Aagam Manjusha 03 Angsuttam Mool 03 Thanam

SR No.: 003903
Original Sutra Author: N/A
Author: Anandsagarsuri, Sagaranandsuri
Publisher: Deepratnasagar
Publication Year: 2012
Total Pages: 62
Language: Prakrit
Classification: Book_Devnagari, Agam, Canon, & agam_sthanang
File Size: 44 MB

Page 48

1
देत्ता भवति पूतासक्कारमणुवहेत्ता भवति इमं सावज्जंति पण्णवेत्ता पडिसेवेत्ता भवति णो जधावादी तथाकारी यावि भवति, सत्तहिं ठाणेहिं केवली जाणेज्जा, तं० णो पाणे अइवाइत्ता भवति जात्र जधावाती तथाकारी यात्रि भवति । ५५० । सत्त मुलगांत्ता पं० तं कासवा गोतमा बच्छा कोच्छा कोसिता मंडवा वासिद्धा, जे कासवा ते सत्तविधा पं० तं०-ते कासवा ते संडेला ते गोडा ते बाला ते मुंजतिणी ते पञ्चपेच्छतिणो (१० पञ्चइणो) ते परिसकण्हा, जे गोयमा ते सत्तविधा पं० [सं० ते गोयमा ते गग्गा ते भारदा ते अंगिरसा ते सक्कराभा ते भक्खराभा ते उदगत्ताभा (प्र० उदन्नाभा), जे वच्छा ते सत्तविधा पं० त० ते वच्छा ते अग्गेया ते मित्तिया ते सामि ( प्र म )लिणो ने सेलतता ते अट्टिसेणा ते वीयकम्हा, जे कोच्छा ते सत्तविधा पं० तं०-ते कोच्छा ते मोग्गलायणा ते पिंगला (प्र० गा ) यणा ते कोडीणा ते मंडलिणो ते हारिता ते सोमया (प्र० सोमलि) जे कोसिआ ते सत्तविधा पं० नं०. ते कोसिता ते कच्चानणा ते सालंकातणा ते गोलिकातणा ते पक्खिकायणा ते अग्निचा ते लोहिच्चा, जे मंडवा ते सत्तविहा पं० तं ते मंडवा ते अरिट्ठा ते समुता ते तेला ते एलावच्चा ते कंडिला (प्र० कडेला) ते खारातणा (प्र० खातणा), जे वासिट्टा ते सत्तविहा पं० वं०- ते वासिद्धा ते उंजायणा ते जारे (प्र० रु) कण्हा ते वग्धावच्चा ते कोडिना ते सण्णी ते पारासरा । ५५१ सत्त मूलनया पं० तं० नेगमे संगहे बवहारे उज्जुमुते सद्दे समभिरूडे एवंभूते । ५५२ । सत्त सरा पं० तं सज्जे रिसभे गंधारे, मज्झिमे पंचमे सरे। धेवते (रेवते पा०) चेव णिसाते, सरा सत्त विवाहिता ॥ ४५ ॥ एएसि णं सत्तष्टं सराणं सत्त सरट्टाणा पं० नं०- सज्जं तु अग्गजिब्भाते, उरेणं रिसभं सरं। कंठुगतेण गंधार, मज्झजिम्मा मज्झिमं ॥ ४६ ॥ णासाए पंचमं ब्रूया, दंतोद्वेण य धेवतं । मुदाणेण य णेसातं, सरठाणा विवाहिता ॥ ४७॥ सन्त सरा जीवनिस्सिता पं० तं० सज्जं रखति मयूरो, कुकुडो रिसहं सरं। हंसो णदति गंधारं मज्झिमं तु गवेलगा ॥ ४८ ॥ अह कुसुमसंभवे काले, कोइला पंचमं सरं । छद्धं च सारसा कोंचा, णिसायं सत्तमं गता ॥ ४९ ॥ सत्त सरा अजीवनिस्सिता पं० तं०-सज्जं खति मुइंगो, गोमुही रिसभं सरं । संखो णदति गंधारं मज्झिमं पुण झाडरी ॥ ५० ॥ चउचलणपतिट्टाणा, गोडिया पंचमं सरं। आडंबरो रेवततं, महाभेरी य सत्तमं ॥ ५१ ॥ एतेसिं णं सत्तसराणं सत्त सरलक्खणा पं० सं०- सज्ज्ञेण लभति वित्ति, कतं च ण विणस्सति । गावो मित्ता य पुत्ता य. णारीणं चेव वहभो ॥ ५२ ॥ रिसभेण उ एसज्यं, सेणावचं धणाणि य वत्थगंधमलंकारं इत्थिओ सयणाणि व ॥ ५३ ॥ गंधारं गीवजुत्तिष्णा, बज्ज वित्ती कलाहिता। भवंति कतिणो पन्ना, जे अने सत्यपारगा ॥ ५४ ॥ मज्झिमसरसंपन्ना, भवंति सुहजीविणो । खायती पीयती देती, मज्झिमं सरमस्सितो ॥ ५५ ॥ पंचमसरसंपना, भवंति पुढवीपती सूरा संगहकत्तारो, अणेगगणणातगा ॥ ५६ ॥ रेवतसरसंपन्ना, भवंति कलहप्पिया साउणिता वग्गुरिया सोयरिया मच्छबंधा ॥५७॥ चंडाला मुहियाऽनेया, जे अने पाचकम्मिणो। गोघातगा य जे चोरा, णिसायं सरमस्सिता ॥५८॥ एतेसिं सत्तण्हं सराणं तओ गामा पण्णत्ता, तं० सज्जगामे मज्झिमगामे गंधारगामे, सज्जगामस्स णं सत्त मुच्छणानो पं० तं० मंगी कोरडीया हरी य रतणी य सारकंता य। छट्टी य सारसी णाम सुद्धसज्जा य सत्तमा ॥ ५९ ॥ मज्झिमगामस्स णं सत्त मुच्छणातो पं० तं०. उत्तरमंदा रयणी, उत्तरा उत्तरासमा। आसोकता य सोवीरा अभिक हवन सत्तमा ॥ ६० ॥ गंधारगामस्स शंसत्त मुच्छणातो पं० तं० गंदी व खुद्दिमा पूरिमा य चउत्थी य सुद्धगंधारा। उत्तरगंधारावि त पंचमिता हवति मुच्छा उ ॥ ६१ ॥ सुतरमायामा सा छुट्टी नियमसो उ णायवा । अह उत्तरायता कोडीमातसा सत्तमी मुच्छा ॥ ६२ ॥ सप्त सराओ कओ संभवति ? गेयस्स का भवति जोणी ? । कतिसमता उसासा ? कति वा गेयस्स आगारा ? ॥६३॥ सत सरा णाभीतो भवति गीतं च रुप(प्र० रुग्ण ) जोणीतं । पादसमा ऊसासा तिन्नि य गेयस्स आगारा ॥ ६४ ॥ आइमिउ आरभंता समुहंता य मज्झगारंमि। अवसाणे तजवितो विन्निय गेयस्स आगारा ॥ ६५ ॥ छद्दोसे अट्ट गुणे तिन्नि य वित्ताई दो य भणितीओ। जाणाहिति सो गाहिइ सुसिक्खिओ रंगमज्झम्मि ॥ ६६॥ भीतं दुतं रहस्सं (उप्पिच्छं पा० ) गायंतो मा त गाहि उत्तालं काकस्सरमणुनासं च होंति गेयस्स छदोसा ॥ ६७ ॥ पुनं १ रतं २ च अलंकियं ३ च वत्तं ४ तहा अविघुद्धं ५। मधुरं ६ सम ७ सुकुमारं ८ अट्ट गुणा होंति गेयस्स ॥ ६८॥ उरकंठसिरपसत्थं च गेजते मउरिभिअपदवद्धं । समतालपडुक्खेवं सत्तसरसीहरं गीयं ॥