Aagam Manjusha 03 Angsuttam Mool 03 Thanam

SR No.: 003903
Original Sutra Author: N/A
Author: Anandsagarsuri, Sagaranandsuri
Publisher: Deepratnasagar
Publication Year: 2012
Total Pages: 62
Language: Prakrit
Classification: Book_Devnagari, Agam, Canon, & agam_sthanang
File Size: 44 MB

Page 23

भवति १ मणुनसंपओगसंपत्ते तस्स अविप्पओगसतिसमण्णागते यावि भवति २ आयंकसंपओगसंपत्ते तस्स विप्पओगसतिसमण्णागए यावि भवति ३ परिजुसितकामभोगसंपओ - संपत्ते तस्स अविप्पओगसतिसमण्णागते यावि भवइ ४, अट्टस्स णं झाणस्स चत्तारि लक्खणा पं० [सं० कंदणता सोतणता तिप्पणता परिदेवणता, रोद्दे झाणे चउविहे पं० तं०हिंसाणुबंधि मोसाणुबंधि तेणाणुबंधि सारक्खणाणुबंधि, रुदस्स णं झाणस्स चत्तारि लक्खणा पं० तं० ओसण्णदोसे बहुदोसे अक्षाण (नाणाविह पा० ) दोसे आमरणंतदोसे, धम्मे झाणे चविहे चउप्पडोयारे (यावयारे पा०) पं० तं० आणाविजते अवायविजते विवागविजते संठाणविजते, धम्मस्स णं झाणस्स चत्तारि लक्खणा पं० तं० आणाई निसारुई सुत्तरुई ओगाढस्ती, धम्मस्स णं झाणस्स चत्तारि आलंबणा पं० [सं० वायणा पंडिपुच्छणा परियहणा अणुप्पेद्दा, धम्मस्स णं झाणस्स चत्तारि अणुप्पेहाओ पं० तं०-एगाणुप्पेहा अणिचाणुपेहा असरणाणुप्पेहा संसाराणुप्पेहा, सुक्के झाणे चउब्विहे चउप्पडोआरे पं० तं० पुहुत्तवितके सवियारी १ एगत्तवितके अवियारी २ सुमकिरिते अणियट्टी ३, समुच्छिनकिरिए अप्पडिवाती ४, सुकस्स णं झाणस्स चत्तारि लक्खणा पं० तं० अवहे असम्मोहे विवेगे विउस्सम्गे, सुकस्स णं झाणस्स चत्तारि आलंबणा पं० तं० खंती मुत्ती महवे अज्जवे, सुकस्स णं झाणस्स चत्तारि अणुप्पेहाओ पं० [सं० अणंतवत्तियाणुप्पेहा विष्परिणामाणुप्पेहा अनुभाणुप्पेहा अवायाणुप्पेहा । २४७। चउब्विहा देवाण ठिती पं० तं० देवे णाममेगे १ देवसिणाते नाममेगे २ देवपुरोहिते नाममेगे ३ देवपज्जलणे नाममेगे ४, चउव्विधे संवासे पं० तं० देवे णाममेगे देवीए सद्धिं संवासं गच्छेज्जा, देवे णाममेगे छवीए सद्धिं संवासं गच्छेजा, छवी णाममेगे देवीए सद्धिं संवासं गच्छेज्जा, छवी णाममेगे छबीते सदि संवासे गच्छेज्जा । २४८ । चत्तारि कसाया पं० तं० कोहकसाए माणकसाए मायाकसाए लोभकसाए, एवं रइयाणं जाव बेमाणियाणं २४, चउपतिट्टिते कोहे पं० तं० आतपट्टिते परपतिट्टिए तदुभयपइट्टिते अपतिट्ठिए, एवं शेरइयाणं जाव वैमाणियाणं २४, एवं जाव लोमे, बेमाणियाणं २४, चउहिं ठाणेहिं कोधुप्पत्ती सिता, तं०-खेत्तं पहुंचा वत्युं पड़च्चा सरीरं पडुच्चा उवहिं पडुब्बा, एवं णेरइयाणं जाव वेमाणियाणं २४, चउब्विधे कोहे पं० तं० अणताणुबंधिकोहे अपश्चक्खाणको पञ्चक्खाणावरणकोहे संजलणकोहे, एवं नेरइयाणं जाव बेमाणियाणं २४, एवं जाव लोभे वेमाणियाणं २४, चउव्विहे कोहे पं० तं० आभोगणिव्यत्तिए अणाभोगणिव्वत्तिते