Page Text
________________
जोयणसहस्साइं अचाहाए अंतरे पं० छण्डं कम्मपगडीणं आइमउवडिवचाणं सत्तासीई उत्तरपगडीओ पं०, महाहिमवंतकूडस्स णं उवरिमंताओ चरिमंताओ सोगन्धियस्स कंडस्स देहिडे चरमंते एस णं सत्तासीई जोयणसयाई अबाहाए अंतरे पं०, एवं रुप्पिकूडस्सवि । ८७ । एगमेगस्स णं चंदिमसूरियस्स अट्ठासीई अट्टासीई महम्गहा परिवारो पं०, दिट्टिवायरस णं अट्ठासीई सुत्ताई पं० तं० उज्जुसुयं परिणयापरिणयं एवं अट्ठासीई सुत्ताणि भाणियव्वाणि जहा नंदीए, मंदरस्स णं पव्वयस्स पुरच्छिमिलाओ चरमंताओ गोधूमस्स आवासपव्वयस्स पुरच्छिमिले चरमंते एस णं अट्ठासीइं जोयणसहस्साई अवाहाए अंतरे पं०. एवं चउसुविदिसासु नेयव्वं, बाहिराओ उत्तराओ णं कट्टाओ सूरिए पढमं छम्मासं जयमाणे चोयालीसइमे मंडलगते अट्टासीती इगसट्टिभागे मुहुत्तस्स दिवसखेत्तस्स निवृड्ढेत्ता स्यणिखेत्तस्स अभिनिवुइढेत्ता सरिए चारं चरइ, दक्खिणकट्टाओ सूरिए दोचं छम्मासं अयमाणे चोयालीसतिमे मंडलगते अट्टासीई इग़सद्विभागे मुहुत्तस्स रयणिखेत्तस्स निवुझ्ढेत्ता दिवसखेत्तस्स अभिनिवुडिदत्ताणं सूरिए चारं चरइ |८८| उसमे णं अरहा कोसलिए इमीसे ओसप्पिणीए ततीयाए सुसमद्समाए समाए पच्छिमे भागे एगूणणउईए अदमासेहिं सेसेहिं कालगए जाव सब्वदुक्ख प्पहीणे, समणे भगवं महावीरे इमीसे ओसप्पिणीए उत्थाए दूसमसुसमाए समाए पच्छिमे भागे एगुणनउईए अद्धमासेहिं सेसेहिं कालगए जाव सव्वदुक्खप्पहीणे, हरिसेणे णं राया चाउरंतचकवट्टी एगुणनउई वाससयाई महाराया होत्या, संतिस्स णं अरहओ एगुणनउई अज्जासाहस्सीओ उक्कोसिया अजियासंपया होत्था । ८९ । सीयले णं अरहा नउई धणूई उड्ढउच्चत्तेणं होत्या, अजियस्स णं अरहओ नउई गणा नउई गणहरा होत्या. एवं संतिस्सवि. सयंभुस्स णं वासुदेवस्स उइवासाई विजए होत्था, सधेसिं णं वट्टवेयढपच्चयाणं उवरिडाओ सिहरतलाओ सोगंधियकण्डस्स हेडेि चरमंते एस णं नउइजोयणसयाई अबाहाए अंतरे पं० । ९०। एक्काणउई परवेयावच्चकम्मपडिमाओ पं०, कालोए णं समुद्दे एकाणउई जोयणसयसहस्साइं साहियाइं परिक्लेवेणं पं०, कुंथुस्स णं अरहओ एकाणउई आहोहियसया होत्या. आउयगोयवज्जाणं उन्हें कम्मपगडीणं एकाणउई उत्तरपगडीओ पं० ।९१ । बाणउई पडिमाओ पं०, थेरे णं इंदभूती बाणउइवासाई सव्वाउयं पालइत्ता सिद्धे बुद्धे०, मंदरस्स णं पव्वयस्स चहुमज्झदेस भागाओ गोय्भस्स आवासपव्वयस्स पञ्चच्छिमिले चरमंते एस णं बाणउई जोयणसहस्साई अबाहाए अंतरे पं० एवं चउण्हंपि आवासपव्वयाणं । ९२ । चंदप्पहस्स णं अरहओ तेणउई गणा तेणउई गणहरा होत्था, संतिस्स णं अरहओ वेणउई चउदसपुच्विसया होत्था, तेणउईमंडलगते णं सूरिए अतिवक्रमाणे वा निवट्टमाणे वा समं अहोरत्तं विसमं करेइ ।