Page Text
________________
SHCHOPOMISHRASPRASHRIMARSHASHTRIASPIRMASPORACTIONSPORHASPIRNGHORAEFERANSPIROMCIPECARBIPEESHARE
अण्णेणवि अगणिकाएणं सस्साई झामावेइ अगणिकाएक सस्साई झामतंपि अन्न समणुजाणइ इति से महया पावकम्मेहिं अत्ताणं उपक्खाइत्ता भवइ, से एगइओ केणइ आयाणेणं विरुद्ध समाणे अदुवा खलदाणेणं अदुवा सुरायालएणं गाहावतीण वा गाहावइपुत्ताण वा उडाण वा गोणाण वा घोडगाण वा गद्दभाण वा सयमेव घराओ कप्पेति अनेणवि कप्पावेति कप्पंतपि अन्नं समणुजाणइ इति स महया जाव भवइ, से एगइओ केणइ आयाणेणं विरुद्ध समाणे अदुवा खलदाणेण अदुवा सुराधालएणं गाहावतीण वा गाहावइपुत्ताण वा उसालाओवा गोणसालाओ वा घोडगसालाओ वा गद्दभसालाओ वा फंटकबोंदियाए पडिपेहित्ता सयमेव अगणिकाएणं झामेइ अनेणवि सामावेह झामतंपि अन्नं समणुजाणइ इति से महया जाय भवइ, से एगइओ केणइ आयाणेणं विरुद्धे समाणे अदुवा खलदाणेणं अदुवा सुराधालएणं गाहावतीण वा गाहावइपुत्ताण वा कुंडलं बा (प्र० गुणं वा) मणिं वा मोत्तियं वा सयमेव अवहरइ अन्नेणवि अवहरावइ अवहरंतपि अन्नं समणुजाणइ इति से महया जाय भवइ, से एगइओं केणइवि आदाणेणं विरुद्ध समाणे अदुवा खलदाणेणं अदुवा सुरायालणं समणाण वा माहणाण वा छत्तगं वा दंडगं वा भंडगं बा मत्तगं वा लडिं वा भिसिगं वा चेलागं वा चिलिमिलिगं वा चम्मयं वा छेयणगं वा चम्मकोसियं वा सयमेव अवहरति जाव समणुजाणइ इति से महया जाव उवक्खाइत्ता भवइ, से एगइओ णो वितिंगिछइ तं०-गाहावतीण वा गाहावइपुत्ताण वा सयमेव अगणिकाएणं ओसहीओ झामेइ जाव अन्नंपिझामतं समणुजाणइ इति से महया जाव उवक्खाइत्ता भवति, सएगइआणी वितिगिछइ.त०-गाहावताण वा गाहावइपुत्ताण वा उहाण वा गाणाण वा कप्पेड अन्नेणवि कप्पाचेति अन्नपि कप्पतं समणजाणइ०,से एगइओ णो वितिगिंछइतं०-गाहावतीण वा गाहावइपत्ताण वा अट्टसालाओवा जाव गद्दभसालाओ वा पडिपेहित्ता सयमेव अगणिकाएणं झामेइ जाव समणुजाणइ०, से एगइओ णो वितिगिंछइ, तं०-गाहावतीण वा गाहावइपुत्ताण वा जाव मोत्तियंवा सयमेव अवहरइ जाव समणुजाणइ०, से एगइओ णो विविगिंछइ तं०-समणाण वा माद्दणाण वा छत्तगं वा दंडगं वा जाव चम्मच्छेदणगं वा सयमेव अवहरइ जाव समणुजाणइ इति से महया जाव उवक्वाइत्ता भवइ, से एगइओ समणं वा माहणं वा दिस्सा णाणाविहेहिं पावकम्मेहि अत्ताणं उवक्खाइत्ता भवइ, अदुवा णं अच्छराए आफालित्ता भवइ, अदुवा णं फस्सं वदित्ता भवइ, कालेणवि से अणुपविट्ठस्स असणं वा पाणं वा जाव णो दवावेत्ता भवइ,जे इमे भवन्ति वोनमंता भारकंता अलसगा वसलगा किवणगा समणगा पवयंति ते इणमेव जीवितं धिज्जीवितं संपडिबृहेंति, नाइते परलोगस्स अट्टाए किंचिवि सिलीसंति, ते दुक्खंति ते सोयंति ते जूरंति ते तिप्पति ते पिट्टति ते परितप्पति ते दुक्खणजूरणसोयणतिप्पणपिट्टणपरितिप्पणवहबंधणपरिकिलेसाओ अप्पडिविरया भवति, ते