Page Text
________________
पुत्रो जं तहप्पगारे सा० नो ठाणं वा ३ वेइज्जा । २९१। आयाणमेयं भिक्खुस्स गाहावईहिं सद्धिं संवसमाणस्स, इह खलु गाहावई अप्पणो सट्टाए अगणिकार्य उज्जालिज्जा वा पज्जालिज्जा वा विज्झविज्ज वा अह भिक्खू उच्चावयं मण नियंडिज्जा एए खलु अगणिकार्य उ० वा मा वा उ० पज्जालितु वा मा वा प० विज्झबिंतु वा मा वा वि०, अह भिक्खुणं पु० जं तहपगारे उ० नो ठाणं वा ३ चेइज्जा । २९२ । आयाणमेयं भिक्म्स्स गाहावईहिं सद्धि संवसमाणस्स. इह खलु गाहावइस्स कुंडले वा गुणे वा मणी वा मुत्तिए वा हिरण्णेसु वा सुवण्णेसु वा कडगाणि वा तुडियाणि वा तिसराणि वा पालंवाणि वा हारे वा अद्धहारे वा एंगावली वा कणगावली वा मुत्तावली वा रयणावली वा तरुणीयं वा कुमारिं अलंकियविभूसियं पेहाए, अह भिक्खू उच्चाव एरिसिया वा सा नो वा एरिसिया इय वा णं श्रूया इय वा णं मणं साइज्जा, अह भिक्खूणं पु० ४ जं तदप्पगारे उवस्सए नो ठा० । २९३ । आयाणमेयं भिक्खुस् गाहावईहिंसदि संवसमाणस्स, इह खलु गाहाबइणीओ वा गाहावइधूयाओ वा गा०सुण्हाओ वा गा०धाईओ वा गा०दासीओ वा गा० कम्मकरीओ वा तासिं च णं एवं वृत्तपुत्रं भवइ जे इमे भवंति समणा भगवंतो जाव उवरया मेहुणाओ धम्माओ, नो खलु एएसि कप्पइ मेहुणधम्मं परियारणाए आउट्टित्तए, जा य खलु एएहिं सद्धिं मेहुणधम्मं परियारणाए आउट्टाविज्जा पुत्तं खलु सा लभिजा उयस्सि तेयस्सि वचस्सि जसस्सि संपराइयं आलोयणदरसणिज्जं एयप्पगारं निग्घोसं सुच्चा निसम्म तासिं च णं अन्नयरी सड्डी तं तवस्सि भिक्खु मेहुणधम्मपडियारणाए आउट्टाविज्जा, अह भिक्खुणं पु० जं तहप्पगारे सा० उ० नो ठा० ३ बेइज्जा, एवं खलु तस्सः । २९४ ॥ अ० २४० १ ॥ गाहावई नामेगे सुइसमायारा भवंति से भिक्खू य असिणाणए मायसमायारे से तगंधे दुग्गंधे पडिकूले पडिलोमे यावि भवइ, जं पुढं कम्मं तं पच्छा कम्मं जं पच्छा कम्मं तं पुरे कम्मं तं भिक्खुपडियाए वट्टमाणा करिज्जा वा नो करिना वा. अह भिक्खूणं पु० जं तहप्पगारे उ० नो ठाणं० । २९५ । आयाणमेयं भिक्खुस्स गाहावईहिं सद्धिं सं० इह खलु गाहावइस्स अप्पणो सयद्वाए विरूवरूले भोयणजाए उबक्खडिए सिया अह पच्छा भिक्खुपडियाए असणं वा ४ उबक्सडिज वा उवकरिज्ज वा तं च भिक्खू अभिकंखिजा भुत्तए वा पायए वा वियट्टित्तए वा. अह भि० जं नो तह० । २९६ । आयाणमेयं भिक्स्स्स गाहावइणा सद्धिं संवः इह खलु गाहावइम्स अप्पणो सट्टाए विवाई दारुयाई भिन्नपुवाई भवंति अह पच्छा भिक्खुपडियाए विरूवरूबाई दारुयाई मिंदिज वा किणिज्ज वा पामिचेज वा दारुणा वा दारुपरिणामं कट्टु अगणिकार्य उ० प० तत्थ भिक्खु अभिकंखिजा आयावित्तए वा पयावित्तए वा वियट्टित्तएवा, अह भिक्खू जं नो तहप्पगारे० १२९७ से भिक्खू वा उच्चारपासवणेण उच्चाहिजमाणे राओ या बियाले वा गाहावइकुलस्स दुबारबाहं अवंगुणिज्जा, तेणे य तस्संधिचारी अणुपविसिज्जा तस्स भिक्खुस्स नो कप्पड़ एवं इत्तए अयं तेणो पविसइ णो वा पविसइ उवलियइ वा नो वा० आवयद वा नो वा० वयइ वा नो वा० तेण हडं अन्नेण हवं तस्स हढं अन्नस्स हटं अयं तेणे अयं उवचरए अयं हंता अयं इत्थमकासी, तं तबस्स भिक्खु अतेणं तेति मंकइ, अह भिक्खूर्ण पु० जाव नो ठा० । २९८ । से भिक्खु वा से जं० तणपुंजेसु वा पलालपुंजेसु वा सअंडे जाव ससंताणए तहप्पगारे उ० नो ठाणं वा ३ से भिक्खू वा से जं० तणपुं० [पलाल अपडे जान बेइज्जा । २९९ । मे आगंतारेसु वा आरामागारेसु वा गाहावइकुलेसु वा परियावसहेसु वा अभिक्खणं साहम्मिएहिं उपयमाणेहिं नो उवइज्जा । ३०० से आगंतारेसु वा ४ जे भयंतारो