणकुमारस्स णं भंते! देविंदस्स देवरजो केवतियं कालं ठिती पं० १, गोयमा ! सत्त सागरोवमाणि ठिती पं०, से णं भंते! ताओ देवलोगाओ आउक्खएर्ण जाव कहिं उववज्जिहिति ?, गोयमा ! महाविदेहे वासे सिज्झिहिति जाब अंतं करेहिति, सेवं भंते! सेवं भंते! 'छट्टम मासो (४६) १८४ श्रीभगवत्यं सतं २ मुनि दीपरत्नसागर
| SR No. | 003905 |
| Book Title | Aagam Manjusha 05 Angsuttam Mool 05 Bhagavati |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 248 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 169 MB |