Page Text
________________
२, तए णं से अयंपुले आजीवियोवासए गोमालेणं मंखलिपुत्तेणं इमं एयारूवं वागरणं वागरिए समाणे हट्टे जाब हियए गोसालं मंखलिपुत्तं वंदति पसिणाई पुच्छइ ता अट्ठाई परियादियइ ता उट्टाए उद्वेति त्ता गोसालं मंखलिपुत्तं वंदति जाव पडिगए। तए णं से गोसाले मंखलिपुत्ते अप्पणो मरणं आभोएइ ता आजीविए थेरे सहावेइ त्ता एवं बयासी तुज्झे णं देवाप्पिया! ममं कालगयं जाणेत्ता सुरभिणा गंधोदरणं व्हाणेह त्ता पम्हलसुकुमालाए गंधकासाईए गायाई रहेह ता सरसेणं गोसीसचंदणेणं गायाई अणुलिप त्ता महरिहं हंसलक्खणं पडसाडगं नियंसेह ना सव्यालंकारविभूसियं करेह त्ता पुरिससहस्सवाहिणि सीयं दूरुहेह त्ता सावत्थीए नयरीए सिंघाडगजावपहेसु महया २ सद्देणं उग्घोसेमाणा २ एवं वदह एवं खलु देवाणुप्पिया! गोसाले मंखलिपुत्ते जिणे जिणप्पलाबी जाव जिणसद्द पगासेमाणे विहरित्ता इमीसे ओसप्पिणीए चउवीसाए तित्थयराणं चरिमतित्थयरे सिद्धे जाव सव्वदुक्खप्पहीणे, इढिसक्कारसमुदएणं मम सरीरगस्स णीहरणं करेद्द, तए णं ते आजीविया थेरा गोसालस्स मंखलिपुत्तस्स एयमहं विणएणं पडिसुर्णेति । ५५४। तए णं तस्स गोसालस्स मंखलिपुत्तस्स सत्तरत्तंसि परिणममाणंसि पडिलद्धसम्मत्तस्स अयमेयारूवे अम्भत्थिए जाव समुप्यजित्था णो खलु अहं जिणे जिणप्पलाची जाव जिणसहं पगासेमाणे विहरंति, अहं च णं गोसाले चेव मंखलिपुत्ते समणघायए समणमारए समणपडिणीए आयरियउवज्झायाणं अयसकारए अवन्नकारए अकित्तिकारए बहूहिं असम्भावुभावणाहिं मिच्छत्ताभिनिवेसेहि य अप्पाणं च परं च तदुभयं च बुग्गाहेमाणे वुप्पाएमाणे विहरित्ता सरणं तेएणं अन्नाइट्ठे समाणे अंतो सत्तरत्तस्स पित्तज्जरपरिगयसरीरे दाहवतीए छउमत्थे चेव कालं करेस्सं, समणे भगवं महावीरे, जिणे जिणप्पलाची जाव जिणसहं पगासेमाणे विहरइ, एवं संपेहेति ता आजीविए थेरे सहावेइ त्ता उच्चावयसवह साविए करेति त्ता एवं क्यासीनो खलु अहं जिणे जिणप्पलावी जाव पकासेमाणे विहरन्ति, अहन्नं गोसाले मंखलिपुत्ते समणघायए जाव छउमत्थे चेव कालं करेस्सं, समणे भगवं महावीरे जिणे जिणप्पलावी जाव जिणसद पगासेमाणे विहरह, तं तुझे णं देवाणुप्पिया! ममं कालगयं जाणेत्ता वामे पाए सुंबेणं बंधह ता तिक्खुत्तो मुहे उठ्ठहह त्ता सावत्थीए नगरीए सिंघाडगजावपहेसु आकट्टिविकिडि करेमाणा महया २ सद्देणं उग्घोसेमाणा २ एवं वदह-नो खलु देवाणुप्पिया! गोसाले मंखलिपुत्ते जिणे जिणप्पलावी जाव विहरिए, एस णं गोसाले चेव मंखलिपुत्ते समणघायंए जाव छमत्थे चेव कालगए, समणे भगवं महावीरे जिणे जिणप्पलावी जाव विहरह, महया अणिढीअसकारसमुदएणं ममं सरीरगस्स नीहरणं करेजाह, एवं वदिता कालगए। ५५५ । तए णं आजीविया थेरा गोसालं मंखलिपुत्तं कालगयं जाणित्ता हालाहलाए कुंभकारीए कुंभकारावणस्स दुबाराई पिर्हेति ता