६९॥ निद्दोसं सारवंतं च, हेउजुत्तमलंकियं । उपणीयं सोवयारं च मियं मधुरमेव य ॥ ७० ॥ सममदसमं चैव सवत्थ विसमं च जं । तिनि वित्तप्पयाराई, चउत्थं नोवलम्भती ॥ ७१ ॥ सकता पागता चेव, दुहा भणितीओ आहिया। सरमंडलंमि गिज्जंते, पसत्था इसिभासिता ॥ ७२ ॥ केसी गावति मधुरं ? केसी गातति खरं च रुक्खं च ? केसी गायति चटरं ? केसि विलंब ? दुतं केसी ? ॥ ७३ ॥ विस्सरं पुण केरिसी ?, सामा गायइ मधुरं काली गाय खरं च रुक्खं च गोरी गावति चउरं काण विलंबं दुतं अंधा ॥ ७४॥ विस्सरं पुण पिंगला ॥ तंतिसमं तालसमं पादसमं लयसमं गहसमं च नीसमि ऊससियसमं संचारसमा सरा सत्त ॥ ७५ ॥ सप्त सरा य ततो गामा, मुच्छणा एकवीसती ताणा एगूणपण्णासा, समत्तं सरमंडलं ॥ ७६ ॥ ५५३ ॥ स्वरप्रकरणं ॥ सत्तविधे कायकिलेसे पं० तं०-ठाणातिते उकुहुयासणिते पडिमठाती वीरासणिते सज्जिते दंडातिते लगडसाती । ५५४। जंबुद्दीचे २ सत्त वासा पं० तं० भरहे एरवते हेमवते हेरन्नवते हरिवासे रम्मगवासे महाविदेहे, जंबुद्दीवे २ सत्त वासहरपक्षता पं० तं० चुहिमवंते महाहिमवंते निसढे नीलवंते रुप्पी सिहरी मंदरे, जंबुद्दीये २ सत्त महानदीओ पुरत्याभिमुहीओ लवणसमुदं समप्र्प्यति, तं०-गंगा रोहिता हरी सीता णरकंता सुवष्णकूला रत्ता, जंबूदीवे २ सत्त महानतीओ पचत्थाभिमुहीओ लवणसमुदं समप्पेंति, तं० - सिंधू रोहितंसा हरिकंता सीतोदा णारीकंता रुष्पकूला रत्तवती, धायइसंडदीवपुरच्छ्रिमद्वेणं सत्त वासा पं० तं०-भरहे जाव महाविदेहे, धायइसंडदीवपुरच्छिमेणं सत्त वासहरपक्षता पं० [सं० चुहिमवंते जाव मंदरे, धायइसंडदीवपुर सत्त महानतीओ पुरच्छाभिमुहीतो कालोयसमुहं समपैति तं गंगा जाव रत्ता, धायइसंडदीवपुरच्छिमद्वेणं सत्त महानतीओ पञ्चत्थाभिमुहीओ लवणसमुदं समप्पेंति, तं०-सिंधू जाव रत्तवती, धायइसंडदीवे पश्ञ्चत्थिमद्वेणं सत्त वासा एवं चेव, णवरं पुरस्थाभिमुहीओ लवणसमुदं समप्र्पति पञ्चत्याभिमुहीओ कालोद सेसं तं चेव, पुक्खरवरदीवटपुरच्छिमदेणं सत्त वासा तहेव, णवरं पुरत्याभिमुहीओ पुक्खरोदं समुदं समप्पैति पञ्चत्थाभिमुहीतो कालोदं समुदं समपैति सेसं तं चैव एवं पञ्चथिमद्धेऽवि, वरं पुरस्थाभिमुहीओ कालोदं समुहं समः पञ्चत्थाभिमुहीओ पुक्खरोदं समप्र्पति, सञ्चत्य वासा वासहरपञ्चता णतीतो य भाणिताणि ॥ ५५५॥ जंबुद्दीवे २ भारहे वाले तीताते उस्स(ओस प्र० ) प्पिणीते सत्त कुलगरा हुत्था, ११८ स्थानांगं ठाui-9
+
मुनि दीपरत्नसागर