Page Text
________________
भुजो एलम्यत्ताए तमूत्ताए पच्चायंति, एस ठाणे अणारिए अकेवले जाव असवदुक्खपहीणमग्गे एगंतमिच्छे असाहू, एस खलु तबस्स ठाणस्स मिस्सगस्स विभंगे एवमाहिए ॥३५॥ अहावरे पढमस्स ठाणस्स अधम्मपक्वस्स विभंगे एवमाहिज्जइ-इह खलु पाईणं वा ४ संतेगतिया मणुस्सा भवंति गिहत्था महिच्छा महारंभा महापरिग्गद्दा अधम्मिया अधम्माणुया (ण्णा) अधम्मिट्ठा अधम्मक्खाई अधम्मपायजीविणो अधम्मप (वि) लोई अधम्मपलज्जणा अधम्मसीलसमुदायारा अधम्मेणं चेव वित्तिं कप्पेमाणा विहरंति, हण छिंद भिंद विगत्तगा लोहियपाणी चंडा रुदा खुद्दा साहस्सिया उकंचणवंचणमायाणियडिकूडकवडसाइपओगबहुला दुस्सीला दुवया दुष्पडियाणंदा असाहू साओ पाणाइवायाओ अप्पडिविरया जाबजीवाए जाव सवाओ परिग्गहाओ अप्पडिविरया जाबजवाए सवाओ कोहाओ जाव मिच्छादंसणस लाओ अप्पडिविरया, सवाओ पहाणुम्मद्दणवण्णगगंधविलेवण सद्दफरिसरस रूवगंधमालालंकाराओ अप्पडिविरया जावज्जीवाए सङ्घाओ सगडरहजाणजुग्गगिडिथिडिसीयादमाणियामयणासणजाणवाहणभोगभोयणपवित्थरविडीओ अप्पडिविरया जावज्जीवाए सवाओ कयविकयमासद्धमासरूवगसंववहाराओ अप्पडिविरया जावज्जीवाए सवाओ हिरण्णसुवण्णधणधण्णमणिमोत्तियसंखसिलप्पवालाओ अप्पडिविरया जावज्जीवाए सवाओ कूडतुलकूडमाणाओ अप्पडिविरया जावजीवाए सथाओ आरंभसमारंभाओ अप्पडिविरया जावज्जीवाए सवाओ करणकारावणाओ अप्पडिविरया जावज्जीवाए साओ पयणपयाव गाओ अप्पडिविरया जावज्जीवाए सवाओ कुट्टणपिट्टणतज्जणताडणवहबंधपरिकिलेसाओ अप्पडिचिरया जावज्जीवाए, जे आवण्णे तहप्पगारा सावज्जा अबोडिया कम्मता परपाणपरियावणकरा जे अणारिएहिं कांति ततो अप्पडिक्रिया जावजीवाए, से जहाणामए केइ पुरिसे कलममसूरविलमुग्गमासनिष्फावकुलत्थआलिसंदगपलिमंथगमादिएहिं अयते करे मिच्छादंडं पउंजंति एवमेव तहप्पगारे पुरिसजाए तित्तिरवट्टगलावगकवोतकविजलमियमहिसवराहगाहगोह कुम्म सरिसिवमा दिएहिं अयते करे मिच्छादंडं पउंजंति, जाविय से बाहि रिया परिसा भवइ, तंजहा दासेइ वा पेसेइ वा भयएइ वा भाइलेइ वा कम्मकरएइ वा भोगपुरिसेइ वा तेसिंपि य णं अन्नयरंसि वा अहालहुगंसि अवराहंसि सयमेव गरुयं दंडं निवत्तेइ, तंजहा-इमं दंडेह इमं मुंडेह इमं तज्जेह इमं तालेह इमं अंदुयबंधणं करेह इमं नियलबंधणं करेह इमं हड्डिबंधणं करेह इमं चारगबंधणं करेह इमं नियलजुयलसकोइयमोडियं करेह इमं हत्थच्छिन्नयं करेह इमं पायच्छिन्नयं करेह इमं कन्नच्छिण्णयं करेह इमं नकओडसीसमुइच्छिन्नयं करेह वेयगच्छहियं अंगच्छहियं पक्खाफोडियं करेह इमं णयणुप्पाडियं करेह इमं दंसणुष्पाडियं० वसणुप्पडियं० जिग्मुप्पाडियं० ओलंबियं करेह घंसियं करेह घोलियं करेह सूलाइयं करेह सूलाभिन्नयं करेह खारवत्तियं करेह वज्झवत्तियं करेह सीहपुच्छियगं करेह वसभपुच्छियगं करेह दवग्गि (प्र० कडग्गि०) दड्ढयगं० कागणिमंसखावियगं० भत्तपाणनिरुद्धगं० इमं जावज्जीवं