९३। निसहनीलवंतियाओ णं जीवाओ चउणउई जोयणसहस्साइं एकं छप्पन्नं जोयणसयं दोन्नि य एगूणवीसइभागे जोयणस्स आयामेणं पं०, अजियस्स णं अरहओ चउणउई ओहिनाणिसया होत्या । ९४ । सुपासस्स णं अरहजो पंचाणउई गणा पंचाणउई गणहरा होत्या, जम्बुदीवस्स णं दीवस्स चरमंताओ चउद्दिसिं लवणसमुदं पंचाणउई पंचाणउई जोयणसहस्साई ओगाहित्ता चत्तारि महापायालकलसा पं० तं० वलयामुहे केऊए ज्यए ईसरे, लवणसमुदस्स उभओपासंपि पंचाणउयं पंचाणउयं पदेसाओ उच्वेहुस्सेहपरिहाणीए पं० कुंथू णं अरहा पंचाणउई वाससहस्साई परमाउयं पालइत्ता सिद्धे बुद्धे जाव पहीणे, घेरे णं मोरियपुत्ते पंचाणउइवासाई सव्वाउयं पालइत्ता सिद्धे बुद्धे जाबप्पहीणे । ९५ । एगमेगस्स णं रनो चाउरंतचक्कवट्टिस्स छष्णउई छण्णउई गामकोडीओ होत्या, वायुकुमाराणं छण्णउई भवणावाससयसहस्सा पं०, बवहारिए णं दंडे उष्णउई अगुलाई अंगुलमाणेणं. एवं धणू नालिया जुगे अक्खे मुसलेऽवि हु, अग्भितरओ आइमुहुत्ते छण्णउइअंगुलछाए पं० । ९६ । मंदरस्स णं पव्वयस्स पञ्चच्छिमिलाओ चरमंताओ गोथूभस्स णं आवासपव्वयस्स पञ्चच्छिमिले चरमंते एस गं सत्ताणउई जोयणसहस्साई अवाहाए अंतरे पं० एवं चउदिसिंपि, अण्डं कम्मपगडीणं सत्ताणउई कम्मपगडीओ पं० हरिसेणे णं राया चाउरंतचकवट्टी देसूणाई सत्ताणउई वाससयाई अगारमज्झे वसित्ता मुंडे भवित्ताणं जाव पव्वइए। ९७। नंदणवणस्स णं उवरिडाओ चरमंताओ पंडुयवणस्स हेडिले चरमंते एस णं अट्ठाणउइ जोयणसहस्साई अवाहाए अंतरे पं०, मंदरस्य णं पव्वयस्स पचच्छिमिओ चरमंताओ गोधूमस्स आवासपव्वयस्स पुरच्छिमिले चरमंते एस णं अड्डाणउई जोयणसहस्साई अबाहाए अंतरे पं० एवं चउदिसिंपि, दाहिणभरहस्स णं धणुष्पिट्टे अट्टाणउई जोयणसथाई किंचूणाई आयामेण पं०. उत्तराओ कट्टाओ सूरिए पढमं छम्मासं अयमाणे एगूणपन्नासतिमे मण्डलगते अट्टाणउई एकसट्टिभागे मुहुत्तस्स दिवसखेत्तस्स निवृत्ता स्यणिखेत्तस्स अभिनिवुद्धित्ताणं सूरिए चारं चरइ, दक्खिणाओ णं कट्टाओ सूरिए दोघं छम्मासं अयमाणे एगुणपन्नासइमे मंडलगते अद्वाणउई एकसट्टिभाए मुहत्तस्स रयणिखित्तस्स निबुद्धेत्ता दिवसखेत्तस्स अभिनिवुद्धित्ताणं सूरिए चारं चरइ, रेवईपढमजेडाफज्जवसाणाणं एगूणवीसाए नक्खत्ताणं अद्वाणउई ताराओ तारग्गेणं पं० १९८। मंदरे णं पच्चए णवणउई जोयणसहस्साइं उउबत्तेणं पं० नंदणवणस्स णं पुरच्छिमिलाओ चरमंताओ पञ्चच्छिमि चरमंते एस नवनउई जोयणसयाई अबाहाए अंतरे पं० एवं दक्खिणिल्लाओ चरमंताओ उत्तरिते चरमंते एस णं णवणउई जोयणसयाई अबाहाए अंतरे पं०, उत्तरे पढमे सूरियमंडले नवनउई जोयणसहस्साई साइरेगाई आयामविक्खंभेणं पं०, दोचे सूरियमंडले नवनउई जोयणसहस्साइं साहियाई आयामविक्खंभेणं पं०, तइए सूरियमंडले नवनउई जोयणसहस्साइं साहियाइं आयामविक्खंभेणं पं०, इमीसे णं रयणप्पभाए पुढवीए अंजणस्स कंडस्स हेहिलाओ चरमंताओ वाणमंतरभोमेज्जविहाराणं उवरिमंते एस णं नवनउई जोयणसयाई अबाहाए अंतरे पं० । ९९। दसदसमिया णं भिक्खुपडिमा एगेणं राइंदियसतेणं अछट्ठेहिं भिक्खासतेहिं अहासुतं जाव आराहिया यावि भवइ, सयभिसया नक्खत्ते एकसयतारे पं०, सुविही पुप्फदंते णं अरहा एगं धणूसयं उदंउचत्तेणं होत्था, पासे णं अरहा १४९ समवायांगं समयाओ- १००
मुनि दीपरत्नसागर
| SR No. | 003904 |
| Book Title | Aagam Manjusha 04 Angsuttam Mool 04 Samavaao |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 30 |
| Language | Prakrit |
| Classification | Book_Devnagari, Agam, Canon, & agam_samvayang |
| File Size | 21 MB |