Page Text
________________
“४ सयं वा णं जाइज्जा परो वा से दिजा फासूयं पडिगाहिज्जा पढमा पिंडेसणा १ ॥ अहावरा दुच्चा पिंडेसणा-संसट्टे हत्थे संसट्टे मत्ते, तहेव दुच्चा पिंडेसणा २॥ अहावरा तथा पिंडेसणा-इह खलु पाईणं वा ४ संतेगइया सड्डा भवति गाहावई वा जावकम्मकरी वा तेसि च णं अनयरेसु विरूवरूवेसु भायण जाएस उपनिक्खित्तपुढे सिया, तंजहा थालंसि वा पिढरंसि वा सरगंसि वा परगंसि वा वरगंसि वा, अह पुणेवं जाणिज्जा असंसट्टे हत्थे संसट्टे मत्ते, संसट्टे वा हत्थे असंसट्टे मत्ते, से य पडिग्गहधारी सिया पाणिपडिग्गहिए वा, से पुवामेव० आउसोत्ति वा ! एएण तुमं असंसट्टेण हत्येण संसद्वेण मत्तेण संसद्वेण वा हत्थेण असंसट्टेण मत्तेण अस्सि पडिग्गहगंसि वा पाणिसि वा निहद्दु उचित्तु दलयाहि, तहप्पगारं भोयणजायं सयं वाणं जाइज्जा २ फासूयं पडिगाद्दिजा, तईया पिंडेसणा ३॥ अहावरा चउत्था पिंडेसणा-से भिक्खू वा से जं० पिहूयं वा जाव चाउलपलं वा अस्सि खलु पडिग्गाहियंसि अप्पे पच्छाकम्मे अप्पे पज्जबजाए, तहप्पगारं पिहूयं वा जाब चाउलपलंबं वा सयं वा णं जाव पडि, चउत्था पिंडेसणा ४॥ अहावरा पंचमा पिंडेसणा-से भिक्खू वा २ उग्गहियमेव भोयणजायं जाणिज्जा, तंजहा- सरावंसि वा डिंडिमंसि वा कोसगंसि वा, अह पुणेवं जाणिज्जा बहुपरियावन्ने पाणीसु दगलेवे, तहप्पगारं असणं वा ४ सयं० जाव पडिगाहि०, पंचमा पिंडेसणा ५॥ अहावरा छट्टा पिंडेसणा-से भिक्खू वा २ पग्गहियमेव भोयणजायं जाणेज्जा, जं च सबट्टाए पग्गहियं, जं च परद्वाए परगहियं तं पायपरियावनं तं पाणिपरियावनं फासूयं पडि छट्टा पिंडेसणा ६॥ अहावरा सत्तमा पिंडेसणा-से भिक्खू वा बहुउज्झियधम्मियं भोयणजायं जाणिज्जा, जं चन्ने बहवे दुपयचउप्पयसमणमाहण अतिहिकिवणवणीमगा नावकंवंति तहप्पगारं उज्झियधम्मियं भोयणजायं सयं वा णं जाइज्जा परो वा से दिज्जा जाब पडि, सत्तमा पिंडेसणा ॥ इचेयाओ सत्त पिंडेसणाओं, अहावराओ सत्त पाणेसणाओ, तत्थ खलु इमा पढमा पाणेसणा-असंसट्टे हत्थे असंसट्टे मत्ते, तं चैव भाणियव्वं, नवरं चउत्थाए नाणत्तं से भिक्खू वा से जं पुण पाणगजायं जाणिजा, तंजहा-तिलोदगं वा ६, अस्सि खलु पडिग्गाहियंसि अप्पे पच्छाकम्मे तहेव पडिग्गाहिज्जा । २८५ । इचेयासि सत्तण्डं पिंडेसणाणं सत्तण्डं पाणेसणाणं अन्नयरं पडिमं पडिवजमाणे नो एवं वइज्जा-मिच्छापडिया खलु एए भयंतारो अहमेगे सम्मं पडिवण्णे, जे एए भयंतारो एयाओ पडिमाओ पडिवजित्ताणं विहति जो य अहमंसि एवं पडिमं पडिवजित्ताणं विहरामि सवेऽचि ते उ जिणाणाए उवडिया अनुनसमाहीए एवं च णं विहति, एवं खलु तस्स भिक्खुस्स वा सामग्गियं । २८६ ॥ उ० ११ पिण्डेपणाध्ययनम् १ ॥ से भिक्खू वा० अभिकंखिजा उवस्मयं एसित्तए अणुपविसित्ता गामं वा जाव रायहाणि वा, से जं पुण उवस्मयं जाणिजा सअंडं जाव ससंताणयं तहप्पगारे उवस्सए नो ठाणं वा सिजं वा निसीहियं वा चेइज्जा ॥ से भिक्खू वा से जं पुण उवस्सयं जाणिजा अप्पंडं जाव अप्पसंताणयं तहष्पगारे उपस्सए पडिलेहित्ता पमज्जित्ता तओ संजयामेव ठाणं वा ३ चेइज्जा ॥ से जं पुण उवस्सयं जाणिज्जा अस्सिपडियाए एवं साहम्मियं समुद्दिस्स पाणाई ४ समारम्भ समुदिस्स कीयं पामिचं अच्छिनं अणिस अभिहडं आहहु चेइए, तहप्पगारे उवस्सए पुरिसंतरकडे वा जात्र अणासेविए वा नो ठाणं वा ३ बेइज्जा एवं बहवे साहम्मिया एवं साहम्मिणि बहवे साहम्मिणीओ ॥ से भिक्खू वा० से जंपुण उ० बहवे समण० वणीमए पगणिय २ समुद्दिस्स तं चैव भाणियां ॥ से भिक्खूं वा० से जं० बहवे समण० समुद्दिस्स पाणाई ४ जाव चेतिए, तहप्पगारे उवस्सए अपुरिसंतरकडे जाव अणासेविए नो ठाणं वा ३ चेइज्जा, अह पुणेवं जाणिज्जा पुरिसंतरकडे जाब सेविए पडिलेहिना २ तओ संजयामेव चेइज्जा ॥ से भिक्खू वा० से पुण० अस्संजए भिक्खुपडियाए कडिए वा उक्कंचिए वा छले वा लिने वा घट्टे वा मट्टे वा संमट्टे वा संपधूमिए वा तहप्पगारे उवस्सए अपुरिसंतरकडे जाव अणासेविए नो ठाणं वा सेज्जं वा निसीहियं वा चेइज्जा, अह पुण एवं जापिज्जा पुरिसंतरकडे जाव आसेविए पडिलेहित्ता २ तओ चेइज्जा । २८७७ से भिक्खू वा० से जं पुण उवस्सयं जा० अस्संजए भिक्खुपडियाए खुडियाओ दुबारियाओ महलियाओ कुज्जा, जहा पिंडेसणाए जाब संथारगं संधारिजा बहिया वा निन्न तहप्पगारे उपस्सए अपृ० नो ठाणं ३, अह पुणेवं० पुरिसंतरकडे आसेविए पडिलेहित्ता २ तओ संजयामेव जाव चेइज्जा ॥ से भिक्खू वा से जं० अस्संजए भिक्खुपडियाए उदगप्पसूयाणि कंदाणि वा मूलाणि वा पत्ताणि वा पुष्पाणि वा फलाणि वा वीयाणि वा हरियाणि वा ठाणाओं ठाणं साहरइ बहिया वा निष्णकुखु त अपु० नो ठाणं वा ३ बेइज्जा, अह पुणः पुरिसंतरकडे बेइज्जा ॥ से भिक्खू वा २ से जं० अस्संज० भि० पीढं वा फलगं वा निस्सेणि वा उदूखलं वा ठाणाओ ठाणं साहरइ चहिया वा निष्णकृखु तहप्पगारे उ० अपु० नो ठाणं० वा चेइज्जा, अह पुण० पुरिसं० चेइज्जा । २८८ा से भिक्खू वा से जं० तंजहा खंसि वा मंचंसि वा मालंसि वा पासा ० हम्मिः अन्नयरंसि वा तहप्पगारंसि अंतलिक्खजायंसि, नन्नत्थ आगाढा ( णा ) गाढेहिं कारणेहिं ठाणं वा० नो बेइज्जा ॥ से आहञ्च चेइए सिया नो तत्थ सीओदगवियडेण वा हत्थाणि वा पायाणि वा अच्छीणि वा दंताणि वा मुहं वा उच्च्छोलिज्ज वा पहोइज्ज वा नो तत्थ ऊसटं पकरेज्जा, तंजहा उच्चारं वा पा० खे० सिं० तं वा पित्तं वा पूर्व वा सोणियं वा अन्नयरं वा सरीरावयवं वा, केवली वूया आयाणमेयं, से तत्थ ऊसढं पगरेमाणे पयलिज्ज वा २, से तत्थ पयलमाणे वा पकडमाणे वा हत्थं वा जाव सीसं वा अन्नयरं वा कार्यसि इंदियजालं लूसिज्ज वा पाणि ४ अभिहणिज्ज वा जाब ववरोचिज्ज वा, अह भिक्खूणं पुत्रोवडा ४ जं तहपगारे उवस्सए अंतलिक्खजाए नो ठाणं वा ३ चेइज्जा । २८९ । से भिक्खू वा० मे जं० सइत्थियं सखु सपसुभत्तपाणं तहप्पगारे सागारिए उबस्सए नो ठाणं वा ३ चेइज्जा, आयाणमेयं भिक्खुस्स गाहावइकुलेण सद्धिं संवसमाणस्स अलसगे वा बिसहुआ या छडी वा उच्चाहिज्जा अन्नयरे वा से दुकखे रोगायके समुप्पजिजा, अस्संजए कलणपडियाए तं भिक्खुस्स गायं तिलेण वा घरण वा नवणीएण वा बसाए वा अभंगिज्ज वा मक्खिज्ज वा सिणाणेण वा ककेण वा देण वा वण्णेण वा चुण्णेण वा पउमेण वा आसिन वा पसिन वा उबलिन वा उच्चट्टिज्ज वा सीओदगवियडेण वा २ उच्छोलिज्ज वा (प्र० पहोएज्ज वा) पक्खालिज्ज वा सिणाविज्ञ वा सिचिंज्ज वा दारुणा या दारुपरिणामं कट्टु अगणिकार्य उज्जालिज्ज वा पज्जालिज्ज वा उज्जालित्ता २ कार्य आयाविज्जा वा प०, अह भिक्खूणं पुत्रोवइट्टा जं तहप्पगारे सागारिए उवस्सए नो ठाणं वा ३ चेइज्जा । २९० आयाणमेयं भिक्खुस्स सागारिए उवस्सए संवसमाणस्स इह खलु गाहावई वा जाव कम्मकरी वा अनमनं अकोसंति वा (बंधन्ति वा) (प्र० पचति वा वहन्ति वा ) संभंति वा उदविंति वा, अह भिक्खूणं उच्चावयं मणं नियंछिज्जा-एए खलु अन्नमन्नं अकोसंतु वा मा वा अकोसंतु जात्र मा वा उदविंतु, अह भिक्खुणं १९ आचारांग अन्दाजे २
1
मुनि दीपरत्नसागर
| SR No. | 003901 |
| Book Title | Aagam Manjusha 01 Angsuttam Mool 01 Aayaro |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 38 |
| Language | Prakrit |
| Classification | Book_Devnagari, Agam, Canon, & agam_acharang |
| File Size | 30 MB |