वहबंधणं करेह इमं अन्नयरेणं असुभेणं कुमारेणं मारेह, जाविय से अभितरिया परिसा भवइ, तंजदा-मायाइ वा पियाइ वा भायाइ वा भगिणीइ वा भज्जाइ वा पुत्ताइ वा धृताइ वा सुण्डाइ वा, तेसिंपि य णं अन्नयरंसि अहालहूगंसि अबराहंसि सयमेव गरुयं दंडं णिवत्तेइ, सीओदगवियडंसि उच्छोलित्ता भवइ जहा मित्तदोसवत्तिए जाब अहिए परंसि लोगंसि, ते दुक्खंति सोयंति जूरंति तिष्यंति पिति परितप्पंति ते दुक्खण सोयणजूरणतिप्पणपिट्टणपरितप्पणवहबंधणपरिकिलेसाओ अपडिविरया भवंति एवमेव ते इत्थिकामेहिं मुच्छिया गिदा गढिया अज्झोववन्ना जाव वासाइं चउपंचमाई छद्दसमाई वा अप्पतरो वा भुजतरो वा कालं भुंजित्तु भोगभोगाई पविमुद्दत्ता वेरायतणाई संचिणित्ता बहूई पावाई कम्माई. उस्सचाई संभारकडेण कम्मणा से जहाणामए अयगोलेइ वा सेटगोलेइ वा उदगंसि पक्खित्ते समाणे उद्गतलमइवइत्ता आहे धरणितलपट्टाणे भवइ एवमेव तहष्पगारे पुरिसजाते क्लबहुले धूतबहुले पंकबहुले वेरबहुले अप्पत्तियबहुले दंभबहुले णियडिबहुले साइबहुले अयसबहुले उत्सन्नतसपाणघाती कालमासे कालं किया धरणितलमइवइत्ता आहे णरगतलपट्टाणे भवइ ॥ ३६ ॥ ते णं णरगा अंतो वट्टा चाहिं चउरंसा अहे खुरप्पसंठाणसंठिया णिचंधकारतमसा (णिबंधतमसा पा०) ववगयगहचंदसूरनक्खत्तजोइसप्पहा मेदवसामंसरुहिरपूयपडलचिक्खिडलित्ताशुठेवणतला असुई बीसा परमदुब्भिगंधा कहा अगणिवन्नाभा कक्खडफासा दुरद्दियासा असुभा णरगा असुभा णरएस वेयणाओ, णो चेव णरएस नेरइया विद्यायंति वा पयलायंवि वा सुई वा रतिं वा घिर्ति वा मतिं या उवलभंते, ते णं तत्थ उज्जलं विउलं पगाढं कडुयं ककसं चंडं दुक्खं दुग्गं तिनं दुरहियासं णेरइया वेयणं पञ्चणुभवमाणा विहरंति ॥ ३७ ॥ से जहाणामए रुक्खे सिया पचयग्गे जाए मूले छिने अग्गे गरुए जओ णिणं जओ विसमं जओ दुग्गं तओ पवडति एवामेव तहप्पगारे पुरिसजाए गन्मातो गन्धं जम्मातो जम्मं माराओ मारं परगाओ णरगं दुक्खाओ दुक्खं दाहिणगामिए रइए कण्हपक्खिए आगमिस्साणं दुछभबोहिए यावि भवइ, एस ठाणे अणारिए अकेवले जाव असवदुक्खपहीणमग्गे एगंतमिच्छे असाहू, पढमस्स अधम्मपक्खस्स विभंगे एवमाहिए ॥३८॥ अहावरे दोचस्स ठाणस्स धम्मपक्खस्स विभंगे एवमाहिज्जइ-इह खलु पाइणं वा ४ संतेगतिया मणुस्सा भवंति, तंजहा अणारंभा अपरिग्गहा धम्मिया धम्माणुया धम्मिट्ठा जाव धम्मेणं चैव वित्तिं कप्पेमाणा विहरंति, सुसीला सुइया सुप्पडियाणंदा सुसाहू सङ्घतो पाणातिवायाओ पडिविरया जावजीवाए जाव जे यावचे तहप्पगारा सावज्जा (१५) ६० सूत्रकृतांगं असणं-र मुनि दीपरत्नसागर
|
| SR No. | 003902 |
| Book Title | Aagam Manjusha 02 Angsuttam Mool 02 Suyagado |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 39 |
| Language | Prakrit |
| Classification | Book_Devnagari, Agam, Canon, & agam_sutrakritang |
| File Size | 28 MB |