वसंते अणुवसंते, एवं नेरइयाणं जाव वेमाणियाणं २४, एवं जाब लोभे जाव वैमाणियाणं २४ । २४९ । जीवा णं चउहिं ठाणेहिं अट्ट कम्मपगडीओ चिणिसु, तं०- कोहेणं माणेणं मायाए लोभेणं, एवं जाव वैमाणियाणं २४, एवं चिणंति एस दंडओ, एवं चिणिस्संति एस दंडओ, एवमेतेणं तिमि दंडगा, एवं उवचिर्णिसु उवचिणंति उपचिणिस्संति बंधिसु ३ उदीरि ३ वेदसु ३ निज्जरेंसु निज्जरंति निज्जरिस्संति जाब वेमाणियाणं, एवमेकेके पदे तिनि २ दंडगा भाणिया, जाव निज्जरिस्तंति । २५० । चत्तारि पडिमाओ पं० तं० समाहिपडिमा उवहाणपडिमा विवेगपडिमा विउस्सग्गपडिमा चत्तारि पडिमाओ पं० तं० भद्दा सुभदा महाभद्दा सवतोभदा, चत्तारि पडिमातो पं० तं० खुड्डिया मोयपडिमा महलिया मोयपडिमा जवमज्झा वरमज्झा | २५१। चत्तारि अस्थिकाया अजीवकाया पं० तं० धम्मत्थिकाए अधम्मत्थिकाए आगासत्थिकाए पोम्गलत्थिकाए, चत्तारि अस्थिकाया अरूविकाया पं० सं०धम्मत्थिकाए अधम्मत्थिकाए आगासत्थिकाए जीवत्थिकाए। २५२ । चत्तारि फला पं० तं० आमे णामं एगे आममहुरे १ आमे णाममेगे पक्कमहुरे २ पक्के णाममेगे आममहुरे ३ पक्के णाममेगे पकमहुरे ४. एवामेव चत्तारि पुरिसजाता पं० तं० आमे णाममेगे आममहुरफलसमाणे ४। २५३ । चविहे सचे पं० तं० काउज्जुयया भाज्जुयया भावज्जुयया अविसंवायणाजोगे, चउविहे मोसे पं० तं०-कायअणुज्जुयया भासअणुज्जुयया भावअणुज्जुयया विसंवादणाजोगे, चउविहे पणिहाणे पं० तं०-मणपणिहाणे वहपणिहाणे कायपणिहाणे उवकरणपणिहाणे, एवं णेरइयाणं पंचिंदियाणं जाव वैमाणियाणं २४, चउष्विहे सुप्पणिहाणे पं० तं० मणसुप्पणिहाणे जाव उवगरणसुप्पणिहाणे, एवं संजयमणुस्साणऽवि, चउविहे दुष्पणिहाणे पं० तं० मणदुप्पणिहाणे जाव उवकरणदुप्पणिहाणे, एवं पंचिंदियाणं जाव वेमाणियाणं २४ । २५४ । चत्तारि पुरिसजाता पं० तं०-आवातभद्दते णाममेगे णो संवासम १ संवासभद्दए णाममेगे णो आवातमद्दए २ एंगे आवातभद्दतेऽवि संवासभहतेऽवि ३ एगे णो आवायभद्दते नो वा संवासभदए ४ १. चत्तारि पुरिसजाया पं० तं० अप्पणो नाममेगे वज्रं पासति णो परस्स, पुरस्स णाममेगे वज्रं पासति ४, २ चत्तारि पुरिसजाया पं० तं० अप्पणो णाममेगे वज्रं उदीरड णो परस्स ४, ३, अप्पणो नाममेगे वज्रं उवसामेति णो परस्स ४, ४, चत्तारि पुरिसजा, पं० तं० अब्भुट्टेइ नाममेगे णो अब्भुद्वावेति, ५, एवं वंदति णाममेगे णो वंदावेइ ६, एवं सकारेइ ७ सम्माणेति ८ पूएइ ९ वाएड १० पडिपुच्छति (म० पडिच्छइ) ११ पुच्छइ १२ बागरेति १३, सुत्तधरे णामयेंगे णो अत्यधरे अत्यधरे नाममेगे णो सुत्तधरे १४ । २५५ । चमरस्स णं असुरिंदरस असुरकुमाररनो चत्तारि लोगपाला पं० तं०-सोमे जमे वरुणे वेसमणे, एवं बलिस्सवि सोमे जमे वेसमणे वरुणे, घरणस्स कालपाले कोलपाले सेलपाले संखपाले, एवं भूयाणंदस्स चत्तारि कालपाले कोलपाले संखपाले सेलपाले, ९३ स्थानांगं ठाणे- ४
मुनि दीपरत्नसागर