महया आरंभेणं ते महया समारंभेणं ते मया आरंभसमारंभेणं विरूवरूवेहिं पावकम्मकिच्चेहि उरालाई माणुस्सगाई भोगभोगाई भुंजित्तारो भवंति, तंजहा-अन्नं अन्नकाले पाणं पाणकाले वत्थं वत्थकाले लेणं लेणकाले सयणं सयणकाले सपुवावरं च णं ण्हाए कयचलिकम्मे कयकोउयमंगलपायच्छित्ते सिरसा म्हाए कंठेमालाकडे आविद्धमणिसुवन्ने कप्पियमालामउली पडिबद्धसरीरे वग्धारियसोणिसुत्तगमल्लदामकलाचे अहतवत्वपरिहिए चंदणोक्वित्तगायसरीरे महतिमहालियाए कूडागारसालाए महतिमहालयंसि सीहासणंसि इत्यागुम्मसंपरिखुढे सचराइएणं जोइणा झियायमाणेणं महयाऽऽहयागीयवाइयतीतलतालतुडियघणमुईगपडुपवाइयरवेणं उरालाई माणुस्सगाई मोगभोगाइं जमाणे विहरइ. तस्स णं एगवि आणवेमाणस्स जाव चत्तारि पंच जणा अबुत्ता चेव अब्भुट्टति, भणह देवाणुप्पिया! किं करेमो? किं आइरेमो? किं उवणेमो? किं आचिट्ठामो ! कि भे हियइच्छिय ? किं भे आसगस्स सयइ ?, तमेव पासित्ता अणारिया एवं वयंति-देरे खलु अयं पुरिसे, देवसिणाए खलु अयं पुरिसे, देवजीवणिज्जे खलु अयं पुरिसे, अन्नेवि यणं उवजीवंति, तमेव पासित्ता आरिया वयंति-अभिकंतकूरकम्मे खलु अयं पुरिसे अतिधुन्ने अइयायरक्खे दाहिणगामिए नेरइए कण्हपक्खिए आगमिस्साणं दुल्लहबोहियाए यावि भविस्सइ, इचेयस्स ठाणस्स उहिया वेगे अभिगिजांति अणुट्ठिया येगे अभिगिझंति अभिझंझाउरा अभिगिज्झति, एस ठाणे अणारिए अकेवले अप्पडिपुन्ने अणेयाउए असंसुद्ध असालगनणे असिद्धिमग्गे अमत्तिमग्गे अनिपाणमग्गे अणिजाणमम्गे असवदुक्खपहीणमम्गे एगतमिच्छे असाह एस खल पढमस्स ठाणस्स अधम्मपकखस्स विभंगे एबमाहिए॥३३॥ अहावरे दोबस्स ठाणस्स धम्मपक्खस्स विभंगे एवमाहिजइ, इह खलु पाईणं वा पडीणं वा उदीणं वा दाहिणं वा संतेगइया मणुस्सा भवंति, तंजहा-आयरिया बेगे अणारिया वेगे उचागोया बेगे णीयागोया येगे कायमंता वेगे रहस्समंता बेगे सुवचा वेगे दुवचा वेगे सुरूवा वेगे दुरूवा वेगे, तेसि चणं खेत्तवत्थणि परिग्गहियाई भवंति, एसो आलावगो जहा पोंडरीए तहा
तयो तेणेव अभिलावेण जाव सदोवसंता सत्ताए परिनियुडेत्तिवेमि, एस ठाणे आरिए केवले जाव सबदुक्खप्पहीणमग्गे एगंतसम्मे साहू, दोचस्स ठाणस्स धम्मपक्खस्स विभंगे एवमाहिए ॥३४॥ अहावरे तबस्स ठाणस्स मिस्सगस्स विभंगे एवमाहिजइ, जे इमे भवंति आरण्णिया आवसहिया गामणियंतिया कण्हईरहस्सिता जाव ते तओ विष्पमुचमाणा ५९ सूत्रस्तांग-न्याय-२
मुनि दीपरत्नसागर
SPEMISPIRVASHIATRIPIERSPESARIHASEEMASPBASSPONSISRHIGHCHAOPENISPEAREP642978MBHISARIYA8%8418
| SR No. | 003902 |
| Book Title | Aagam Manjusha 02 Angsuttam Mool 02 Suyagado |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 39 |
| Language | Prakrit |
| Classification | Book_Devnagari, Agam, Canon, & agam_sutrakritang |
| File Size | 28 MB |