उडुवद्धियं वा वासावासिय वा कप्पं उवाइणित्ता तत्येव भुजो मंवसंति, अयमाउसो ! कालाइकंतकिरियावि भवति । ३०१। से आगंतारेसु वा ४ जे भयंतारो उद्द० वासा० कप्पं उबाइणावित्ता तं दुगुणा दु (ति) गुणेण वा अपरिहरित्ता तत्थेव भुज्जो, अयमाउसो! उबट्टाणकि० । ३०२ । इह खलु पाईणं वा ४ संतेगइया सड्ढा भवति, तंजहा गाहावई वा जाव कम्मकरीओ वा तेसिं च णं आयारगोयरे नो सुनिसंते भवइ, तं सदहमाणेहिं पत्तियमाणेहिं रोयमाणेहिं बहवे समणमाहणअतिहिकिवणवणीमए समुद्दिस्स तत्थ २ अगारीहि अगाराई बेइयाई भवति, तंजहा आएसणाणि वा आयतणाणि वा देवकुलाणि वा सहाओ वा पवाणि वा पणियगिहाणि वा पणियसालाओ वा जाणगिहाणि वा जाणसालाओ वा सुहाकम्मंताणि वा दम्भकम्मताणि वा के वकयक (प्र० गुलकं० ) इंगालकम्मं० कट्टक० (प्र० वणक०) सुसाणक० सुष्णागारगिरिकंदरसंतिसेोवद्वाणकम्मंताणि वा भवणगिहाणि वा, जे भयंतारो तहष्पगाराई आएसणाणि वा जाव गिहाणि वा तेहि उवयमाणेहिं उपयंति अयमाउसो ! अभिकंतकिरिया यात्रि भवइ । ३०३। इह खलु पाईणं वा जाव रोयमाणेहिं बहवे समणमाहणअतिहिकिवणवणिमए समुद्दिस्स तत्थ तत्थ अगारिहिं आगाराई बेइयाई भवति, तंत्र आएसणाणि जाव भवणगिहाणि वा, जे भयंतारो तह० आएसणाणि जाव गिहाणि वा तेहिं अणोवयमाणेहिं उपयंति अयमाउसो ! अणभितकिरिया यावि भवइ । ३०४ । इह खलु पाई वा ४ जाव कम्मकरीओ या, तेसिं च णं एवं पुत्रं भवइ-जे इमे भवति समणा भगवंतो जाव उवरया मेहुणाओ धम्माओ, नो खलु एएसि भयंताराणं कप्पइ आहाकम्मिए उवस्सए बत्थए, से जाणिमाणि अम्हं अप्पणो सट्टाए चेइयाई भवति, तं० आएसणाणि वा जाव गिहाणि वा, सवाणि नाणि समाणं निसिरामो, अवियाई वयं पच्छा अप्पणो सट्टाए बेइस्सामो तं० आएसणाणि वा जाव०, एयप्पमारं निग्धोस सुब्बा निसम्म जे भयंतारो तहप्प आएसणाणि वा जाव मिहाणि वा उपागच्छति इयराइयरेहिं पाहुडेहिं ति अथमाउसो वजकिरिया यावि भव । ३०५ । इह खलु पाईणं वा ४ संतेगइआ सड्ढा भवति, तेसिं च णं आयारगोयरे जाव तं रोयमाणेहिं बहवे समणमाहण जाव वणीमगे पगणिय २ समुद्दिस्स तत्थ २ अगारीहि अगाराई चेयाई भवति तं आएसणाणि वा जाव गिहाणि वा. जे भयंतारी तहप्पगाराई आएसणाणि वा जाव गिहाणि वा उवागच्छति इयराइयरेहिं पाहुडेहिं अयमाउसो महावज्जकिरिया यावि भवइ । ३०६ इह खलु पाईणं वा ४ संतेगइया जाच तं सदहमाणेहिं तं पत्तियमाणेहिं तं रोयमाणेहिं बहवे समणमाहणअतिहिकिवणवणीमगे पगणिय २ समुद्दिस्त तत्थ २ अगाराई वेइयाई भवति तं० आएसणाणि वा जाय भवणगिहाणि वा. जे भयंतारी तहप्पगाराणि आसणाणि वा जाव भवणगिहाणि वा उवागच्छति इयराइयरेहिं पाहुडेहिं०, अयमाउसो! सावजकिरिया यावि भवइ । ३०७ । इह खलु पाईणं या ४ जाब तं रोयमाणेहिं एवं समणजायं समुहिस्स तत्थ २ अगारीहिं अगाराई चेइयाई भवन्ति तंत्र आएसणाणि जाव गिहाणि वा महया पुढविकायसमारंभेणं जाव महया तसकायसमारंभेणं महया विरूवरूवेहिं पावकम्मकिचेहिं, तंजहा छायणओ लेवणओ संधारदुवारपिहणओ सीओए वा परबियपुत्रे भवइ अगणिकाए वा उज्जालियपुत्रं भवइ जे भयंतारी तह आएसणाणि वा उवागच्छंति इयराइयरेहिं पाहुडेहिं दुक्ख ते कम्मं सेवंति, अयमाउसो ! महासावज्जकिरिया यावि भवइ । ३०८। इह खलु पाईणं वा० रोयमाणेहिं (५) २० आचारांग असणं-२
०
मुनि दीपरत्नसागर
M
| SR No. | 003901 |
| Book Title | Aagam Manjusha 01 Angsuttam Mool 01 Aayaro |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 38 |
| Language | Prakrit |
| Classification | Book_Devnagari, Agam, Canon, & agam_acharang |
| File Size | 30 MB |