हालाहलाए कुंभकारीए कुंभकारावणस्स बहुमज्झदेसभाए सावस्थि नगरिं आलिहंति त्ता गोसालस्स मंखलिपुत्तस्स सरीरगं वामे पादे सुंबेणं बंधंति त्ता तिक्खुत्तो मुहे उट्ठहंति ता सावत्थीए नगरीए सिंग्घाडगंजाबपहेसु आकट्टिविकट्ठि करेमाणा णीयं २ सद्देणं उग्घोसेमाणा २ एवं क्यासीनो खलु देवाणुप्पिया ! गोसाले मंखलिपुत्ते जिणे जिणप्पलाची जाब बिहरिए, एस णं गोसाले चेत्र मंखलिपुत्ते समणघायए जाव छउमत्थे चेव कालगए, सम० भ० महा० जिणे जिणप्प जाव विहरइ. एवं सवहपडिमोक्खणगं करेंति सा दोचंपि पूयासकारथिरीकरणट्टयाए गोसालस्स मंखलिपुत्तस्स वामाओ पादाओ सुंब मुयंति त्ता हालाहलाए कुंभकारीए कुंभकारावणस्स दुवारवयणाई अवगुणंति ता गोसालस्स मंखलिपुत्तस्स सरीरंगं सुरभिणा गंधोदपूर्ण व्हार्णेति तं चैव जात्र महया इढिसक्का • रसमुदएणं गोसालस्स मंखलिपुत्तस्स सरीरगस्स नीहरणं करेंति । ५५६ । तए णं सम० भ० म० अन्नया कदाई सावत्यीओ नगरीओ कोट्टयाओ चेइयाओ पडिनिक्खमति ता वहिया जणवयविहारं विहरइ, तेणं कालेणं० मेंढियगामे नाम नगरं होत्था बनाओ, तस्स णं मॅढियगामस्स नगरस्स बहिया उत्तरपुरच्छिमे दिसीभाए एत्थ णं सालकोइए नाम चेइए होत्था बन्नओ जाव पुढवीसिलापट्टओ, तस्स णं सालकोट्टगस्स चेइयस्स अदूरसामंते एत्थ णं महेंगे मालुयाकच्छए यावि होत्था किण्हे किण्होभासे जाव निकुंबभूए पत्तिए पुष्फिए फलिए हरियगरेरिज्जमाणे सिरीए अतीव २ उसोभेमाणे चिट्ठति, तत्थ णं मँढियगामे नगरे रेवती नामं गाहावइणी परिवसति अड्ढा जाव अपरिभूया, तए णं समणे भगवं महावीरे अनया कदायि पुव्वाणुपुव्वि चरमाणे जाव जेणेव मेंडियगामे नगरे जेणेव साण (ल) कोट्ठे थेइए जाब परिमा पडिगया, तए णं समणस्स भगवओ महावीरस्स सरीरगंसि विपुले रोगाके पाउन्भूए उज्जले जाव दुरहियासे पित्तज्जरपरिगयसरीरे दाहवकतीए यावि विहरति, अवियाई लोहियनचाईपि पकरेइ, चाउच्वन्नं वागरेति एवं खलु समणे भ० महा० गोसालस्स मंखलिपुत्तस्स तवेणं तेएणं अन्नाइडे समाणे अंतो छण्डं मासाणं पित्तज्जरपरिमयसरीरे दाहवकंतीए छउमत्थे चेव कालं करेस्सति, तेणं कालेणं समणस्स भग० महा० अंतेवासी सीहे नाम अणगारे पगइभहए जाव विणीए माझ्याकच्छगस्स अदूरसामंते छछद्वेणं अनिक्खित्तेणं तवोकम्मेणं उड्ढं बाहा जाव विहरति, तए णं तस्स सीहस्स अणगारस्स झाणंतरियाए ववमाणस्स अयमेयारूवे जाव समुप्पज्जित्था एवं खलु ममं धम्मायरियस्स धम्मोवदेसगस्स समणस्स भगवओ महावीरस्स सरीरगंसि चिउले रोगायंके पाउच्भूए उज्जले जाव छउ ३१४ श्रीभगवत्यं तं २५ मुनि दीपरत्नसागर
| SR No. | 003905 |
| Book Title | Aagam Manjusha 05 Angsuttam Mool 05 Bhagavati |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 248 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 169 MB |